الڪاتبة | زينب صلاح
في | قارورة الـ مُخلد
لا تنسون التصويت + متابعة للحساب + التعليق بين الفقرات 🤍
♥♥♥♥♥♥♥♥♥♥♥♥♥♥
اجمع بالاشياء الضرورية الي تخصني ودموعي تنزل صرت اتناقض ويه نفسي
اريد اعوفه وبنفس الوقت ما اريد اروح اريد ابقى يمه..
مسحت دموعي من حسيت بخطوات ورايه گعد بصفي ؏ الارض وحط تلفوني ؏ الجنطة..
- هذا تلفونج مثل ما هو
اخذته وحطيته داخل الجنطة بدون ما اجاوب لزم ايدي وباسها..
- احبج خلي هذا الشي بالج وراح ارجعج علمود راحتج والا بالله العظيم ما اگدر اعيش لحظة بدونج وراح اجور ؏ نفسي واتحمل شلون انتِ تحملتيني ذيج الفترة
- ما تكسر شروطي لان اني ما ارجعلك اذا ما تنفذهن وبالاخص تبتعد عن ايهم واختك ما اريد اشوف وجهه وخلي بالك اذا رجعت ما ارجع ويه اختك شوفلك حل
- بالي اشوف بيت قريب ؏ اهلج علمود من اطلع اطمئن عليج
فرحت بهذا الشي بس ما ظهرته والتزمت السكوت اكمل شغلي وهو كُل شوي يذب حسرة للعصر لبست وطلعت لگيته منتظرني..
تقرب لزم خدودي بين ايدي وتقرب سديت عيوني بقوة واني احس بنفسه قريب مني همس بصوت ضعيف..
- سمحيلي بس هاي المرة صبريني ؏ فراقج
ما جاوبته بشي وبنفس الوقت ما ابتعدت صاير عندي تناقض اريده وما اريده ، قطع افكاري من حسيت بشفايفه ؏ شفايفي تنهد بصوت وباسني بلهفة..
بچيت ؏ حالنه وهو شاركني دموعه تنزل بصمت سند جبينه ؏ جبيني وگال..
- بداعت ابوج لا تحجين لا تكسريني
- ما احجي
- خذلتج لا تخذليني
- ما احجي والله
- واثق بيج انه واثق بيج
ابتعد باس جبيني وفتح الباب طلعنه الجو جان حار يموت بس صعدنه شغل التبريد بسرعة ومشه بالطريق گال..
- كل الامتحانات الفاتتج راح يعيدونها الج صح راح يصير ضغط عليج بس انتِ گدها من تروحين للجامعة روحي للعميد حيدر وهو ينطيج الجدول مضبوط
- ان شاء الله
- من اتصل جاوبيني لا تأذيني
- اي
- انه ما ادخل اوصلج واروح
- يشُك بابا هيج
تنهد بتعب..
- خجلان شلون احط عيني بعينه والله
ما عرفت شنو اجاوب لذلك فضلت السكوت ماكو اقل العشرين دقيقة ووصلنه للبيت باوعت من بعيد وعيوني نملت شوق ولهفة الهم..
ŞİMDİ OKUDUĞUN
قارورة الـ مُخلد
Genel Kurguمن بين الجميع لم تنتقي عيني غيرك لم تسقط سوى على قامتك وزينتُك احببتُ ذلك الشي المُمميز بك دون غيرك ولا تسأل عن السبب فـلا علم ليّ به !! وجدت الامان بعينك، فخذلتني والحنين بين ذراعيك، فكسرتني ثُم اصلحتني وانتَ تُناديني _قارورتي_ لأكون قارورةً لك قا...
