UnicodeChapter 11.2
အချို့ထုတ်လွှင့်နေသည့် နာမည်ကြီး ရှိုးတွေတောင် ရုတ်တရက်ကြီး လွှင့်လာသည့်ဒီရှိူးဘက်ကို ကူးပြောင်းလာကြသောကြောင့်ကြည့်ရှုနှုန်းထိုးကျသွားလုနီးပါးပင်။
Weiboတွင်တော့ ပိုင်ချီအား ပုတ်ခတ်ပြောဆိုမည့်အစား သူတို့၏ အာရုံက ရှိုးဆီသို့သာ ရောက်သွားတော့သည်။
နောက်ဆုံးတွင်၊ ဗီဒီယို၏ ခေါင်းစဉ်ပေါ်လာတော့သည်။
[ကျိုးရန်ဖုန် နဲ့ ဖုချွင်ယင်းတို့တောင် ဒီရှိုးမှာပါတာလား? ]
[ ဖာ့ခ် ငါအခုတော့ နည်းနည်း သိချင်သွားပြီ.. အကောင်းဆုံး ဇာတ်ဆောင်နဲ့ အကောင်းဆုံး အမျိုးသမီး ဇာတ်ပို့ ထိမ်းမြားလက်ထပ်အပြီး သူတို့ဘဝက ဘယ်လိုလဲဆိုတာ...]
[ငါတော့ ဘာပြောရမှန်းမသိဖြစ်သွားပြီ။ ချိုးစစ်ချွမ်က သူ့နာမည်မကြီးတော့တဲ့ ဒီနှစ်နှစ်အတွင်း တကယ်ကြီးလက်ထပ်သွားတာပဲ။]
[ဟ ယန်ယိရူလည်း ပါမှာလား။ အိုး ဒါဆိုသူက သူ့ရဲ့ ချမ်းသာတဲ့ ယောက္ခမိသားစုကနေ နှင်မထုတ်ခံ ရသေးဘူးပေါ့။]
[ပိုင်ချီကို ရင်ဆိုင်ဖို့ ထွက်လာပြီ!!!]
[ငါ့ပါးစပ်က နဂိုကတည်းက ညစ်ညမ်းနေတာ၊ ငါ့ကိုဆဲခွင့်ပေးကြပါ!]
အင်တာနက်သုံးစွဲသူတွေ သူတို့၏ အမုန်းစကားများစွာ မပို့ရသေးခင်မှာဘဲ ပိုင်ချီ ချိုးစစ်ချွမ်အတွက် မနက်စာချက်ပေးသည့် အပိုင်းရောက်ရှိလာတော့သည်။
ချိုးစစ်ချွမ်သည် ဒီနှစ်တွေအတွင်း ပရိသတ်များစွာကို ဆုံးရှုံးခဲ့ရသည်မှာ သံသယဖြစ်ဖွယ်မရှိပေ။ သို့သော်လည်း သူ့တွင် ပရိသတ်တချို့ ကျန်နေသေး၏။ ရုပ်ဆိုးမနေသရွေ့တော့ နှလုံးသားမပြောင်းလဲသည့် ပရိသတ်တွေရှိနေဆဲပါပင်။
[ပိုင်ချီက ကြိုရှာလာတာများလား? သူကချိုးစစ်ချွမ်ရဲ့ အစာအိမ်ပြဿနာကိုတောင် သိနေတယ်။]
[ကြည့်လေ၊ ဒါက ငါသူ့အကြောင်းပြောခဲ့တာနဲ့ တစ်ပုံစံတည်းပဲ။ သူက အကြံအစည်ကြီးတဲ့ အကောင်ပါဆို! စကြဝဠာထဲမှာ ဘယ်သူကမှ သူ့ထက် အရှက်မရှိတဲ့ အကြံအစည် တွေရှိနေမှာ မဟုတ်ဘူး။ သူကစကားလေး နည်းနည်းပြောပြီး လူတွေကို မျက်နှာလိုမျက်နှာရလုပ်နိုင်တယ်။]
YOU ARE READING
အကောင်ဆုံးဇာတ်ဆောင်မင်းသားနှင့် မဟာမိတ်လက်ထပ်ပွဲချုပ်ဆိုခြင်း
RomanceTitle - A contractual marriage with the best leading actor Author - Gu Zheng (故筝) Genre- Comedy ,Drama ,Romance , Shounen Ai Slice of Life, Yaoi Status in COO- 89 chapters +7 extras Full credit to original author and English translator .