" ဘာလိုသေးလို့လဲ မောင်ဓူဝံ... "မနက်စာဝိုင်းမှာထိုင်ပြီး အချိန်အတော်ကြာသည်အထိ ဟိုမုန့်ကောက်ကိုင်လိုက် ဒီမုန့်ကို ထိုးဆွလိုက်နဲ့ မနက်စာသေချာမစားပဲ အပေါ်ထပ်လှေကားဆီကိုသာ တကြည့်ကြည့်လုပ်နေတဲ့ ဓူဝံကို ဒေါ်ကြီးထွေးမေးလိုက်တော့မှ သူ ခန္ဓာကိုယ်ကိုပြန်မတ်လိုက်ပြီး....
" ဟို... တန့်တန့် ဆင်းမလာသေးလို့ပါ..... "
" သြော် မောင်ဓူဝံရဲ့ ဒီနေ့က သမီးလေးတန့်တန့် သွားဆေးခန်းကိုသွားရမယ့်နေ့လေ ကျောင်းမသွားဘူး.... "
" သြော် ဟုတ်လား.... ဒါဆိုနေ့လည်ခင်းကျရင် တန့်တန့်ကို ဆေးခန်းပြဖို့ ပြန်လာခဲ့မယ်လေ..... ကျွန်တော် အလုပ်သွားတော့မယ် ဒေါ်ကြီးထွေး... "
" အေးအေး.... ဟော မနက်စာတွေလဲ စားမသွားပါလား ဘာလို့လဲ ဒေါ်ကြီးလုပ်ထားတာ စားလို့မကောင်းဘူးလား မနက်က သမီး ကြယ်လေးလဲ ထိတောင်မထိသွားဘူးရယ်.."
" သူက သွားပြီလား..... "
ဓူဝံ အိမ်ပေါက်ဝရောက်နေမှ နောက်ပြန်လှည့်ကာ မေးလိုက်တော့ ဒေါ်ကြီးထွေးက မနက်စာဝိုင်းကို သိမ်းနေရင်းမှ....
" ဟုတ်တယ်လေ....သမီးကြယ်လေး ဒီနေ့ အလုပ်စဆင်းတာ...သူ့ သူဌေးက တော်တော်ဆက်ဆံရခက်တယ်ကြားတယ်.... အဲ့ဒါကြောင့် အပြစ်ရှာမရအောင် အလုပ်စောစောသွားရမယ်ဆိုပြီး မနက်စာတောင် မစားပဲထွက်သွားတယ်..... "
ဒေါ်ကြီးထွေး စကားအဆုံးမှာ ဓူဝံ့မျက်နှာတစ်ခုလုံး မှောင်မည်းသွားပြီး အိမ်အပြင်ကို
ခြေလှမ်းကြဲကြီးများဖြင့်ထွက်သွားလိုက်ပြီး ကားပေါ်တက်ကာ တံခါးကိုဆောင့်ပိတ်ရင်း...." မောင်းတော့.... "
သူဌေးဖြစ်သူရဲ့ မိုးပြိုတော့မလိုမသာယာတဲ့ မျက်နှာအမူအယာကြောင့် ကိုရွှေထူးလဲ ဘာစကားမှမပြောရဲတော့ပဲ ကုမ္ပဏီရောက်တဲ့အထိ ကားလေးကို တိတ်ဆိတ်စွာမောင်းနှင်လာခဲ့လိုက်တော့သည်။
************************************
" ဒါက နေ့လည်ခင်း meeting မှာ ဆွေးနွေး
မယ့်အချက်အလက်တွေပါ Boss ဒါက Boss သောက်နေကျ Coffee.... အောက်ထပ်ကဆိုင်က....."
![](https://img.wattpad.com/cover/323673433-288-k96073.jpg)
YOU ARE READING
ဓူဝံရပ်က ကြယ်ကလေး ( Complete ) ( ဓူဝံရပ္က ၾကယ္ကေလး )
Romanceကျေးဇူးတရားကြောင့်လား.... သံယောဇဥ်ကြောင့်လား..... အချစ်ကြောင့်လား..... တိကျရေရာတဲ့အကြောင်းပြချက်မရှိပေမယ့် သေချာတာတစ်ခုကတော့...... ဓူဝံကြယ်ကလေးဟာ မြောက်အရပ်မှာပဲ အစဥ်ထာဝရရှိနေဦးမှာပဲ........ ဆောင်းအက္ခရာကြိုး Zawgyi ေက...