الڪاتبة | زينب صلاح
في | قارورة الـ مُخلد
لا تنسون التصويت + متابعة للحساب + التعليق بين الفقرات 🤍
♥♥♥♥♥♥♥♥♥♥♥♥♥♥
"الله لا يوفقك لا انت ولا اختك"
صفيت السيارة گدام المعمل وهاي الجُملة تتكرر براسي مثل الشريط العطلان خبلتني وفرت راسي ليش بالذات انه واختي حددتنه بالدعوة شنو الي تعرفه همسه ومتكتمه عليه..
شنو الشي الي خلاها تتحمل كل هذا وتسكت وهسه من انهارت طلعت منها بلحظة غضب ويمكن حتى ما انتبهت لنفسها..
فززني النقرات الخفيفة ؏ الجامه باوعت وشفته بكر نزلت الجامه حجه مستغرب..
- انتَ مو بـ اربيل؟!!
نزلت من السيارة وراسي موتني دايخ حيل من اختل توازني سندني بكر ودخلني للمكتب شربني ماي وگعد مقابيلي..
- شصاير مُخلد؟ شنو هاي حالتك؟
- معقولة لعبة؟
- شنو؟ شجاي تحجي انتَ حبيبي واعي ويايه مو؟
- اي اي وياك
- شبيك؟
- ما بيه شي عوفني اريد ابقى وحدي
- صدك تحجي؟
- باجر بكر باجر ما اگدر احجي
گام وضرب ؏ متني وگال..
- اي شي تحتاجه اتصل بيه اخوك انه
- ما تقصر حبيبي
عافني وراح ظليت اليوم كله افتر مثل لمخبل بالمكتب اريد افتهم شجاي يصير اخاف ارجع للشقة وندمر اكثر اخاف افقد عليها مره ثانيه ..
حسيت بحرارة براسي من تذكرت شعرها اخخ ذبحتني من كصته حسيت بروحي تفرفح عليه معقولة دمرتها لهاي الدرجة توصل بيها تكص شعرها الي تحبه..
ثاني يوم اجه بكر وحاول ويايه بس ما حجيت شي بعدني اريد افهم قصدها شنو من هالكلام شنو الي تعرفه وضامته عليه..
لحد ثالث يوم اتصلت ؏ قيصر وگتله تجي بشكل عاجل للمعمل وتجيب وياك تلفون وداد بأي طريقة سئل هواي لحد ما بزعني وسديت التلفون بوجهه..
جنه بظهر المعمل مكان عبارة عن صحراء
ظليت الوب وبكر گاعد يمي يسئل وما يحصل ؏ جواب انه بيا حال واجاوب وشجاوب بالضبط؟؟
وصل قيصر واول شي گاله..
- يمته رجعت من اربيل؟
- جبت التلفون؟
طلعه من جيبه وگال..
- جانت نايمه جبته بدون ما تدري بس شصاير؟
قيصر*
اباوعله اخوي حيله يرجف اخذ التلفون وما سمعته شنو همس فتحه وابتعد عنه ما قبل نشوف لحظات وحسيته جمد وجهه انطعن..
YOU ARE READING
قارورة الـ مُخلد
General Fictionمن بين الجميع لم تنتقي عيني غيرك لم تسقط سوى على قامتك وزينتُك احببتُ ذلك الشي المُمميز بك دون غيرك ولا تسأل عن السبب فـلا علم ليّ به !! وجدت الامان بعينك، فخذلتني والحنين بين ذراعيك، فكسرتني ثُم اصلحتني وانتَ تُناديني _قارورتي_ لأكون قارورةً لك قا...
