" ဟင်... "ခြံထဲကို ကားလေးကွေ့ဝင်လိုက်သည်နှင့် သူမြင်လိုက်ရသော မြင်ကွင်းကြောင့် ဓူဝံ မျက်ခုံးတွေ အလိုမကျစွာတွန့်ချိုးသွားခဲ့ရသည်။
ဆင်ဝင်အောက်မှာရပ်ထားတဲ့ ကားအဖြူလေးဘေးမှာ အထုပ်အပိုးတွေနဲ့ကလေးရဲ့ခါးလေးကနေ သိုင်းဖက်ထားပြီး အိမ်ထဲဝင်သွားတဲ့လူက သူနဲ့လဲစိမ်းနေတဲ့သူတော့မဟုတ်.....
အခုလို မတရားရင်းနှီးနေပုံကိုကြည့်ရတာတော့ ကြယ်ကလေးဟာ လရောင်နဲ့ ဒီ ၉ နှစ်လုံးလုံးမှာ အဆက်အသွယ်ရှိနေခဲ့ပုံရသည်။
သိပ်မကြာလိုက် အိမ်ထဲကနေ လရောင်မင်း ပြန်ထွက်ပြီး သူ့ကားလေးပေါ်တက်ကာ အိမ်ကြီးရှေ့ကပြန်လည်မောင်းထွက်သွားတော့ ကားနောက်ခန်းက ဓူဝံ့ကို တစ်ချက်လှမ်း
ကြည့်သွားသေးသည်။ဓူဝံ အိမ်ထဲဝင်လာတော့ ဧည့်ခန်းထဲကဆိုဖာမှာပဲ ထိုင်နေတဲ့ ကြယ်လေးက ဖေဖေနဲ့ စကားတွေပြောရင်း ပြုံးရွင်နေရာက သူ့ကိုမြင်သွားပြီး......
" ကိုကို....ဘာလို့ ဒီအချိန်ကြီးပြန်ရောက်လာတာလဲ.... "
" ဖေဖေ သား စာရွက်တစ်ချို့ကျန်ခဲ့လို့ ခဏသွားယူလိုက်ဦးမယ်နော်..... "
" အေးအေး သား.....ဒါနဲ့ သမီးလေး အခုဒီကို အပြီးပြန်လာတာလား.....သမီးဟိုမှာ ဘယ်လိုတွေနေခဲ့လဲ... ဖေဖေ့ကိုပြောပြပါဦး..... "
" နေပါဦး ဖေဖေရယ်...ကလေး အသီးလေးသွားစိတ်လိုက်ဦးမယ်နော် လတ်ဆတ်တုန်းလေး ဖေဖေစားလို့ရအောင်လေ..."
" ဖေဖေ မစားချင်ပါဘူး သမီးရယ်....စကားအရင်ပြောရအောင်ပါ....."
" ဟုတ်..... ဟုတ်ကဲ့ ဖေဖေ "
ကျန်းမာရေးကသက်သာသလောက်ရှိခဲ့ပြီပေမယ့် အရင်ကလိုသန်မာဖျတ်လတ်စွာ မလှုပ်ရှားနိုင်တော့တဲ့ ဖေဖေ့ကိုကြည့်ကာ ကလေး ဝမ်းနည်းမျက်ရည်တွေဝေ့တက်လာခဲ့ရပေမယ့် အားတင်းကာပြုံးရင်း စကားတွေဖောင်ဖွဲ့နေမိသည်။
ဖေဖေ့ဆီက အားရဝမ်းသာ ရယ်မောသံတို့ထွက်ပေါ်လာသည်ကို နားထောင်ရင်း သူမ ကြမ်းပြင်ပေါ်ဆင်းထိုင်ကာ ဖေဖေ့ရှေ့မှာ လက်အုပ်လေးချီလိုက်ပြီး....
![](https://img.wattpad.com/cover/323673433-288-k96073.jpg)
YOU ARE READING
ဓူဝံရပ်က ကြယ်ကလေး ( Complete ) ( ဓူဝံရပ္က ၾကယ္ကေလး )
Romanceကျေးဇူးတရားကြောင့်လား.... သံယောဇဥ်ကြောင့်လား..... အချစ်ကြောင့်လား..... တိကျရေရာတဲ့အကြောင်းပြချက်မရှိပေမယ့် သေချာတာတစ်ခုကတော့...... ဓူဝံကြယ်ကလေးဟာ မြောက်အရပ်မှာပဲ အစဥ်ထာဝရရှိနေဦးမှာပဲ........ ဆောင်းအက္ခရာကြိုး Zawgyi ေက...