Unicode
စစ်ဆေးမေးမြန်းခြင်း
၀မ်ချီက
"မှန်လှပါ အရှင်မင်းကြီး"
ဘုရင်မင်းမြတ်က
"ထိုင်လေ"
နန်းတွင်းအစေခံတစ်ယောက်က လျင်မြန်စွာပဲခုံတစ်လုံးယူပြီး ရှီးရယ်ရဲ့၀ှီးချဲဘေးမှာနေရာချထားလိုက်သည်။
"ကျေးဇူးကြီးမားလှပါတယ် အရှင်မင်းကြီး"
၀မ်ချီ ကျေးဇူးတင်စကားပြောပြီးနောက် ရှီးရယ်အနားမှခုံဆီလျှောက်သွားကာ ခေါင်းအနဲငယ်မော့ကြည့်လိုက်တော့မှ တော်၀င်စာကြည့်ဆောင်ထဲရှိလူအားလုံးကို ရှင်းရှင်းလင်းလင်းမြင်လိုက်ရသည်။
ဘုရင်မင်းမြတ်ဘေးမှာ ကျက်သရေရှိစွာ၀တ်စားဆင်ယင်ထားတဲ့အမျိုးသမီးတစ်ဦးနဲ့ ချောမောတဲ့လူငယ်တစ်ဦးရှိနေသည်။
ဒီအမျိုးသမီးက ကိုယ်လုပ်တော်ရုံပဲ ဖြစ်ရမယ်...
ဒါဆို သူမဘေးကလူငယ်လေးက မဟုတ်မှလွဲရော ကိုယ်လုပ်တော်ရုံရဲ့သားဖြစ်သူ ၀တ္ထုရဲ့အဓိကဇာတ်လိုက် ရှီးကျင်းပဲဖြစ်ရမယ်...
၀မ်ချီက ထိုလူရဲ့ပါးစပ်နားကိုမသိမသာကြည့်လိုက်တော့ နှုတ်ခမ်းအောက်နားလေးမှာ မှည့်သေးသေးလေး ထင်ထင်ရှားရှားရှိနေတာကိုတွေ့လိုက်ရသည်။
တကယ့်ကို စတုတ္ထမင်းသား ရှီးကျင်းပဲ...
ရှီးကျင်းက ၀မ်ချီ့အကြည့်ကိုခံစားမိနေတာကြောင့် ရုတ်တရက်သူ့ဘက်လှည့်လာတော့ ၀မ်ချီကလည်းအမြန်အကြည့်လွှဲလိုက်သည်။
၀မ်ချီခမျာ ရင်ဘတ်ထဲမှနှလုံးကြီး တဒုတ်ဒုတ်နဲ့ထွက်ကျတော့မတတ် လန့်သွားသည်။
နောက်တခဏ၌ ၀မ်ချီတစုံတခုကိုခံစားမိတာကြောင့် ခေါင်းလေးစောင်းကြည့်လိုက်တော့ ရှီးရယ်ကမေးထောက်ကာ သူ့ကိုကြည့်နေပြီး ၀မ်ချီရဲ့အမူအရာသေးသေးလေးတွေကအစ သိနေတဲ့ပုံပေါ်နေသည်။
၀မ်ချီ-"...."
သူ့ပုံစံက ဘာလို့ နောက်မီးလင်းနေတာကိုမိသွားသလိုမျိုးဖြစ်နေပါလိမ့်...
ကံကောင်းစွာပဲ ဘုရင်နဲ့ကိုယ်လုပ်တော်ရုံက စကားပြောနေတာကြောင့် သတိမထားမိပေ။
ကိုယ်လုပ်တော်ရုံစကားပြောလို့ပြီးသွားတော့ ဘုရင်က၀မ်ချီဘက်ကိုလှည့်လာပြီး
"ကျင်းကျိုးဒေသကျိုင်းကောင်ကိစ္စဖြေရှင်းဖို့နည်းပေးတဲ့သူက မင်းဆိုတာ အမတ်ကြီးရင်းဆီက ကိုယ်တော်ကြားထားတယ်"
YOU ARE READING
အာဏာရှင်၏ကိုယ်လုပ်တော်အဖြစ်သို့ကူးပြောင်းလာခဲ့ခြင်း(မြန်မာဘာသာပြန်)
FantasyThis is not my own story. It is fan translation. Credits to original author. Picture credits to original artist. Associated name- 穿成暴君的男妃 English name- Transmigrated to become the Tyrant's Male Concubine Type-Chinese novel Author- Sweet And Greas...
