" ငါ့ကိုပြန်လွှတ်ပေး စတီဗန် "
" မကြားရဘူး "
မျက်နှာလွှဲကာ မကြားချင်ယောင်ဆောင်နေတဲ့ စတီဗန်ကြောင့် ခွန်ရှောင်းပို၍စိတ်တိုလာရသည်။
" ငါ့ကိုပြန်လွှတ်ပေးလို့ပြောနေတယ်နော် "
" သေချာမကြားရသေးဘူး "
" ငါ့စိတ်တွေဆူပွက်လာရင် မင်းကိုတခုခုလုပ်မိလိမ့်မယ် "
ကျောပေးကာမျက်နှာလွှဲနေသူက ချက်ချင်းထလာကာ ခွန်ရှောင်းရဲ့ခန္ဓာကိုယ်လေးကိုဆွဲမတ်လိုက်သည်။
" အခုချိန်မှာရှောင်းရဲ့စိတ်တွေက ပုံမှန်မဖြစ်သေးဘူးဆိုတာကျွန်တော်သိတယ် ဒါပေမဲ့ကျွန်တော်မပါပဲ ဘယ်ကိုမှထွက်သွားခွင့်ပေးမှာမဟုတ်ဘူး "
" ဘယ်အချိန်ထိလဲ ဘယ်အချိန်ထိငါကဒီလိုမျိုးပိတ်လှောင်ခံထားရမှာလဲ "
" ရှောင်းရဲ့စိတ်တွေပုံမှန်ပြန်ဖြစ်တဲ့အချိန်ထိပေါ့ အတိအကျပြောရရင် လူထပ်မသတ်တော့တဲ့အချိန်အထိ "
" ဖယ်စမ်းပါ ငါ့ဘ၀ကိုငါ့ဘာသာဆုံးဖြတ်မယ် "
စတီဗန်ရဲ့ခန္ဓာကိုယ်ကိုအတင်းတွန်းထုတ်ကာ ရုန်းထွက်လိုက်တဲ့ရှောင်းရဲ့လက်တွေကို စတီဗန်လှမ်းဆွဲကာ ဆိုဖာပေါ်လှဲချလိုက်၏။
" ဟုတ်ပြီ ရှောင်းကကိုယ့်ဘာသာဆုံးဖြတ်မယ်ဆိုရင် ကျွန်တော်ကရှောင်းရဲ့အဆုံးအဖြတ်ကို ပြန်ပြီးတည့်မတ်ပေးမဲ့ကောင်ပဲ "
" မင်းအိပ်ပျော်နေတဲ့အချိန်မှာတင် ငါမင်းကိုသတ်လိုက်လို့ရတယ်နော် စတီဗန် "
" ဟုတ်လား ဒါဆိုဒီကောင်မြန်မြန်အိပ်ပျော်သွားအောင် ခင်ဗျားရဲ့ရင်ခွင်ထဲမှာ ချော့သိပ်လိုက်ပါလား ခွန်ရှောင်းဇင် "
" ကြည့်ရတာ ငါ့ကိုစိန်ခေါ်နေတယ်ထင်တယ် "
" စိန်ခေါ်တယ်ထင်လဲ ယှဥ်ပြိုင်လိုက်ပါလား ဒီကောင်ကခင်ဗျားရှေ့မှာကျရှုံးပြီးသားပဲလေ ဘာများအနိုင်ရအုံးမှာလဲ "
သူ့အပေါ်မှအုပ်မိုးကာ လက်တွေကိုချုပ်ကိုင်ထားတဲ့စတီဗန်ကြောင့် ရှောင်းကသူ့တံတောင်ဖြင့်ပြန်တွန်းထုတ်ကာ စတီဗန်ရဲ့ကိုယ်ပေါ်သို့ တစ်ဖန်ပြန်အုပ်မိုးလိုက်သည်။
