11
Unicode
.
ခမည်းခမက်နှင့်တွေ့ဆိုပွဲပျက်သွားပြီးနောက် ဒေါ်ယွန်းစံနီ အိမ်ပြန်ဖို့ကိုသာရွေးချယ်ခဲ့သည်။သို့နှင့် သူမ၏အပြန်လမ်းကို အနှီမိန်းမနှင့်ပါလာသည့်လူတချို့ကပိတ်ရပ်ထားသည်။
ပြသနာမဖြစ်ချင်သဖြင့် သူမ ရေကူးကန်နံဘေးဖြတ်လမ်းကနေပြန်ဖို့ခြေလှမ်းပြန်ဆုတ်လိုက်သည်။
သို့ရာတွင် ကိုက်ချင်သည့်ခွေးက သူမသွားရာနောက်တကောက်ကောက်လိုက်ပါနေသည်။
"ဘယ်သူများလဲကြည့်နေတာ လက်စသတ်တော့ အခြောက်လေးရဲ့
အမေကိုး"
လူကိုတမင်အငြိုးထားပြီးခနဲလာသော
အမျိုးသမီးငယ်ကို ဒေါ်ယွန်းစံနီ သေချာစိုက်ကြည့်ပေးလိုက်သည်။ လူက နတ်သမီးအလားလှလွန်းပေမယ့် အပြောအဆိုကတော့အတော်ရိုင်းသည်။
မိမိကအသက်ကြီးနေပြီ။ သုံးဆယ်ကိုကျော်နေပြီမို့ အသက်ကြီးတဲ့အထဲပါသည်မဟုတ်လော။
အနှီမိန်းကလေးကား နှစ်ဆယ်ကျော်လောက်သာရှိမည်။မိမိညီမငယ်အရွယ် မိမိကသမီးမွေးလျှင်မိမိသမီးထက်အနည်းငယ်သာကြီးနိုင်သည့်ကလေး
တစ်ယောက်နှင့်ပြိုင်ပြီးရန်မဖြစ်ချင်လို။
သို့ကြောင့် စိတ်ကိုအတတ်နိုင်ဆုံးထိန်းပြီး
အနှီမိန်းကလေးကို ပြုံးပြလိုက်သည်။
"အဲ့ဒီတော့ ဘာဖြစ်လဲ ညီမ''
"ဘာဖြစ်ရမှာလဲ ရှင့်သားအခြောက်ကောင်ကျွန်မယောက်ျားကိုလုယူတဲ့ကိစ္စ ကျွန်မလုံးဝအခဲမကျေဘူးနော် မုဆိုးမဖြစ်တာနဲ့ပဲ ကိုယ့်သားကိုသူများလင်တွေဆီချူစား
ဖို့သွန်သင်ရသလား ''
"အော် ခက်တယ် ဒီမှာ ငါ့သားကလေမောင်ဟိန်းမြတ်ကိုမြင်တောင်မမြင်ဖူး
သိတောင်မသိဖူးဘူး သူ့ဟာသူဂိမ်းဆော့
ရန်ဖြစ် ပြသနာရှာဖို့ပဲသိခဲ့တာ ဒါပေမဲ့
မောင်ဟိန်းမြတ်ကပဲသူ့ကိုအတင်းယူခဲ့တာပါ ''
"ပေါက်ကရတွေလျှောက်မပြောစမ်းနဲ့
ကျွန်မယောက်ျားကအခြောက်မဟုတ်ဘူး
ရှင့်သားကသာ ရွံစရာအခြောက်ကောင်ဖြစ်နေတာ အဲ့တာမြဲမြဲမှတ်ထား!''
