قارورة الـ مُخلد

الحلقة |30|

الڪاتبة | زينب صلاح
في | قارورة الـ مُخلد

لا تنسون التصويت + متابعة للحساب + التعليق بين الفقرات 🤍

♥♥♥♥♥♥♥♥♥♥♥♥♥♥

همسه*

الغده محطوط واحنه صافنين عليه ما نگدر ناكل منتظرين بابا الي لا يرد ؏ التلفون ولا رجع للبيت گام مهيب..

- رايح لبيت عمي اشوف شصاير

مريم- اگعد يمه هسه يرجع وين رايح بهذا الظهر

- ابقى گاعد وساكت وابوي مختفي ما ندري شبي ما بي

قُتيبة- يله امشي نروح سوه

امي تمشي وراهم وتمنع بيهم وهمه قفلوا ويه فتحت الباب صار بوجهنه عمو خالد واية جان وجهه اصفر وعيونها حمر ومورمات وبلگوه واگفه امي ضربت ؏ صدرها وگالت..

- يمه بنيتيي

ركض مهيب شالها ودخل بيها للغرفة مددها وقُتيبة باس راسها..

مهيب- شبيج يا روح اخوج

شهگت وماتت من البجي انصدمنه معقولة هاي اية القوية اللسان قُتيبة حضن راسها لصدرة وگال..
- ما عاش الي ينزل دموعج واخوتج موجودين

اية- كسرننني ابويه خذلني بعددد مااا جنت اضنه سندييي

ظلينه واحد صافن بوجه الثاني رحت گعدت يمها..
- شبيج ايوته بس فهمينه

اباوع البنات يبجن وصافنات عليها هزت راسها وگالت..
اية- اريد انام بس فدوة

باس راسها..
مهيب- عيون اخوج نامي بس اني ما اطلع تبقين بحضني لحد ما اطمن عليج

قُتيبة- ولا اني

حضنت مهيب وظلت تشهك بالبجي وقُتيبة لازمه ايده بقوة بست راسها واشرت للبنات نطلع ونعوفها بس من طلعنه شفت بابا..

والي فاجئني جان يبجي وامي تهدي بي ودموعها تصب من انتبهوا ؏ وجودنه گالت..

مريم- اختج شلونها؟

- تريد تنام وبقوا يمها مهيب وقُتيبة

هز راسه بابا متحسف ومن بعد ملحه طويلة من امي سولفنه الي صار
توقعت كُلشي من وداد بس تحرك اختها علمود تنجح خططها هاي الي ما توقعته والي صدمني اكثر تصرف بابا؟

معقولة لو مُخلد مرجعني اله وحاجيله انُ عندي علاقة ويه واحد وينطي التلفون ڪ دليل يصدك وتكون ردة فعله اسوء؟

خفت وهذا الشي اخذ حيز بتفكيري بدون وعي اخذت التلفون ورحت للديوانية قفلتها عليه واتصلت ماكو بأول رنه جاوب وقبل اي شي بديت اسولفله الي صار واني ابچي من خلصت گال..

- قيصر عاقبها وانه ما راح اكتفي بهذا الشي

- شنو تريد اختك منه والله ما أذيناها بشييي