Unicode
နည်းလမ်း
အမတ်ကြီးရင်းက အံသြတကြီးနဲ့
"မင်းမှာနည်းလမ်းရှိတာလား"
၀မ်ချီကခေါင်းငြိမ့်လိုက်ပြီး ဘာမှမပြောဘဲသူ့၀တ်ရုံလက်ကြားမှ လေးထောင့်ပုံခေါက်ထားတဲ့စာရွက်ကိုထုတ်ကာ စားပွဲပေါ်တင်လိုက်ပြီး အမတ်ကြီးရင်းဆီကိုရွှေ့ပေးလိုက်သည်။
၀မ်ချီဒီလိုတွေပြင်ဆင်လာမယ်ဆိုတာ အမတ်ကြီးရင်းမထင်ထားပေ။
သူ့ခမျာ၀မ်ချီကိုကြည့်ရင်း အံသြနေမှုတွေကိုချိုးနှိမ်လိုက်ပြီး ရှေ့မှစာရွက်ခေါက်ကိုယူကာဖြေးဖြေးချင်းဖွင့်ကြည့်လိုက်သည်။
နောက်တစက္ကန့်မှာပဲ သူ့အမူအရာကအေးခဲသွားပြီး ၀မ်ချီကိုဆွံ့အနေတဲ့အမူအရာနဲ့ကြည့်လိုက်သည်။
၀မ်ချီက အမတ်ကြီးရင်းတွေးနေတာကိုစဥ်းစားမိသွားပြီး ရှက်သွားတဲ့ပုံနဲ့ခေါင်းလေးကုတ်ကာ
"အမတ်ကြီးရင်း ကျွန်တော့်လက်ရေးကညံ့ဖျင်းတာကြောင့် အမတ်ကြီးအတွက်ရယ်စရာဖြစ်သွားပါပြီ"
အမတ်ကြီးရင်းက စာရွက်ကိုပြန်ကြည့်လိုက်သည်။
စာရွက်ပေါ်မှစာလုံးတွေက ပဲပင်ပေါက် ဒီစကို က,နေသလိုမျိုးတွန့်လိမ်နေတာကြောင့် ၀မ်ချီက လက်ရေးအလှပါရမီလုံး၀မရှိမှန်းသိသာနေတဲ့အပြင် စာလုံးတွေကိုလည်းသေးသေးကွေးကွေးရေးထားတာကြောင့် ရင်းရှန်းရှုခမျာမနဲပြူးပြဲဖတ်နေရသည်။
ဒါပေမယ့် ဖတ်နေလေလေ အမတ်ကြီးရင်းရဲ့အမူအရာက လေးနက်လေဖြစ်လာပြီး အံ့အားသင့်တဲ့အမူအရာပေါ်လာလိုက်၊မျက်မှောင်ကျုံ့ကာစဥ်းစားလိုက်လုပ်နေပြီးမှ ၀မ်ချီအားအံ့သြနေတဲ့ပုံစံနဲ့ကြည့်လိုက်သည်။
၀မ်ချီက စုတ်တံသုံးပြီးမရေးတတ်တာကြောင့် အတတ်နိုင်ဆုံး လိုရင်းတိုရှင်းဖြစ်အောင် စာလုံးရေ၅၀၀တောင်မပြည့်ဘဲ ခပ်သော့သော့ရေးထားသည်။
ဒါပေမယ့်လည်း အမတ်ကြီးရင်းကတော့ ထိုစာလုံးရေ၅၀၀မပြည့်တဲ့စာကို နာရီ၀က်လောက်ဖတ်လိုက်ရသည်။
ထိုနာရီ၀က်အတွင်း ၀မ်ချီတစ်ယောက်ကတော့ အချိုပွဲအနဲငယ်နဲ့ လက်ဖက်ရည်၅ခွက်လောက်တောင် သောက်ပြီးနေပြီဖြစ်သည်။
YOU ARE READING
အာဏာရှင်၏ကိုယ်လုပ်တော်အဖြစ်သို့ကူးပြောင်းလာခဲ့ခြင်း(မြန်မာဘာသာပြန်)
FantasyThis is not my own story. It is fan translation. Credits to original author. Picture credits to original artist. Associated name- 穿成暴君的男妃 English name- Transmigrated to become the Tyrant's Male Concubine Type-Chinese novel Author- Sweet And Greas...
