" ကိုကိုတို့ လက်ထပ်တာနဲ့ပါတ်သက်ပြီး နင်ဘာသိထားသေးလဲ လရောင်..... "
စတော်ဘယ်ရီဆိုဒါ ဖျော်ရည်ကိုတစ်ငုံစုပ်ရင်း အချိတ်အဆက်မရှိမေးလိုက်တဲ့ ကြယ်လေး စကားကြောင့် လရောင်ပါးစပ်ထဲက ပုစွန် အစိမ်းသုပ်ကိုမျိုချမိလိုက်ရင်း....
" ဘာမှထွေထွေထူးထူး မကြားလိုက်ဘူး.... သူတို့က လက်ထပ်ပွဲလဲမလုပ်ဘူးလေ ဒီတိုင်း လူနည်းစုလောက်နဲ့ အဖြစ်ပဲ လုပ်လိုက်တာမို့ ဘယ်သူမှသိပ်မသိလိုက်ကြဘူး....ဝန်ထမ်းတွေပြောကြတာတော့ ဓူဝံခွင်းရဲ့ အဘွား ဒေါ်
သော်တာဆင့်မြိုင်က ဒီလက်ထပ်ပွဲကို သဘောမတူဘူးလို့ပြောကြတယ်.... တစ်ချို့ကလဲ..... ""တစ်ချို့က ဘာဖြစ်လဲ..... "
စကားကိုဆက်မပြောပဲ ကြယ်လေး မျက်နှာကိုကြည့်ကာ ရပ်ထားတဲ့ လရောင်ကို သူမ အားမလိုအားမရစကားထောက်ကာမေးလိုက်တော့ လရောင်က လေသံကိုနှိမ့်ချပြီး...
" ကိုယ်ဝန်ရသွားလို့ အမြန်လက်ထပ်လိုက်ရတာလို့ပြောကြတယ်.... "
" မဖြစ်နိုင်တာ... ကိုကိုက အဲ့ဒီလိုလူမဟုတ်ဘူး.... "
" ရှူး.... ငါ သိပါတယ် နင်အဲ့လိုပြောမှာကို... ငါလဲ ကြားထားတဲ့အတိုင်းပြောပြတာလေ ကြယ်လေးရယ်..... "
တကယ်ပဲ ကြယ်ကလေး မျက်နှာဟာ အလိုမကျမှုတို့ပြည့်နှက်နေခဲ့ပါသည်။ သူမ သိတဲ့ ကိုကိုက ဒီလိုသိက္ခာမရှိတဲ့ လုပ်ရပ်မျိုးကို လုပ်မယ့်သူမဟုတ်တာတော့သေချာသည်။
ဒါပေမယ့်လဲ ကိုကိုက မဧကရီကို မျက်နှာချင်းပင်မဆိုင်ချင်အောင်အထိ မလိုလားနေတာက ဘာအကြောင်းကြောင့်များပါလိမ့်...
ကိုကို့ကို အခုလိုအဆင်မပြေတဲ့ အိမ်ထောင်ရေးနဲ့ မသာယာတဲ့မိသားစုဘဝကို ဖြတ်သန်းနေတာမြင်ရတော့ ကြယ်ကလေး မပျော်ရွှင်နိုင်ပါ မိဘတွေကြားက မြေစာပင်ဖြစ်ရရှာမည့် တူမလေး တန့်တန့်ကိုလဲ သနားကြင်နာမိသည်။
" စားလို့ပြီးပြီလား ပြန်ကြစို့.... "
" အေးပါဟ ပြီးပါပြီ.... "
ကြယ်ကလေး ခပ်လောလောထရပ်ရင်း ငွေရှင်းဖို့ပြင်တော့ လရောင်လဲစားလက်စတွေကို လက်စသတ်ပြီး သူမနောက် ကမန်း
ကတန်း ထလိုက်သွားရင်း နှုတ်ကလဲ....
![](https://img.wattpad.com/cover/323673433-288-k96073.jpg)
YOU ARE READING
ဓူဝံရပ်က ကြယ်ကလေး ( Complete ) ( ဓူဝံရပ္က ၾကယ္ကေလး )
Romanceကျေးဇူးတရားကြောင့်လား.... သံယောဇဥ်ကြောင့်လား..... အချစ်ကြောင့်လား..... တိကျရေရာတဲ့အကြောင်းပြချက်မရှိပေမယ့် သေချာတာတစ်ခုကတော့...... ဓူဝံကြယ်ကလေးဟာ မြောက်အရပ်မှာပဲ အစဥ်ထာဝရရှိနေဦးမှာပဲ........ ဆောင်းအက္ခရာကြိုး Zawgyi ေက...