الڪاتبة | زينب صلاح
في | قارورة الـ مُخلد
لا تنسون التصويت + متابعة للحساب + التعليق بين الفقرات 🤍
♥♥♥♥♥♥♥♥♥♥♥♥♥♥
فتحت عيوني بلگوة احس ثگيلات حيل اباوع للغرفة الي بيها اني وكانونة بأيدي شوي شوي بديت استرجع ذاكرتي وشنو السبب الي وصلني لهاي النقطة..
دموعي نزل وبدون ما اهتم شلت الكانونة ما مهتمة للدم وطلت اول شخص صار بوجهي قيصر فتح عيونه من شاف ايدي تنزف سحبني للغرفة واني روحي فرفحت..
- تخبلتييي
- اريددد اختييي
گعدني ؏ السرير وخزرني ، رفع اصبعه بتهديد وگال..
- انهيج اذا تحركتي من مكانج
- بس..
- اششش
عافني وطلع شوي ورجع هو والممرضه الي بدت ترجع الكانونة اباوعله منتچي ؏ الباب وصافن عليه شهگت وغصيت بدموعي..
الممرضه طلعت وهو تقدم حضني وهمس..
- اششش كافي
- راحتتتت شلووون اعيشش ويه عذاااب الضميررر شلووون اتقبللللل موتهااا
بعدني يباوعلي مستغرب..
- منو الي ماتت؟
- قيصرررر!!
- اختج! لج لا بابا هههه گعدت الحمد لله
- شنو؟ مو بابا گال لـ مُخلد وگف گلبها!!
- صح بس انتِ اغمى عليج ما سمعتي الباقي
- اخذني اشوفها
- خلي يخلص المحلول ونروح
- لااا هسسه فدددوة
- شحجيت انه!
گلبي ممرود وروحي خلصانه وهو ما يقبل ياخذني بندت من البچي يله قبل تقرب مسح دموعي واخذني جانو حاطينها بغير غرفة..
الباب جان مفتوح شوية وگفت اباوع شلون تبتسم بتعب وبابا ومُخلد محاوطينها بچيت بفرح ودرت حضنت قيصر..
- الف الحمد لله
- گتلج ترجع اختج مستحيل تترك مُخلد وبنتها وراها
- اي اي ما تعوفنه
- يله دخلي شوفيها
هزيت راسي ودخلت كُلهم باوعولي عيوني صارت عليها اريد اشوف ردة فعلها معقولة بعدها ضايجة مني..
جابر- تعالي باباتي
اخذ بابا راسي وباسه..
- شلون صرتي خو ما بيج شي؟
همسه- شبيها؟
جابر- ههه وكعت من سمعت گلبج وگف
اباوعلها ابتسمت يصعوبة تقربت ولزمت ايدها..
- مشتاقتلج
YOU ARE READING
قارورة الـ مُخلد
General Fictionمن بين الجميع لم تنتقي عيني غيرك لم تسقط سوى على قامتك وزينتُك احببتُ ذلك الشي المُمميز بك دون غيرك ولا تسأل عن السبب فـلا علم ليّ به !! وجدت الامان بعينك، فخذلتني والحنين بين ذراعيك، فكسرتني ثُم اصلحتني وانتَ تُناديني _قارورتي_ لأكون قارورةً لك قا...
