Taste of Friendship

CHAPTER 6

NAJA'S POINT OF VIEW

Cookery ang subject namin ngayon. Nasa student hall kami ngayon kung saan ginaganap ang mga programs at activities gaya ngayon.

Lunch and desert ang lulutuin ng bawat section at ang mga guro na ngayo'y nasa taas ng stage ay silang maggagrado ng titikman nila galing sa amin.

Apat na section lang ang naririto at wala ang section U, akala ko malelate sila pero no'ng tinanong ko ang isang classmate ko ang sabi ay hindi talaga kasali ang section u sa mga ganitong activities, nakick na sila dahil sa tuwing may ganito ay sila ang nagsisimuno sa away.

Nilingon ko ang Section E at unang nakita ko ay si Zarden na nakatingin sa direksyon namin at nang makita niya ako ay kunot noo siyang umiwas ng tingin, kinunutan ko rin siya ng tingin. Para talagang tinotoyo.

Napunta ang tingin ko ni Gael, nginitian ko siya at ganoon din siya, tinuro niya ang section I, tumingin ako sa tinuturo niya at nakita ko si Avabella na nagwewave pala sa akin, nagwave back din ako.

Umayos ako ng tayo nang may magsalita sa microphone.

"Ladies and Gentleman, this activity will be graded by the teachers here infront, they will not just grade your presentation but also the cleanliness and cooperation of all the students. This activity will start in ten seconds."

Nagsimula nang magbilang ang mc.

"And start!"

Hindi nagsasalita ang mga katabi ko, focus lang sila sa kung anong pinagawa sa kanila, kahit mali mali na ang ginagawa ng isa ay wala silang pake basta ang importante okay ang sarili nila.

"Aray!" Agad na nabaling ang atensyon ko sa isa kong kaklase na si Gwen, dumudugo ang hintuturo niya na nasugatan ng kutsilyo.

Walang pagdadalawang isip akong lumapit sa kaniya't kumuha ng malinis na tissue. Agad kong kinuha ang kamay niya't tinakpan ito nitong tissue na hawak ko.

Ang katabi niya ay patuloy pa rin sa pag gawa ng pinagagawa niya at ang iba'y nagulat sa ginawa ko.

"Hindi naman siya masyadong malaki, kaya takpan mo lang nitong tissue para hindi mas bubuka ang balat, ahm wait.." bumalik ako sa lugar ko at kinuha ang tape na nasa mesa.

Bumalik ako sa kaniya at nagputol ng tape.

"What are you doing?" Bakas sa mukha niya ang gulat sa ginawa ko.

"Ang tunay na magkaklase nagtutulungan at tsaka vice president ako, karapatan at responsibilidad kong tulungan ang kaklase ko." Nginitian ko siya.

"Ayan tapos na." Aalis na sana ako sa harapan niya nang hawakan niya ang braso ko.

"S-Salamat." Naiilang na sabi niya.

"Wala 'yon.." bumalik na ako sa mesa ko.

Hinugasan ko ang gulay na pinaantas sa akin tsaka binigay ito sa maggigisa.

"I told you not this! I need the bigger one!"

"Edi ikaw bumalik sa storage room. Ang arte mo."

Hindi ko na pinatapos ang awayan nitong dalawa kong kaklase.

"Bakit, anong problema?" Imbes makisabay sa mood nila ay ngumiti ako.

Kunot noo silang tumingin sa akin.

"I don't need your help." Ani Kiana, ang nagsabi na si Hally nalang ang bumalik sa storage room.

"Really? Kaya ko pa namang puntahan ang storage room at kunin ang gusto ni Hally."