" အဟွတ်..... အဟွတ် အဟွတ်...... အင်း.... "
" ကလေး.... ကလေး နိုးလာပြီလား..... "
အိပ်ယာပေါ်မှ အားယူထလာတဲ့ကလေးမကို သူ ထူဖေးမရင်း ကုတင်ပေါ်မှာခေါင်းအုံးကို အရှည်လိုက်ထားကယ ခပ်မှီမှီလေးနေရာချပေးလိုက်ရသည်။
" ကိုကို ဒီနေ့ဘာနေ့လဲဟင်...... ကလေး စာမေးပွဲရော..... "
" ဟ်ိတ် မငိုနဲ့ မငိုနဲ့ .... ဒီနေ့မဟုတ်သေးဘူးလေ....
ကလေးစာမေးပွဲက နောက် ၂ရက်နေမှ..... ဒါကြောင့် မြန်မြန်နေကောင်းအောင်နေရမယ် ငိုမနေနဲ့ ခေါင်းတွေကိုက်လာတော့မှာပဲကွာ.... "ဓူဝံ သူမမျက်ရည်လေးတွေကို တယုတယသုတ်ပေးတော့ ခြစ်ခြစ်တောက်ပူနေတဲ့အသားလေးတွေကြောင့် လက်ပင်တွန့်သွားရသည်။ စာမေးပွဲနီးမှ ထဖျားနေတာကြောင့် တငိုငိုတယိုယိုနဲ့မို့ မျက်လုံးလေးတွေက ဖောင်းအစ်ရဲမို့နေသည်။
သူ အသင့်ယူလာတဲ့ ကြက်သားဆန်ပြုတ်ပန်းကန်လေးကို ယူကာ ဇွန်းလေးနဲ့မှုတ်ပြီး အအေးခံနေရင်း.....
" ဒီဆန်ပြုတ်လေးသောက်ပြီးရင် ဆရာဦးရှိန်ပေးခဲ့တဲ့ ဆေးလေးသောက်ပြီး အိပ်လိုက် ဒါဆိုမနက်ကျ ကလေးနေကောင်းသွားလောက်တယ်..... "
" ကလေးဖျားနေတာ တစ်ပါတ်ကျော်နေပြီလေ..... ကိုကိုနေ့တိုင်းအဲ့လိုပြောနေတာပဲ အခုထိ အဖျားမှမပျောက်သေးတာ.... "
" အဲ့ဒါက ကလေးက ကိုကို့စကားကိုနားမထောင်လို့လေ ညဘက်ကို ကောင်းကောင်းမအိပ်ပဲ ငိုနေတာကို အဖျားက ပျောက်မလား..... ရော့ရော့ ဆန်ပြုတ်အေးသွားပြီ အရမ်းမအေးပဲ နွေးနေတုန်းလေး သောက်
လိုက်ဦး "သူမ ခွန်းတုံ့မပြန်နိုင်ခင် ဓူဝံ အရင်ဆန်ပြုတ်တစ်ဇွန်းခွံ့လိုက်ရတော့ ကျိတ်မှိတ်အားယူကာ မျိုချနေရှာတဲ့ကလေးမကိုကြည့်ကာ သူပြုံးလိုက်ပြီး.....
" ကိုကို့ ကလေးက လိမ္မာလိုက်တာ..... သောက်ပါဦး နောက်တစ်ဇွန်း..... "
အချော့ကြိုက် မမလေးအလိုကျ ချော့မော့စနောက်ရင်း ဆန်ပြုတ်တစ်ပန်းကန်ကုန်အောင်ကျွေးပြီး ဆေးလေးတိုက်ကာ အိပ်ယာပေါ်ပြန်လှဲချပေးပြီး စောင်လေးကိုပါ သေချာခြုံပေးလိုက်တော့......
YOU ARE READING
ဓူဝံရပ်က ကြယ်ကလေး ( Complete ) ( ဓူဝံရပ္က ၾကယ္ကေလး )
Romanceကျေးဇူးတရားကြောင့်လား.... သံယောဇဥ်ကြောင့်လား..... အချစ်ကြောင့်လား..... တိကျရေရာတဲ့အကြောင်းပြချက်မရှိပေမယ့် သေချာတာတစ်ခုကတော့...... ဓူဝံကြယ်ကလေးဟာ မြောက်အရပ်မှာပဲ အစဥ်ထာဝရရှိနေဦးမှာပဲ........ ဆောင်းအက္ခရာကြိုး Zawgyi ေက...