قارورة الـ مُخلد

الحلقة |12|

الڪاتبة | زينب صلاح
في | قارورة الـ مُخلد

متابعة+تعليق 🤍

♥♥♥♥♥♥♥♥♥♥♥♥♥♥

اعرف راح اخوفهم بتصرفي هذا بَـس ما جان عندي حل غيره حتى ما اشوفه ولا اروحله، لزمت راسي وسويت نفسي دايخه بسرعة لزمني مهيب وگال بخوف...

- شبيج حبيبتي؟

- مهيب دايخه ما اگدر اروح للدوانيه واصلًا ما افتهم منه شي بهاي حالتي

- هسه اني احاجي

- ءء شسمه گُله نايمه اوكِ

- تمام حبيبتي

راح مهيب واني زفرت براحه، ماما باوعتلي ما قابله وگالت..

- ما يصير يا امي غير ترحين لزوجج وتتفاهمون

- ما احس نفسي مستعده اتناقش وياه

- ما يصير لحدمن تبقين تتهربين اول وتالي راح تتواجهون وتحجون

بعدني ما مجاوبة ووصلنه صوت مهيب..
-تفضلي خويه وينججج يوم

طلعنه اني وماما الي تلگتها باجمل ترحاب واني رغم اذتني سلمت عليها شو هاي بسرعه گالت تباوع لمهيب بطرف عينها..

وداد- مو عساس نايمه؟

مهيب- وگعدت شنو تحقيق هو؟

مريم- مهيبب عوف لبنيات وحدهن يوم

مهيب هز ايده وراح اعرفه اخويه يتخبل من وحدة لسان وصلفة وداد ماكو صفة من ذن ما بيها تجاهلتها ونزلت بوست نجمة واخذتها يم نغم خليتهن يلعبن وماما اخذت وداد بالغرفة..

دخلت واشوفها هي واية وحدة تخزر الثاني بَـس طلعت ماما نترت اية..

- هاي شجابها هنا

همسه- اية عيبب

وداد- ليش تعرفن العيب انتن؟ عجيبب!

اسل- لاا زودتيهاا

راما- بنات صلن على محمد شسالفه

وداد- ما عندي مشكلة وياجن اني مشكلتي بَـس ويه اية وهمسه

اية- باع الصلافة ليش عيوني ماخذه زوجج وما ادري لو گاطعه نصيبج

همسه- كافيي اية

راما اخذت وداد وطلعت وياها واني زفرت انفاسي بصعوبة شلون راح يمشي الوقت وياهن ذن والله تصير من الروس وعدنه اية حقوده حيلل وهي لسان وصلفة ما تسكت ابدد ما يتوالمن...

مر اليوم وبابا اتصل گال ما يگدر يجي وراح يباتون هناك والاسبوع الجاي يجون، الصراحة انصدمت يعني شنو وداد تبقى يمنه اسبوع لا والله تصير الحرب العالمية الثالثه..

شوي من نداوم نرتاح لان تخف المشاكل نوب وحدة تضرب الثانيه وتبسمر من تحت لتحت، مرن تلث ايام ؏ هاي الحالة وداد خليتها تنام بسرير راما واختها يمها وراما نامت بسريري لان حضرة جنابها الكسيف تلعب نفسها تنام بمكاني..