قارورة الـ مُخلد

الحلقة |24|

الڪاتبة | زينب صلاح
في | قارورة الـ مُخلد

لا تنسون التصويت + متابعة للحساب + التعليق بين الفقرات 🤍

♥♥♥♥♥♥♥♥♥♥♥♥♥♥

واگفه گدام لمرايه وصافنه ؏ اثار الضرب الي بجسمي اني الچنت ما انضرب هسه صرت بكُل دقيقة انهان بالغلط او التعنيف اسبوع ضبط مر واني عايشه بجحيم..

تلمست جهة وجهي اليُسرى جان جوه عينه ازرك وخدي بي اثر همات دموعي نزلت بقلة حيلة..

غريب!
كُلش غريب من يصير امانك وسندك مصدر كُل وجع واثر لا يُكن ينمحي بيوم بكُل رفض مني بعدم المعرفة يتخبل ويأذيني..

شنو بالضبط الي يريده اگُله اي اني خنتك وفعلًا اكذب عليه جسمي تعب ونفسيتي زفت گلبي يوجعني وما جاي اگدر اتحمل الي يصير..

لفيت المنشفه ؏ جسمي وطلعت، تعبت بمُجرد شفت الفوضى مال الغرفة بديت ارتبها واشيل ملابسه واحطهن بالغسالة نزلت ؏ الارض واخذت دشداشتي الي مزقها لقطع..

بچيت وسديت عيوني بقوة اطرد الفكرة من بالي احاول اتناسى الموضوع واتقبل فكرة وحشيته ويايه وقساوته..

خلصت من الغرفة ورحت ادور بالجنطة شي البسه بس ماكو شنو البسه يشگه عليه الحيرة ترست گلبي وبس ردت سبب حتى ابچي عفت الجنطة ورحت للكنتور مجبورة اخذت من قمصانه وبرموده ولبستهن..

كبار وتبهذلت بيهن بس ما عندي حل ثاني غير اتحمل لحد ما ربي يفرجها..

اعرف كُل الزين منو حط التلفون بغرفتي بس ما اگد احجي لان ممكن مُخلد يموتها لـ وداد لو عرف وادري بها طفلة وايهم جاي يمشيها ؏ مزاجة بحكم هي تحبه وتسوي اي شي علمودة..

حتى مُخلد اني عاذرته يمكن غباء مني بس هو هم مو بيده اي رجال يشوف هالشي يمكن يسوي اكثر اني اشوفه بعد ما يأذيتي يموت من القهر مره من المرت طلعت اروح للحمام وسمعته يبجي وبالضبط يردد من الطفل الضايع..

- ليش خنتيني حبيتج وكسرتيني

طلعت للمطبخ اشوف الموجود علمود اكل لان جوعانه واني اسوي بالمعكرونة نفتح باب الشقة ودخل ما اهتملي واني ما تقربتله، صاح من الغرفة..

- ويننننن القميصص؟

عضيت شفتي ورحت للغرفة باوعلي من فوگ لجوه ونتر..

- ليش لابسته؟

- ما عندي هدوم

- نزعي اريده

قبضت ؏ طرف القميص وهمست..
- شلبس اذا نزعته

- ما يهمني نزعي

هزيتله راسي ورحت طلعت لدشداشه مالتي لمشگگه من السله واخذت علبة الخياطة ورحت للحمام نزعته ولبست البرنص نطيته القميص ورجعت للحمام..