الڪاتبة | زينب صلاح
في | قارورة الـ مُخلد
لا تنسون التصويت + متابعة للحساب + التعليق بين الفقرات 🤍
♥♥♥♥♥♥♥♥♥♥♥♥♥♥
صافنه وضايعة ما اعرف شنو اتصرف خايفة ووجع گلبي كل يوم يزيد خاف اطلع من هذا الباب واشوف مُخلد الوحش الي بلا رحمة مثل ذاك اليوم عيشني بالنعم لليلة وحدة وثاني يوم ضرب حقيقته بوجهي..
خايفة كُلشي سواه امس ما جان واعي اله رفعت راسي ونزلت دموعي همست بضعف..
- ربي وكلتلك امري تعبت ساعدني مالي غيرك
گمت من السرير اخذت المنشفه وصفنت شنو البس حتى ملابس ما عندي طلعت للصالة ادور عليه..
- همسه
درت جان صافن عليه من شُباك المطبخ ضغطت ؏ المنشفه وهمست..
- عادي اخذ من ملابسك؟
ما سمعت جواب منه رفعت راسي اله توترت من شفته تقدم الي بيده اكياس هواي..
- اشتريتلج
بلعت ريگ متوتره وهزيت راسي اخذتهن منه ورحت للغرفة اخذت دشداشه ورحت للحمام سبحت وطلعت مشطت شعري القصير بوكتها ظليت اسوي كُله ذيل حصان لان قصير...
رحتله وگلت بدون مقدمات..
- اتصل ؏ بابا
- تعالي
رحت گعدت يمه بسرعة اتصل وفتح مايك ابتسمت فرحانه من وصلي صوت بابا..
- ولك مخيلد وين بنيتي؟
- هههه شلونك عمي احنه زينين
- منو سئل عليك انطيني زُجاجتي حسابك بعدين
- صار صار
اخذت التلفون يختض بيدي گد ما ارجف همست وصوتي رايح ؏ گد ما الخنگه لزمتني..
- تچايتي؟
- هيج يصير يا بابا راح يصيرلج اكثر من شهرين ماكو لا سامع صوتج لا شايفج شلون تگطعين بينه؟
باوعت لـ مُخلد بتأنيب وحجيت..
- اني اسفه بس تلفوني عطل
- وتلفون زوجج؟ هذا مو عذر بابا مو عذر صاير وياكم شي وما تريدون تحجون
بچيتي وشهگتي غصب عني طلعت مُخلد توتر وهمس قريب من اذاني..
- شتفقنه؟
دفعته روحي رايحه اجاني صوت بابا..
- والله عرفت صاير شي بابا بنيتي شبيج ليش البچي
مسحت دموعي وحجيت..
- ماكو شي بابا
- ولج بابا تعبتيني شلون ما بيج شي وانتِ تبجين؟
- ماما يمك؟
- اي
سُكت شوي واجاني صوت ماما..
- يوم حبيبتي
- ماما شلونج يروحي
आप पढ़ रहे हैं
قارورة الـ مُخلد
सामान्य साहित्यمن بين الجميع لم تنتقي عيني غيرك لم تسقط سوى على قامتك وزينتُك احببتُ ذلك الشي المُمميز بك دون غيرك ولا تسأل عن السبب فـلا علم ليّ به !! وجدت الامان بعينك، فخذلتني والحنين بين ذراعيك، فكسرتني ثُم اصلحتني وانتَ تُناديني _قارورتي_ لأكون قارورةً لك قا...
