قارورة الـ مُخلد

الحلقة |33|

الڪاتبة | زينب صلاح
في | قارورة الـ مُخلد

لا تنسون التصويت + متابعة للحساب + التعليق بين الفقرات 🤍

♥♥♥♥♥♥♥♥♥♥♥♥♥♥

لبست القميص بالتعلاگه وحطيته بالكنتور ورحت شلت ميز الكوي وخليته بالزاوية توني گعدت ودخل هو ينشف براسه بس شافني ابتسم..

تقرب وباس راسي..
- شلونها قارورتي؟

- اني زينه بس اشتاقينالك

- ميت شوق انه

گالها وهو يرتب شواربه گدام لمرايه صفنت عليه بحُب لطوله وشخصيته ودلاله الي خلاني اتعلق بي اكثر هاي الفترة ، فززني صوته..

- اخذي صوره دوم اكثر

- هههههه

اجه تمدد وفتحلي ايدي بسرعة دخلت يمه حطيت راسي ؏ صدره حاوطني بأيده..

- اطفي الضوه؟

- لا گلبي

- ما تعرف تنام هيج!

- انتِ بحضني هذا يكفيني

ابتسمت وحضنته بقوة شوي وحسيت بـ انفاسه تنتظم اني هم بديت اغفه لحد ما دخلت بنوم عميـق..

فزيت ؏ اثر حلم مرعب بچيت بخوف وحاوطت بطني بأديه باوعت لـ مُخلد نايم بتعب گمت ورحت للحمام غسلت وتوضيت ورحت لغرفة بناتي فرشت السُجادة وگعدت عليها اقرأ قرآن..

دموعي شاركتني واني اتلو بهاي الكلمات المقدسة الي تبث الطمأنينة بگلبي وتزيح التعب والتفكير شوي..

واني ؏ گعدت ما اعرف شگد مر من الوقت رفعت راسي من حسيت بوجود شخص ، جان واگف ومنتجي ؏ الباب وصافن عليه..

- ليش الدموع قارورتي؟

- ما اعرف

اجه گعد يمي واخذ ايدي باسها..
- علي صوتج خلي اسمع

تمدد وحط راسه ؏ رجلي واني بديت اتلو بصوت عالي وهو غمض عيونه مبتسم براحه اندمجت اقرأ..

حاطه ايد ؏ بطني الي حيل كبرانه لان دخلت بشهر السابع صارلي يومين..

واني اقرأ البيت اهتز بصرخة قوية من اية مُخلد فز قلقان وراد يركض ينزل صحت بي..

- وووين تعااال نزلنييي

رجع عليه واخذني ننزل بسرعة وصراخها مستمر دفعته وگتله..

- لا تدخل خاف ما حاطه شال ؏ راسها جهز السيارة خاف عندها ولادة

هز راسه وطلع يركض دخلت واشوفه مكورة نفسها ؏ السرير وتصرخ بوجع..

- اية

- همسسسه راحححح امووووت

- اسم الله اسم الله تعالي ساعديني