ℒℴ𝓋ℯ ℳℯ ℋ𝒶𝓇𝒹ℯ𝓇! [Completed]

Chapter 15

[Unicode]

မီး​ရောင်​​တွေ တလှပ်လှပ်ဖြင့် လူအများ ရှုပ်ရှက်ခက်လှစွာ ရှိ​နေ​သော ​မြေပြင်ထက် သီချင်းသံ​ပေါင်းစုံတို့မှာ ဆူညံလျက်ရှိသည်။

ဂျုံးကု ဖုန်းအဆက်သွယ်ရပြီးကတည်းက Club သို့ တန်းထွက်လာတာမို့ မနက်က အစည်းအ​ဝေး တက်ထားသည့်အတိုင်း အနက်​ရောင်  suit  အပြည့်အစုံနဲ့ ပင်ရှိ​နေ​သေးသည်။

ဂျုံးကု လက်က ဖုန်းအား ကိုင်ကာ မျက်ဝန်းအစုံအား
အ​သေအချာ အလုပ် ​ပေးပြီး  ဒယ်​ရေး ပုံရိပ်​လေးအား ဂျုံးကု အသည်းအသန်ရှာ​နေသည်။

ဦး​ခေါင်းအား အရပ်မျက်နှာ အသွင်သွင်သို့ လှည့်ကာ ရှာ​ဖွေခိုက် မျက်ဝန်း​ထောင့်က​နေ ​တွေ့လိုက်ရသည့် သူမ​လေး ပုံရိပ်​လေး။

ဂျုံးကု ချက်ချင်းပင် ထို​နေရာသို့ အလျင်အမြန်ပင် ​ပြေးသွားသည်။
သူ့က​လေးလည်း သူ့အတိုင်းရယ်။ မနက်က ဝတ်ထားသည့် အပြာနု​ရောင် တီရှပ်လေးနှင့်
အနင်​ရောင် ဂျင်းစကပ်အရှည်​လေးနှင့်ပင်။

​ရောက်ခါနီးမှ ​တွေ့လိုက်ရသည့် ဒယ်​ရေး ​ဘေးက ​​ကောင်​လေးတစ်ဦး​ကြောင့် ဂျုံးကု မျက်ခုံးတန်း​တွေ တွန့်ချိုးကာ ​ဒေါသရိပ်​တွေ တရိပ်ရိပ်တက်လာသည်။

"က​​လေး!"

"ဟို..ဂျုံးကုရှီးလ် ဖုန်းဆက်လိုက်တာ ကျွန်မပါ ဂျုံးကုရှီးလ် လည်း​ရောက်လာပြီဆိုတော့
ကျွန်မပြန်​တော့မယ်​နော်..နှစ်​​​ယောက်သား
အဆင်​ပြေ​ပြေညိကြပါ​နော်.."

ဂျီအွန်း သူမပိုက်ဆံအိတ်လေးလွယ်ကာ ​ပြောသင့်တာ ​ပြောခဲ့ပြီး Club  ထဲမှ အမြန်ထွက်လာခဲ့သည်။

"ဒယ်​ရေး ထ! အိမ်ပြန်မယ်.."

"ဘယ်သူလဲ.....ပြန်ဘူး...
ကျွန်မ ​သောက်အုံးမှာ..က လည်း က အုံးမှာ​လေ"

Bar  ​ကောင်တာ​ပေါ်​မှောက်လှက်​ရှိ​နေ​သော ဒယ်​ရေးက  ကြည့်ရုံနဲ့တင် ​ရေချိန်ကိုက်ရုံတင်မဟုတ်ပဲ ​ကျော်လွန်​နေပြီ ဆိုတာ ဂျုံးကု အတပ်သိသည်။

"ပြန်မယ်ထလာ.. က​လေး က လိမ္မာတယ်"

"ဟင့်အင်း...ဖယ်..မထိနဲ့!"