قارورة الـ مُخلد

الحلقة |20|

الڪاتبة | زينب صلاح
في | قارورة الـ مُخلد

لا تنسون التصويت + متابعة للحساب + التعليق بين الفقرات 🤍

♥♥♥♥♥♥♥♥♥♥♥♥♥♥

همسه*

محاولات وسيل من الاعتذارات قدمها ما گدرت اسامحه او حتى استمع لتبريراته الواهيه والغير مقنعه استمر هو ينام بالصالة حسب رغبتي واني بالغرفة ومن يشوفني رافضه استمع اله ما يضغط عليه بس حيل احسه تعبان والندم ياكل بصحته..

هالشي ما عاجبني لان احسه تعبان وضعفان ودوم مهموم حسراته تزرف صدره..

ايدي تحسنت الحمدلله وگدرت ؏ المرهم اتعافى واتحسن بس ڪلبي وروحي شنو علاجهم وحبيبي صار مصدر خوف وقلق بالنسبه الي ما انام براحة اذا ما اقفل الباب ومن عرف حسيت کأنو سهم ملتهب اخترق صدره نظراته بذاك اليوم دمرتني..

من كعد الصبح وراد يدخل للغرفة وما انفتح طرق الباب الا كعدت وكمت فتحت الباب اله تسائل عن السبب واني فضلت الصمت تنهد تنهيدة تعب وعيونه ذبلت بحزن تركني وراح متفهم..

جنت بالجامعة خلص الدوام واجه الخط اخذني من وصلت شفت سيارة بابا احس روحي طارت من الفرح ركضت ادخل مشتاقتله من صارت المشكلة لحد الان ما شايفته والي فاجأني الكُل مجتمع ماما موجودة وخواني وخواتي...

همسه- باباا

باوعلي وضحك..
- زُجاجت ابوها الغالية

ركضت ودخلت بين احضانه لمني لصدره وامطرني بسيل من البوسات سلمت ؏ ماما بلهفة ما تقل عن لهفتي لـ ابويه وكذلك اخوتي..

همسه- حيللل مشتاقتلكم همزين اجيتوا

اية- لو ما اني ما يجون

حجتها بغرور وضحكت سحبها بابا وباس راسها استغربت من گال..
- ربي يحفظج ويكومج بالسلامة روح ابوج

همسه- شنو صاير؟

اسل- همسه ما تعرف

اية- هههه لا ما گلتلها بعدني

مهيب- راح تصيرين خاله عن قريب

باوعتله ورمشت بصدمة اباوعلهم يضحكون ؏ ردة فعلي..
- حامل؟!!!!

- ايييييي

ركضت حضنتها ما مصدكه حيل تونسه ضحك وسوالف لحد ما دخل مُخلد تفاجأ بوجود اهلي ورحب بيهم هواي وابتسم بتعب يباوع لـ لمتنه سوه...

جابر- بهاي المناسبة الحلوة الي طلب عند مُخلد وقيصر واتمنى ما تردوني

عبس وجه مُخلد عكس قيصر الي گال بابتسامة..
- ما يردك الا البخيل تفضل عمي واعتبره صار

جابر- اعرف انتَ العاقل ابو لسان الحلو رضي اخوك وتصالحوا تزوجتوا وراح تصير اب مو حلو اطفالكم تكبر وانتم بعدكم حاقدين