" ပြန်လာပြီပေါ့..... "
ကလေး အိမ်ထဲဝင်ဝင်ချင်း ကြားလိုက်ရတဲ့စကားကြောင့် အသံလာရာဆီကိုကြည့်မိတော့ ဧည့်ခန်းထဲကဆိုဖာမှာ ဝိုင်တစ်ခွက်နဲ့ အကျအနခြေချိတ်ထိုင်နေတဲ့ မဧကရီ....
" ဟုတ်ကဲ့.... "
" တီတီ ပြန်လာပြီ .... "
" ဟယ် တန့်တန့်.... "
လှေကားရင်းလေးမှာ မျက်ရည်စတွေနဲ့ထိုင်နေတဲ့ တန့်တန့်ဆီက အသံသေးသေးလေးကြောင့် ကလေးစိုးရိမ်တကြီး ပြေးသွားပြီး တန့်တန့်ကို မချီလိုက်တော့.....
" အား..... အဟင့် ဟင့်.... "
" တန့်တန့် ..... သမီး ဘာဖြစ်တာလဲ....
တန့်တန့်.... ဘယ်နား နာလို့လဲ...."
" ဟား ဟား ဟားဟား....."
တန့်တန့်လေးကို လှည့်ပတ်ကြည့်ရင်း သူမ စိတ်ပူနေတာကိုကြည့်ပြီး တဟားဟားအော်ရယ်လာတဲ့ မဧကရီကြောင့် သူမ ဒေါသတကြီးလှည့်ကြည့်လိုက်ပြီး.....
" ရှင် ဘာလို့ကလေးကို လန့်အောင်လုပ်ရတာလဲ မဧကရီ..... တန့်တန့်လေးက အခုထိငယ်သေးတဲ့ကလေးပါ....."
" မသိတဲ့လူတွေမြင်ရင် မင်းက တန့်တန့် အမေအရင်းလို့ ထင်နေကြတော့မှာပဲ....ဘာလဲ နေရာဝင်လုဖို့ အဲ့လောက်တောင် သည်းမခံနိုင်တော့ဘူးလား....."
" ရှင့်စကားတွေအရမ်းလွန်နေပြီ မဧကရီ.... "
" လွန်တော့ဘာဖြစ်လဲ...... တို့က စကားတောင်မပြောရတော့ဘူးလား....ဘာလဲ တို့မရှိရင် မင်းက ဒီအိမ်ကြီးရဲ့ သခင်မဖြစ်လာမယ်လို့များထင်နေတာလား.... "
" ရှင် အရမ်းမူးနေပြီ..... တန့်တန့် လာ တီတီနဲ့သွားအိပ်မယ်... "
" ရပ်စမ်း.... "
" အား... "
ရုတ်တရက် မထင်မှတ်ထားပဲ သူမ ဆံပင်တွေကို ခပ်ကြမ်းကြမ်းဆောင့်ဆွဲကာတွန်းပစ်ခံလိုက်ရတာမို့ ကြမ်းပြင်ပေါ်ပစ်လဲသွားရပြီး နာကျင်ထိတ်လန့်စွာ အော်လိုက်မိတော့.....
" အီး ဟီးဟီး..... မေမေ..... မေမေ တီတီ့ကို မရိုက်ပါနဲ့.....မရိုက်ပါနဲ့.....တန့်တန့် တောင်းပန်ပါတယ်နော်......မေမေ.... "
CZYTASZ
ဓူဝံရပ်က ကြယ်ကလေး ( Complete ) ( ဓူဝံရပ္က ၾကယ္ကေလး )
Romansကျေးဇူးတရားကြောင့်လား.... သံယောဇဥ်ကြောင့်လား..... အချစ်ကြောင့်လား..... တိကျရေရာတဲ့အကြောင်းပြချက်မရှိပေမယ့် သေချာတာတစ်ခုကတော့...... ဓူဝံကြယ်ကလေးဟာ မြောက်အရပ်မှာပဲ အစဥ်ထာဝရရှိနေဦးမှာပဲ........ ဆောင်းအက္ခရာကြိုး Zawgyi ေက...
