قارورة الـ مُخلد

الحلقة |15|

الڪاتبة | زينب صلاح
في | قارورة الـ مُخلد

لا تنسون التصويت + متابعة للحساب + التعليق بين الفقرات 🤍

♥♥♥♥♥♥♥♥♥♥♥♥♥♥

جمعت كُل نفسي وزفرته برجفة خوف يربي خلص هاليوم ؏ خير، ام الصالون خلصتنه اني واية وبلشت بـ عمتي حنان وراما الي هالمرة اجت ويانه..

الدمعة بطرف عيني واية كل شوي وهزتلي راسها بـ شكو واني اسكت ما احجي لان ادري اذا حجيت شي ابجي ما اگدر اتحمل..

اتصلوا ؏ عمة حنان وگالوا طلعوهن اجت السيارات احتارت بينه تغطي وتضم مبين محذرينها، طلعت وجسمي يرجف شهگت بفزهمن حسيت احد لزم ايدي..

مُخلد- هذا انه حبيبي

ردت ارفع راسي بسرعه نزله وسحب الكبوس ؏ راسي من گدام...

- راسج لا ترفعينه عيناي

لازمني ويمشي بيه واني كلشي ما اشوف ساعدني اصعد بالسيارة وضرب راسي شاغت روحي حسيتها فرصة لدموعي هو خطية توهدن بيه بس حرك السيارة وبعدها وسحبني قريب اله..

- هاا هاا يروحي تأذيتي شو اشوف

- باوووع

- خلي اباوع

رفع الكبوس شوي وضل يمسح بجبيني وعيونه اكلتني اكل، كُل هذا وتلفونه ما سكت اتصالات..

- اطگهم بزيج واتجه بيج للفندق؟

- مااا باوع شلون تأذيت بسببك

- بسببي؟ ولج عرمه ادخل بيج ؏ كيف بس انتِ مستعجله

- وخر

مسح دموعي ؏ كيف وگال..
- خلص اسف حبيبي يله نروح تأخرنه

تقرب وطبع شفايفه مكان الضربه وباسني بقوة وشمني حيل ابتعد وغطاني عدل ورجع يسوق سألته بالطريق..

همسه- مو المفروض بابا ياخذنه

- انشغل ويه عمامي قارورتي

- مُخلد شبيك؟

حجيتها من شفته بطرف عيني يمسح جبينه ويتعرق ويفتح بالربطة وجهه احمر حيل، باوعلي ورجع عينه للطريق وجاوبني..

- ماكو شي حبيبي

- متأكد؟

- اي

سكتت ما حجيت وهو بس نزلني راح دخلت شفت اية واصله قبلي
الهلاهل والغنه والركص تعبني وحسيت بدوخه مو طبيعية ماما من شافتني ضلت تحجي عليه ما اعرف منو گايلتلها ما متغديه..

گومتني وانتطتني كيك وعصير وگالت تمسح ؏ ظهري..

مريم- سندي روحج ماما

اكلت ورجعت عمة حنان رتبت الحُمره تگول نمسحت وره فترة طويلة يلا گالوا غطو نفسكم لبسونه الكبوس اني واية ودخلوا عمو وبابا وقيصر ومُخلد..