" ကိုကို တောင်းပန်ပါတယ် ကလေး.... "
" ရပါတယ်....ကိုကို့ အမှားမှမဟုတ်တာ...."
သူမလက်ကလေးတွေအခုထိ တုန်ရင်နေသေးပေမယ့်လဲ စိတ်ပျက်လက်ပျက်ထိုင်ကာ ခေါင်းငိုက်စိုက်ချပြီး တောင်းပန်စကားဆိုနေတဲ့သူ့ကိုပြန်ပြီး နှစ်သိမ့်ပြုံးလေးပြုံးပြနေသေးသည်။
" ဒါနဲ့ ကိုကို... ဦးမဟာ တို့နဲ့ ညစာစားဖို့... "
" ရတယ်... ကိုယ် ဖုန်းဆက်ပြီးတောင်းပန်ထားလိုက်မယ်.... "
" မဟုတ်တာ.... ကလေးသွားဆက်လိုက်.... အင့်..... "
သူမထိုင်နေရာကထပြီး အခန်းထဲဝင်လာတုန်းက နီးရာခုံပေါ် ကိုကိုပစ်တင်ထားလိုက်တဲ့ သူမအိတ်လေးဆီသွားဖို့အလုပ် ကိုကိုက သူမ လက်ကလေးကိုလှမ်းဆွဲလိုက်တာ
ကြောင့် ကိုကို့ရင်ခွင်ထဲ ယိုင်ကျသွားရပြီး သူမ ကိုယ်ပေါ်က ကိုကို့အင်္ကျီပါ လျောကျသွားတာမို့ ပခုံးသားဝင်းဝင်းတွေကနေ ဖြူဖွေးနုဖပ်နေတဲ့ လက်မောင်းတစ်ဝက်လောက်အထိ လစ်ဟာသွားခဲ့ရသည်....
" အား.... ကိုကို မကြည့်နဲ့..... မျက်လုံးမှိတ်ထား.... "
သူမ ရုတ်တရက်မို့ အဝတ်ကို ပြန်ဆွဲမတင်မိပဲ ကိုကို့မျက်နှာကို လက်ကလှမ်းအုပ်လိုက်တာကြောင့် ဆိုဖာနောက်မှီပေါ် တင်ပါးလွှဲထိုင်နေတဲ့ ကိုကိုက နောက်ပြန်လဲကျသွားပြီး သူမကိုပါ သူ့ရင်ခွင်ထဲဆွဲချသွားသလိုဖြစ်သွားတာမို့ နှစ်ယောက်သား လုံးထွေးပြီးဆိုဖာပေါ် ပြုတ်ကျသွားတော့သည်။
" အမေ့... "
ဒုတ်!
ဒုတ်!
ဒုတ်!
သူမ လက်ဖဝါးလေးထောက်မိထားတဲ့ ကိုကို့ ရင်ဘတ်ထဲက ပြင်းထန်တဲ့နှလုံးခုန်သံကို ခံစားမိပြီးနောက် ကြယ်လေး ကိုကို့ရင်ဘတ်ကို လက်နဲ့ထောက်ကာ အမြန်ထရပ်လိုက်တော့သည်။
" အား.... ကျွတ် ကျွတ် ကျွတ်.... "
သူမ အားလေးနဲ့ဖိလိုက်တာကြောင့် နာကျင်သွားတဲ့ ရင်ဘတ်ကို လက်နဲ့ဖိကာ ကိုကို ပြန်ထိုင်လိုက်တော့ သေသပ်စွာဖြီးသင်ထားတဲ့ ဆံပင်တွေက နဖူးထက်မှာ ဖရိုဖရဲပြန့်ကြဲကျလာတာမို့ သူမ ငေးကနဲ.....
YOU ARE READING
ဓူဝံရပ်က ကြယ်ကလေး ( Complete ) ( ဓူဝံရပ္က ၾကယ္ကေလး )
Romanceကျေးဇူးတရားကြောင့်လား.... သံယောဇဥ်ကြောင့်လား..... အချစ်ကြောင့်လား..... တိကျရေရာတဲ့အကြောင်းပြချက်မရှိပေမယ့် သေချာတာတစ်ခုကတော့...... ဓူဝံကြယ်ကလေးဟာ မြောက်အရပ်မှာပဲ အစဥ်ထာဝရရှိနေဦးမှာပဲ........ ဆောင်းအက္ခရာကြိုး Zawgyi ေက...
