Ep.10 ပုဂံသို့ရောက်ရှိခြင်း
ကန်စွန်းရွက်ကြော် လေးတစ်ခွက် ထမင်းကြမ်းလေးနှစ်ပန်းကန် လက်ဆေးရေဇလုံ ရေနံဆီမီးခွက်တစ်ခွက်သာပါရှိသော ထမင်းဝိုင်းလေးမှာလည်း ချစ်ခြင်းမေတ္တာရဲ့နွေးထွေးမှုကြောင့်ချိုမြိန်နေသယောင်...။
"နို့ ကျုပ်အကိုကြီးရာမောင်ကအိမ်ထောင်မပြုတော့ဘူးလားဗျ"
မြင့်ကျော်စကားကိုကြားတော့ သူစားလက်စကိုခနရပ်လိုက်ပြီးမှ...
"မင်းအကိုကြီးကိုအိမ်ထောင်အတော်ပြုစေချင်ပြီလားကွ"
"ပြုစေချင်တယ်လို့လဲမဟုတ်ပါဘူးဗျာ...ကျုပ်အကိုကြီးကအသက်အားဖြင့်လဲချစ်ရသူရှာသင့်နေပြီမို့မေးကြည့်တာပါဗျ"
လူကြီးတစ်ယောက်လိုစဥ်းစားပေးနေသည်မို့သူပြုံးလိုက်မိသေး...။ ညီလေးမို့သာတော်ပါရော့ မြင့်ကျော်ရယ် ကျုပ်အဖသာဖြစ်ရင်ဘယ်လောက်မြန်းရင့်ကျက်ပြနေမလဲ...။
"ဒီကအကိုက အချစ်ရေးရာတွေစိတ်မဝင်စားသေးပါဘူးမြင့်ကျော်ရာ..."
"ဟုတ်ပါပြီဗျာ...တော်ကြာအရွယ်လွန်မှမိန်းမယူချင်လို့မရဘူးနော်..."
မြင့်ကျော်စကားကိုကြားတော့သူခပ်ပြုံးပြုံးသာလုပ်နေလိုက်သည်။ အိမ်ထောင်မပြုဘဲ ဒီအတိုင်းပဲနေသွားရလဲသူ့ဘဝကအဆင်ပြေလွန်းလှပါတယ်...။
စားလို့သောက်လို့ပြီးသွားတော့ မြင့်ကျော်က " ကျုပ်ဆေးပါ့မယ်အကိုကြီးရာ " ဟုဆိုကာ ရှိသမျှပန်းကန်တွေအကုန်ဆွဲယူသွားလေသည်။
သူလဲဘာမှပြောမနေတော့ဘဲ စားပွဲခုံသိမ်းပြီး ရေနံဆီမီးခွက်ညှိမ်းကာ အိပ်ယာခင်းထားလိုက်သည်။
ပန်းကန်ဆေးပြီးသွားတဲ့မြင့်ကျော်ကသူခင်းထားတဲ့အိပ်ယာပေါ်ခနငုတ်တုတ်ထိုင်ပြီးညနေကအကြောင်းကိုမေးသည်။
"အမမြတ်ရဲ့အဖေကဘာလို့အကိုကြီးကိုခေါ်တာတုန်းဗျ"
"ဪ...ဒီလိုလေ...ရန်ကုန်မြို့အရေးပိုင်မင်းရဲ့သားကပုဂံမှာလာပြီးလေ့လာစရာတွေရှိလို့တဲ့ အဲ့ဒါငါ့ကို guide လုပ်ခိုင်းတဲ့သဘောပါကွာ..."
YOU ARE READING
ချစ်မော်ကွန်း ရင်မှာတည် ( Complete )
Historical FictionStart. Jun 5 . 2022 End. Feb 12 . 2023 Zawgyi ± Uni "တရုတ်စကားပန်းလေးတွေကအချစ်နဲ့သိပ်တူတယ်ဓိညာ...နေဒဏ်ကိုမခံနိုင်သလို လေဒဏ်ကိုလဲမခံနိုင်ဘူး အထိအခိုက်လွယ်ပြီးနူးညံ့ကြတယ်...ဒါပေမယ့်ပင်စည်ရှင်သန်သရွေ့ထပ်ပြီးပွင့်လန်းနိုင်တယ်" Zawgyi Ver "တရုတျစကား...