[Unicode]
(အင်း.. နောက်နောင် ငါ့အရှေ့ရော အထူးသဖြင့် ဒယ်ရေး အရှေ့ ပေါ်မလာရအောင် ပြောထားခဲ့ )
(အင်း...ဟုတ်ပြီ..)
"ဂျုံးကု ဒီမှာ အခန်း ကဒ် ရပြီ.."
ဂျုံးကု ဒယ်ရေး အသံကြားရသည်နှင့် တစ်ပြိုင်နက် ဖုန်းချလိုက်သည်။
"ဟုတ်ကဲ့ပါခင်ဗျာ.."
ဒယ်ရေး ဂျုံးကု လက်ထဲ အခန်း ကဒ် လေး ထည့်ပေးလာသည်။
"ကျွန်မ အခန်းကဒ် မရသေးဘူး ဂျုံးကု..
အန်တီတို့လည်း ရပြီးပြီကို.."ဒယ်ရေး အခုချိန်ထိ အကြောင်းအရာကို နားမလည်သေးပါပဲ ဂျုံးကုအား မျက်ဝန်းဝိုင်းတွေဖြင့် ပြောလာသည့်အခါ ဂျုံးကု နှုတ်ခမ်းသားတွေ ကော့တက်ကာ ခပ်ဖွဖွ ရယ်မိသည်။
"ကိုယ်နဲ့ အတူတူလေ ကလေးလေး ကလည်း"
"ဟင်? အဲ့လိုလား..ကျွန်မ တစ်ယောက်တည်းနေလို့ မရဘူးလားဟင် ဂျုံးကု"
မျက်လုံး အဝိုင်းသားလေးဖြင့် အူယားစရာ ကောင်းအောင် ပြောလာပြီး သူ့အရှေ့ကနေ ထွက်သွားသည့် ဒယ်ရေးအား ဂျုံးကု တကယ့်ကိုပင် ချစ်မဝ ဖြစ်နေရသည်။
"မေမေ စီစဥ်ထားတာ ဆိုတော့ ကိုယ်လည်း မပြောတတ်ဘူး..ကလေး နေချင်တယ်ဆိုရင်တော့ ကိုယ် မေမေ့ကို သွားပြော.."
"အဲ...အဲ့လိုမလုပ်ပါနဲ့ အန်တီ့ ကို အားနားစရာကြီး..ကျွန်မ တစ်ခန်းထဲပဲ နေလိုက်ပါမယ် ဂျုံးကု"
အားနာတတ်သည့် ဒယ်ရေး အကြောင်း ဂျုံးကု သိတာမို့ မေမေ့ နာမည် အကြောင်းပြလိုက်ခြင်းပင်။ အမှန်မှာ ဒီခရီးစဥ်အစအဆုံး၊ လေယာဥ်လက်မှတ်က အစ hotel အထိ ဂျုံးကု စီစဥ်ထားခြင်းဖြစ်သည်။
ညနေ ၈နာရီ flight နှင့် ဆိုးလ်ကနေ ထွက်လာခဲ့ပြီး Bali ကို မနက် ၉နာရီကျော် ၁၀ နာရီလောက် ရောက်လာခဲ့ခြင်းဖြစ်သည်။
ထပ်ပြီး airpot ၌ အထုပ်တွေ စုံမစုံ စစ်ဆေး ၊ ဟိုလုပ် ဒီလုပ်နှင့်ပင် ဂျုံးကု booking လုပ်ထားသည့် hotel သို့ နေ့လယ် ၁၁ ကျော် ၁၂ မှ ရောက်လာခဲ့သည်။