قارورة الـ مُخلد

الحلقة |18|

الڪاتبة | زينب صلاح
في | قارورة الـ مُخلد

لا تنسون التصويت + متابعة للحساب + التعليق بين الفقرات 🤍

♥♥♥♥♥♥♥♥♥♥♥♥♥♥

- والله؟

- وروح امي

- يـااااا عُمرييي

شبگته متعلقه برقبته واضحك فرحانه شاركني ضحكاتي يمسح ؏ شعري وبيده الثانيه حاضن خصري..

- شگد احبببك اني

- امي انتِ ميت بيج

ابتعدت فرحانه حيل بقراره..
- ربي لا يحرمني منك ما تدري شگد فرحتني بقرارك هذا وشگد يعنيلي

- ما اگدر ؏ زعلج قارورتي لحد قبل دقائق چنت مصمم ؏ فكرتي بس من شفتج هيج نمرد گلبي

- اسم الله ؏ گلبك يا گلبي انتَ

- لو ادري من زمان متراجع علمود اسمع هذا الغزل

- هههههه

- فدوة

سحبني لصدره وگال..
- همسه

- عيونها

- كومي اكلي لخاطري

- هسه اصبلنه ثنينه

- مع انُ ما اشتهي بس اكل لواهسج

- ثواني واجي

نزلت ركض حطيت الغده ورتبت الصينيه بحيث صارت تشهي وصعدت لگيته يقرأ بكتُبي حطيته گدامه وجبت ماي من الثلاجه وگعدت يمه بعادته هو دوم يشاركني من اكله وفوك حصتي ينطيني ويشيل ويخلي گدامي..

من خلصنه نزلت غسلت المواعين ورجعت صعد لگيته مدد ويتابع بالتلفزيون، غيرت ملابسي بدشداشه قصيرة ورحت يمه فتحلي ايده مبتسم..

حطيت راسي ؏ صدره وهو حضني بايس راسي وهمس..
- مشتاقلج گد رحمة الله

- اني اكثر

- امي انتِ

- حبيبي؟

- يا روح حبيبج

- مشتاقه لاهلي واريد اروح اشوفهم

- ليش لا بعدين بالليل اخذج ونرجع

صفنت محتاره خاف اگله اريد ابات ونرجع نتعارق واحنه تونه تصالحنه هو حس اكو شي وره سكوتي رجع گال..

- شبيج قارورتي؟

- لا تعصب وتضوج فدوة

- هههه لا سولفي

رفعت راسي ورمشت برائه..
- اريد ابات كم يوم!!!

اخذله صفنه بوجهي اخر شي سحب راسي ورجعه ؏ صدره وگال برفض..

- لا گدامي انتِ واشتاقلج هنوب تباتين شلون بيه

- بس اني مشتاقه الاهلي حبيبي فدددوة