قارورة الـ مُخلد

الحلقة |5|

الڪاتبة | زينب صلاح
في | قارورة الـ المُخلد

♥♥♥♥♥♥♥♥♥♥♥♥♥♥

مر اسبوع كامل ؏ جيته الي بعدها ما اجه وما اتصل غير بنفس يوم جيته.. جنت غصب عني اقلق واراسل بس اجابته البارده والمُختصرة خلتني لا اتصل ولا اراسل ودائمًا اشوفه متصل ؏ الواتس بالليل بس ما يراسل...

هضمني واحس لجم ڪلبي بتصرفه هذا ودومني معبسه وجهي والكل حس بيه بس ما سألوا..

جنت انتفض ويه كل دكة باب عبالي هوٰ ردته يجي يعتذر ويبرر بلكي اسامحه واعذره بس ما حاول!!

صادف يوم اربعاء
كعدت الصبح وساعدت امي بالشغل لان البنات نايمات ويكعدن متأخر وبالاخص التنبل اسل هاي لو نامت تفقد عبالك ميت..

قبل جيت بابا اخذت ملابسي وركضت للحمام اسبح ؏ السريع
طلعت بدخلت بابا رحت بست راسه..

-الله يساعدك تچايتي

-ويساعدج باباتي وين خواتج؟

-بالغرفة كاعدات ؏ التلفزيون

-ومريمي

-هههه بالمطبخ

-دخلي مشطي ولفي نفسج لا تستبردين بنيتي

-صار

دخلت واشوف اسل وراما خاتلات بالفون مالتي وبس دخلت كمزن عبالهن ابوي ههه عفتهن ورحت امشط واشسور شعري بوكتها جنت لابسه دشداشه لونها بُني فاتِح ربع ردن والدلعه مالتها دائريه ومن الخصر ضيگه وتنزل كلوشه اشبه بالبدلة...

شوي وكمزن وكمزني وياهن اجت اسل..

-دخلت بالغلط وربي

راما- جذابه دخلت من فضولها

اسل-نجبي

همسه-نجبن ثنينجن وگللي وين دخلتن؟

اسل-شسمه مُخلد دزلج رسالة واحمم انفتحت

خزرتها وسحبت الفون منها شفت رسالته..

.. ها بذاته لا تگولين ميت عدل ام خشم اليابس

بعدني اقرأ ودز..

.. هيج صارت تشوفين وما تجاوبين

كتبت..

.. اسل فتحتها مو اني

رد..

.. مشتاقلج

كتبت..

.. تشتاقلك الجنة

رد..

.. مبين زعل قارورتي ثكيل بس هم حقج بويه من اجي افهمج

كتبت..

.. باي صبوا غده

رد..

.. الف عافية بنيتي اخذي راحتج

قريتها وما رديت ذبيته ؏ سريري وكملت تمشيط وصحت لأية تسويلي ضفيرة فرنسية وخطية ما گالت شي..