قارورة الـ مُخلد

الحلقة |36| والاخيرة

الڪاتبة | زينب صلاح
في | قارورة الـ مُخلد

لا تنسون التصويت + متابعة للحساب + التعليق بين الفقرات 🤍

♥♥♥♥♥♥♥♥♥♥♥♥♥♥

رجعت للبيت واني مقررة الليلة احط حد ويه مُخلد يا يحجي سبب تغيره وياي يا ننهي كُلشي وارجع يم اهلي معززه مكرمة وما ابقى على الهامش وبمزاجه..

رضعت نور واخذتها لغرفتها ونومتها ورجعت للغرفة وبداخلي حزن سويت اجواء ورتبت نفسي عسى ولعل تفك عقدته الليلة
من حسيت بخطواته على الدرج ارتبكت لان اعرف اية ما تصعد هيج وقت وخصوصًا بوجود قيصر..

نفتح الباب وزادت رجفتي عينه بعيني وبعدين اخذله فره على الغرفة وابتسم اشرلي اتقدمله اخذ ايدي ونزل باس خدي توني اريد احجي وفاجئني من گال..

- تستقبلين ضيوف؟

- انتَ وضيوفك بعيني

- احم بدلي ونزلي

عافني بدهشتي ونزل تنهدت ورجعت فتحت الكنتور وبدلت خففت المكياج ولبست الشال ونزلت بعد ما تأكدت انُ نور نايمة..

توقعت الكُل بس وداد لا !!

صفنت بيها مو ذيج وداد ابد صايره هزيله وتعبانة الهالات السود واصله لخدها ولعيون حمر وضعفانه بشكل مو طبيعي
درت عيني على مُخلد الي صافن يتفحص ردة فعلي بوجود اخته الهدمت حياتي..

اخته الوعدني ما يخليني اشوفها ابد هسه جايبها الي وينتظر استقبلها برحابة صدر

اني مو قاسية ولا حقودة بس الي شفته غيرني
ووداد ما عندي ثقة بيها بمقدار ذرة
درت وجهي وجنت ناوية ارجع لغرفتي وقراري قطعي مستحيل انطيها فرصة لان استهلكت
كُل فرصها ويايه..

بس مُخلد صار بوجهي وگال..
- سمعيها

- وعدتني ما اشوفها ونقضت وعدك وحلفانك

- اختي راح تروح من ايدي شسوي والله محتار

- مو مشكلتي وخـر

- لا تصيرين قاسية همسه سمعيها واذا ما اقتنعتي وروح امي ما اضغط عليج

- اني قاسية!!

- حبيبتي بس سمعيها ما خسرانه شي انتِ واذا گلتي ما اقتنعت اخذها واروح وما تشوفينها بعد

توني اريد احجي واجاني صوتها الخافت بسبب المرض
ما اعرف شنو الي موصلها لهاي الحالة؟

- ما جايه بس علمودي ارجوج سمعيني

درت عليها وگلبي غصب عنه هدأ وراح منه كُل غضبه وزعله هزيت راسي وگعدت هي باوعت لاخوها وهمست بضعف..

- خلينه وحدنه

باوعلي بتردد وراح رجعت عيني عليها ، گامت من مكانها واجت يمي خلت بينه مسافة قليلة دنگت راسها وهمست..