[Unicode]
"အမလေး မိန်းမ! အခုမှ ပဲတွေ့ရတော့တယ်"
"သိတဲ့အတိုင်းပဲ အလုပ်တွေရှုပ်နေတာဆိုတော့.."
ဒယ်ရေး သူငယ်ချင်းဖြစ်သူ ဂျီအွန်းနှင့် မတွေ့တာကြာပြီမို့ စားနေကျအကင်ဆိုင်မှာ တွေ့ဆုံရန် ချိန်းထားခြင်းကြောင့် ဂျီအွန်းနှင့်အတူရှိနေခြင်းဖြစ်သည်။
"ဒါ့ပေမယ် မပူပါနဲ့ နောက်ဆို အားတိုင်းတွေ့ရတော့မှာပါ.."
ဒယ်ရေး ပြောစကားကို ဂျီအွန်းကတော့ မျက်ခုံးပင့်ကာ မယုံဘူး ဆိုသည့် အကြည့်ဖြင့်ကြည့်သည်။
"ဒါနဲ့ နင့်လူကြီးရဲ့ romantic ဖြစ်ချက်ကတော့ ရှယ်နော်.."
ဂျီအွန်းက သူ့ရှေ့က သုံးထပ်သားတွေအား တူနှင့်ညပ်ယူပြီး ပါးစပ်အတွင်းထိုးထည့်ကာ ပလုတ်ပလောင်းနှင့် ပြောလာသည်။
"ဒါတော့ ထောက်ခံတယ် ဟဲဟဲ.."
"ဘယ်တော့လောက်လဲ လက်ထက်ပွဲက.."
"ဂျုံးကု က ဒီပြန်ရောက်တာနဲ့ တော်တော်အလုပ်ရှုပ်နေပေမယ့် ဒီတစ်လအတွင်း လုပ်မယ်လို့တော့ ပြောသံကြားတယ်.."
"ကောင်းပါတယ်.."
နှစ်ယောက်လုံး စကားပြောနေကြပေမယ့်
အစားနဲ့တော့မပျက်စေရပါ။ မီးဖိုပေါ်တင်ထားတဲ့ အသားတုံးတွေအား တစ်ခုပြီးတစ်ခုယူရင်း ပါးစပ်ထဲအတင်းထိုးသွင်းနေကြသည်မှာ နှစ်ယောက်သား ပြိုင် စားနေကြသည်ဟုပင် ထင်မှတ်ရလောက်သည်။"ယောက္ခမကြီးတွေရော သဘောကောင်းလား?"
"တစ်ခါမှ မခံစားရဖူးတဲ့ မိဘမေတ္တာကို အခု ဒယ်ရေးလေးက ခံစားရနေပြီလေ"
ဒယ်ရေးက မျက်ခုံးပင့်ကာ ပြန်ပြောတော့
ဂျီအွန်း ဝမ်းသာရပါသည်။ ဒီကလေးမ ဘယ်လောက် ချစ်ခြင်းမေတ္တာ ငတ်မွတ်နေမှန်း သူအသိဆုံးမို့ သူငယ်ချင်းမလေး အခုလို ပျော်ရွင်နေပြီး ဂျုံးကုလို လူမျိုးရထားတာမို့ ပီတိဖြစ်နေရသည်။"ဒါနဲ့ သတို့သမီး အရံ ငါလုပ်မှာနော်.."
"နင်မလုပ်ပဲ ဘယ်သူလုပ်ပေးမှာလဲပြော.."