Paint Your Bandages (Junior High Series #1)

Chapter 17

C H A P T E R 1 7
━━━━━⋇⊶⊰♡⊱⊷⋇━━━━━

Puno ng panghihina niyang pinilit ang sarili na makaayos ng upo. Ngayon ay naka upo na si Lia sa malamig na sahig dahil hindi na kaya ng nanginginig niyang mga paa na magpatuloy sa paglalakad. 

"Iha, ayos ka lang ba?" 

Agad niyang pinunasan ang basang pisngi at tiningala ang nagsalita. Kumunot ang noo niya ng bumungad sakaniya ang isang babaeng janitress. 

"A-Ayos lang po a-ako," magalang niyang sabi at akmang tatayo ng nabagsak muli siya sa sahig. 

Agad naman siyang hinawakan ng janitress sa braso. "Wag ka ng magsinungaling na okay ka, iha. Halata naman sa'yo na hindi ka okay." 

Imbis na sumagot ay napayuko na lamang si Lia. Hindi niya kayang tignan ito dahil nahihiya siya. Feeling niya kasi ay alam ng janitress ang nangyari sa faculty ni Hudson. 

Agad niyang niyakap ang sarili ng maalala ang nangyari sa loob ng faculty ni Hudson kanina. Yes, nangyari na naman ang bangungot niya. At siguradong aaraw-arawin na naman iyon ni Hudson, kaya ngayon pa lamang ay nababaliw na siya. 

Hindi niya na alam kung ano ba ang dapat niyang gawin. At mas lalong hindi niya alam kung ano na ang uunahin niya ngayon. Kung ang pag-aaral ba o ang pag liligtas sakaniyang sarili. 

Marahan siyang tinayo ng janitress. "Halika. Ihahatid na kita papunta sa sakayan ng taxi." 

Tumango na lamang siya at pinilit ang sarili na maglakad upang hindi mas lalong mahirapan ang janitress sa bigat niya. Muntik pa siyang malaglag sa hagdan, mabuti na lamang at nakaalalay sakaniya ang janitress. 

Hanggang sa nakapunta na sila sa sakayan ng taxi ay inalalayan siya ng janitress. Hindi na siya makalakad ng maayos dahil sa matinding panginginig ng tuhod niya. 

"Hernando, siguraduhin mong ligtas 'yan makakauwi sa bahay niya ah! Malalagot ka sa'akin kung hindi 'yan nakauwi ng ligtas." 

Malakas na tumawa naman ang taxi driver saka sumaludo. "Opo, madame." 

"S-Salamat po u-ulit," magalang niyang sabi kaya nginitian siya ng malawak nito. 

Hinaplos nito ang mukha ni Lia kaya hindi niya maiwasang mapangiti ng tipid. May kung anong humaplos sa puso niya ng makitang parang gusto siya nitong yakapin ng mahigpit. 

"Mag-iingat ka sa susunod, iha." 

Tango lamang ang nasagot niya at umalis na ang taxi. SInabi niya na muna ang address nila bago sumandal sa upuan. Kinuha niya ang phone niya at tinitigan ng matagal ang pangalan ng nanay niya. 

Nag dadalawang isip na naman siya ngayon kung sasabihin niya na ba ngayon ang lahat ng kababuyang ginagawa sakaniya ni Hudson. Pero may kung anong nagsasabi sakaniya na may mangyayaring hindi maganda sa oras na nasabi niya iyon sa nanay niya. 

Namalayan na lamang ni Lia na nakatapat na ang phone niya sa tenga niya. 

"Ano itong nabalitaan ko, Lia!?" 

"Mom..." 

"Bakit sa lahat pa ng subject na pwede kang bumagsak, bakit math pa!?" 

Agad siyang napa-ayos ng upo dahil doon. Kumunot ang noo niya habang nakatingin sa daanan. 

"What do you mean, Mom?" 

"Sinabi sa'akin ni Hudson na bumagsak ka ngayong grading sa math!" 

Naibaba niya na lang ang telepono dahil sa narinig. Para siyang naging bato habang matalim ang tingin sa labas. Kumuyom ang kamay niya na nasa hita niya at marahas na pinunasan ang luhang tumulo sa pisngi niya.