အိပ်ယာထက်မှာ စောင်ခေါင်းမြီးခြုံထားတဲ့ကိုယ်လေးက တသိမ့်သိမ့်တုန်နေတဲ့ ကလေး ကိုကြည့်ပြီး သူ ယူလာတဲ့နွားနို့ခွက်လေးကို ဘေးကခုံပေါ်အရင်တင်လိုက်ပြီးမှ......
" ကလေး..... နွားနို့လေး ထသောက်ပါဦး ကိုကိုယူလာခဲ့ပေးတယ်..... ဘာမှမစားပဲငိုနေရင် ကလေး ပင်ပန်းတာပေါ့ .... ခဏလောက်နားပြီး ဒါလေးသောက်ပြီးမှ ဆက်ငိုလေနော်..... "
သူ့အသံကြောင့် စောင်ပုံထဲက ကလေးမ လှုပ်ရှားသွားပုံအရ မျက်ရည်တွေကို သုတ်နေပုံရသည်မို့ သူပြုံးလိုက်မိသည်။ သို့သော်လဲ ခဏသာ.....
မျက်နှာတစ်ခုလုံး နီမြန်းကာ မျက်လုံးတွေဖောင်းမို့ပြီးအစ်နေတဲ့ ကလေး ကိုမြင်လိုက်ရတော့ ရင်ထဲမှာ မကောင်းလှ..... စာလေးတစ်စောင်လောက်နဲ့ ကလေးကို ထားပစ်ခဲ့နိုင်သော ဒေါ်စိုးစိုးအေး ကိုလဲ ဒေါသထွက်စိတ်တိုရပြန်သည်။
" ကိုကို့.... မေမေက ကလေးကို မလိုချင်တော့ဘူးလားဟင်...... အဲ့ဒါကြောင့် ကလေးကို ထားပစ်ခဲ့တာလားဟင်..... အီးဟီးဟီး....ဟင့် "
" ကလေးရယ်........ အရမ်းငိုထားတာမောနေတော့မယ်..... ကိုကိုယူလာတဲ့ နို့လေး အရင်သောက်လိုက်နော်..... လိမ္မာတယ်... လိမ္မာတယ်...."
သူမ မျက်ရည်တွေကို သုတ်သင်ပေးပြီး နွားနို့ဖန်ခွက်လေးကို လက်ထဲထည့်ပေးလိုက်တော့ ကလေး က နာခံစွာပင် တစ်ကိုယ်လုံးရှိုက်တုန်နေတဲ့ကြားက ကုန်အောင်သောက်ရှာသည်။
အသင့်ယူလာတဲ့ တစ်ရှူးလေးနဲ့ သူမ နှုတ်ခမ်းလေးတွေကို ခပ်ဖွဖွသုတ်နေတဲ့ ဓူဝံ့ကိုကြည့်ကာ မျက်တောင်လေးပုတ်ခတ်ပုတ်ခတ်နဲ့ တစ်စုံတစ်ခုကို စဥ်းစားနေပြီးမှ ကလေးက ......
" ကိုကိုက ကလေးကို ဘာလို့ မငိုနဲ့လို့ မချော့တာလဲဟင်..... ခဏနားပြီးရင် ဘာလို့ဆက်ငိုခိုင်းတာလဲ..... ကိုကိုက ကလေးကို အငိုမတိတ်စေချင်ဘူးလား...... "
" ကိုကိုက ကလေးကို အငိုတိတ်စေချင်တာပေါ့..... ဒါပေမယ့် ကလေး မေမေမရှိတော့ ကလေးဝမ်းနည်းနေမှာလေ အဲ့ဒီလို ကိုကိုလဲ ဝမ်းနည်းဖူးတယ် ငိုဖူးတယ် ဒါကြောင့် ကလေးကို မငိုပါနဲ့လို့ မတားတာပေါ့..... ကိုကိုက ကလေးကို မငိုစေချင်ပါဘူး...... နောက်ဆိုရင် ကလေးမငိုရအောင် ပျော်ရွှင်နေအောင် ကိုကိုက အကုန်လုပ်ပေးမှာ.... ဒါပေမယ့် မိဘဆိုတာကတော့ အစားထိုးလို့မရဘူးလေ.... ကိုကိုလဲ မတတ်နိုင်ဘူးပေါ့.... "
YOU ARE READING
ဓူဝံရပ်က ကြယ်ကလေး ( Complete ) ( ဓူဝံရပ္က ၾကယ္ကေလး )
Romanceကျေးဇူးတရားကြောင့်လား.... သံယောဇဥ်ကြောင့်လား..... အချစ်ကြောင့်လား..... တိကျရေရာတဲ့အကြောင်းပြချက်မရှိပေမယ့် သေချာတာတစ်ခုကတော့...... ဓူဝံကြယ်ကလေးဟာ မြောက်အရပ်မှာပဲ အစဥ်ထာဝရရှိနေဦးမှာပဲ........ ဆောင်းအက္ခရာကြိုး Zawgyi ေက...
