قارورة الـ مُخلد

الحلقة |17|

الڪاتبة | زينب صلاح
في | قارورة الـ مُخلد

لا تنسون التصويت + متابعة للحساب + التعليق بين الفقرات 🤍

♥♥♥♥♥♥♥♥♥♥♥♥♥♥

حسيت برجفة ايدي راح تفضح خوفي وتوتري وبحركة سريعة حطيتها وره ظهري وحجيت..

- شنو؟

- سؤال واضح منو المقصود

ضحكت بتوتر وهمسه..
- ما تقصد شي مُخلد

- اشششش لا تجاوبين انتِ.. وداد مو احجي وياج

اباوعلها صارت ليمونه من الخوف وصافنه بوجه مُخلد بدون جواب اضطريت ادخل..

- تقصدكم..

قاطعني بنتر..
- شحجيتتتتت انننه

- اسفه

سكتت ارجف من الخوف بلعت ريگ من حجت بصوت ناصي خله مُخلد يتقرب منها حتى يسمع..

- تتذكر من بقيت بيت عمي جابر وخابرتك گتلك همسه ضربتني متعمدة

- اي

- چذبت هي ما متقصدة وتوها عاتبتني وجاوبتها لان احبك وغرت عليك منها سويت هيج

عگدت حاجبه ما نفكت ويباوعلها بشك اعرف ما مقتنع ولا مصدك كلمة من الي حجته هز راسه وگال..

- خوش، همسه لحگيني

صعد واني وراه اركض اريد الحگ خطواته يصعد البايتين سوه، دخل للغرفة هدوء لا فتح الموضوع ولا شي بس راد ملابس ما گلت شي رحت طلعتله من انطيتهن اله لزم الملابس وايدي وسحبني اله..

قرب راسه الي لدرجة انفاسنه اختلطت وعينه بعيني عبالي راح يبوسني بس فاجأني من حط شفايفه يم أذاني وهمس..

- چذب لا تچذبين عليه انتِ الراح تخسرين والتسفيط مال وداد ما دخل عقلي وانه وراجن وراجن لحد ما اعرف

عافني وراح للحمام اريد اسيطر ؏ رجفتي ماكو عود هاي بسم الله اول يوم الي بهذا البيت واكيد الجايات اكثر..

گعدت ؏ السرير صافنه بالفراغ ما حسيت بي من رجع دخل ولا ادري بي لحد ما فززني صوته..

- مووو احجيي ويااج

- هاا

- شبيج؟

- ما بيه شي انتَ شتريد

- تعالي

فتحلي ايده بسرعه رحت ودخلت بين احضانه لمني لصدره وهمسه..

- ما احب الچذب همسه

- اعرف

- ما دامج تعرفين ليش تچذبين؟

سكتت ما عندي جواب والخوف ماكلني اكل مسح ؏ ظهري وكمل..

- الصبح چذبتي وهسه هم وبعدنه اول يوم زواجنا شلون نكمل بقيت عمرنه سوه