9
Unicode
ကျောင်းပြန်တက်ခွင့်ရပါသော်လည်း
ခကြွေ အပြည့်အဝမပျော်နိုင်ပါ။
ဦးစျာန်က သူ့လက်အောက်ရှိနေတဲ့ကျောင်းကိုပဲတက်ရမည်တဲ့။
ခကြွေအသိတွေတစ်ယောက်မှမရှိသလို
လူချမ်းသာတွေတက်တဲ့ကျောင်းကိုလည်း
ခကြွေ မတက်ချင်။
အတွန့်တက်မိတော့ သူ့ထားပေးတဲ့ကျောင်းကိုမတက်ဘူးဆိုလျှင် ကျောင်းဆက်မတက်နဲ့တော့ တဲ့။
တစ်နေ့က 'မင်းလေးက ကိုယ့်အသည်းသက်လေး' ဆိုပြီး ပြောခဲ့တဲ့ဦးစျာန်ဟာ
ယခုတော့ သူမဟုတ်တဲ့အတိုင်းပါပဲ။
သူကဒါဆိုရင် ကိုယ့်မှာထပ်ပြီးအတွန့်တက်ပိုင်ခွင့်မရှိ။ သူမှသူအတ္တကြီးတဲ့
ဦးစျာန်မှာ ချစ်တတ်တဲ့အသည်းနှလုံး
မရှိပါချေ။
အမိန့်တွေချည်းပေးတတ်တဲ့နှုတ်ခမ်းဖျားဟာချိုသာသောစကားလုံးလေးတွေထွက်လာဖို့ခဲယဥ်းမှန်းသိပါလျက်မျှော်လင့်နေမိတဲ့ကိုယ့်ကိုယ်ကိုယ့်လည်း စိတ်ကုန်လှပါပြီ။
ကလေးသာသာစိတ်ရယ်မို့ တစ်ခါတလေ အလိုလိုက်အကြိုက်ဆောင်ပြီးအချစ်ခံချင်မိတာ ခကြွေ မမှားလောက်ချေ။
"အပေါ်ကုတ်ပါထပ်ဝတ် ငယ်''
ကျောင်းသွားဖို့ကိုလည်း သူ့စိတ်ကြိုက်
သူရွေးချယ်ပေးသည့်အဝတ်အစားကိုသာဝတ်ပေးရသည်။
ကျောင်းသွားမှာမို့ လက်ဝတ်တန်ဆာတွေမဝတ်ချင်သော်လည်း ဦးစျာန်က ခွင့်မပြုတော့ ခကြွေမှာ လက်ဝတ်တန်ဆာတွေဝတ်ပေးရပြန်သည်။
ကျောင်းလာတာလား ရှိူးပွဲလာတာလား
ဟူသည့် အကြည့်တွေကို ခကြွေမလိုချင်သော်လည်း ခကြွေဝတ်ထားပုံကိုကပြောစရာဖြစ်နေတော့ တကယ်ကိုပဲမွန်းကြပ်လွန်းလှပါပြီ။
မနက်စာဆိုလည်း သူစားစေချင်တာကိုပဲ
ခကြွေ အောင့်အည်းပြီးစားနေရသည်။
ကျောင်းလေးသွားတာကို ကိုယ်ရံတော်တွေက ကားအရှေ့၌တစ်စီး
အနောက်၌တစ်စီးဖြင့် ကားနှစ်စီးနဲ့အပြည့်လိုက်ပါလာသည်။
အာရုံစိုက်မခံချင်ပေမယ့် ဦးစျာန်လုပ်ပုံကြောင့် ခကြွေ မျှော်လင့်ချက်တွေဟာ
အိပ်မက်ထဲမှာတောင်အကုန်ပျောက်ရှနေခဲ့ချေပြီ။
