الڪاتبة | زينب صلاح
في | قارورة الـ مُخلد
لا تنسون التصويت + متابعة للحساب + التعليق بين الفقرات 🤍
♥♥♥♥♥♥♥♥♥♥♥♥♥♥
اية*
'' بعمري ما حبيت انسانه مثلج ولا نزلت مستواي لمره گد ما جاي اسوي هسه تدرين بيه احبج وبعدج عني مثل قطع النفس وكملتيها بأبني الي بطنج ما جاي تقبلين تسمعيني وتنطيني فرص ابرر موقفي كلشي شفتي ما هي الا صورة ما تعرفين شنو قصتها وسببها وخاف ابالج راح ادزلج مبرراتي برسالة تكونين غلطانه هذا الحجي ما يصير برسالة الكترونية ما بيها اي مشاعر ما راح تشوفين الصدق بعيوني.. اية بداعت ابنه انطيني فرصة واوعدج كلشي اسولفلج من الالف لـ الياء بدون اي كذب ''
اقرأ برسالته ودموعي تصب مر اسبوعين ؏ وجودي عند اهلي هواي اجه وجنت رافضه اشوفه لان بعدني ما مستوعبه الي شفته وحيل كارهته..
بابا رُغم مزعوج من قيصر وثگيل عليه بس ما قابل ؏ تصرفي يريدني اگعد وياه ونحجي ونتفاهم بَـس اني احس نفسي ما مستعدة لهذا الشي لذلك ارفض..
دخلت شهر الرابع صارلي يومين بچيت مقهورة المفروض نروح نشوف جنس الجنين سوه جنت متحمسه لهذا اليوم حيل ردت اشوف ردة فعله ؏ جنس الطفل بما انُ هو يريد بنيه واني اريد ولد..
مسحت ؏ بطني بتعب وطلعت للحديقة جانو گاعدين كلهُم هناك بابا فتحلي ايده ابتسمت ورحت گعدت بصفه باس راسي وگال..
- شلونج بابا
- الحمد لله
- وحفيدي
- ههه زين
مريم- هاا ماما فكرتي؟
نزلت راسي خجلانه من الموقف شگد صغرني گدام اهلي هزيت راسي وگلت..
- ما اريد اشوفه
جابر- ما يصير بابا شوفي زوجج سمعي منه واذا ما اقتنعتي الي تردينه يصير
- ما اريد بابا
مهيب- خلص لا تضغطون عليها خليها براحتها
جابر- مو قصة اضغط عليها لا بالله البيت الها والعتبه النا بس انه ما عاجبني وضعهم الرجال كل يوم يجي ويتوسل يحجي وياها وهي ميبسه راسها ما يصير هيج ثاني شي طفل جاي بالطريق يولد بين عائلة مشتته اذا همه يقبلون انه ما اقبلها
مريم- اي بنيتي گعدي ويه زوجج وتفاهموا
بچيت مقهورة من الي اني بي بسببه ومن الضغط بسرعة بابا لمني بحضنه..
- لااا باباتي زُجاجتي لا تبجين ما يصير الا التردينه
- كسر گلبيي
- ما عاش اليكسر گلبج وانه اشتم الهوه وعيونج الحلوة طيحت حظه الج ويحلف ويتكفر ما غلطان ويريد يبررلج ليش ردتج تحجين وياه انه گلت بلكي يبرد گلبج كلامه
YOU ARE READING
قارورة الـ مُخلد
General Fictionمن بين الجميع لم تنتقي عيني غيرك لم تسقط سوى على قامتك وزينتُك احببتُ ذلك الشي المُمميز بك دون غيرك ولا تسأل عن السبب فـلا علم ليّ به !! وجدت الامان بعينك، فخذلتني والحنين بين ذراعيك، فكسرتني ثُم اصلحتني وانتَ تُناديني _قارورتي_ لأكون قارورةً لك قا...
