فتاة بالهاوية

الفصل الثامن

بسم الله الرحمن الرحيم وبه نستعين والصلاة والسلام على أشرف المرسلين وسيد الخلق أجمعين رسولنا ونبينا الكريم محمد صلى الله عليه وعلى آله وصحبه أجمعين في الملأ الأعلى إلى يوم الدين صلاة تنفك بها العقد وتفرج بها الكرب يا رب العالمين.
أما بعد :
🌹
🌹
🌹
🌹
🌹
🌹
أستيقظت أمانى صباحا على صوت هاتفها نظرت وجدته بجانبها فهي على وضعها منذ أن نامت هي وفريدة أمس قامت وأخذت الهاتف وجدت المتصل أخيها فأجابت على الفور؛ أمانى بصوت ناعس : الو
هيثم : ايه يا ست الكل لسة نايمة يا هانم
أمانى: عايز ايه يا بني انت انا لسه على السرير ما فوقتش حتى
هيثم :بقى كده طب ماشي يا ستي براحتك وانا اللي كنت فاكر إن أختي حبيبتي حتحتفل بيا لما تعرف إن جاي لها طاير على جناح السرعة.
أمانى بلهفة :بجد انت جاي أمتى؟
هيثم : لا لا خلاص بقى ما انتي مش مهتمة بيا خليكي بقى في ضيفتك اللي شكلها هتعيش معانا دي ولا أشوف مكان تاني ولا ايه
أمانى بهدوء وهي تتحرك خارج الغرفة : بص يا حبيبي فريدة انا مش هسمح إنها تمشي تحت أي ظرف أبدا انا قررت وبشدة إني مش حسيبها غير لما حياتها تستقر وهي تكون قادرة تقف على رجلها لوحدها وهو ده اللي عندي ولا انت ليك رأي تاني
هيثم : يا حبيبتي انا مش بضايقك بالعكس أنا حابب انك تدخلي حياة ناس وناس تدخل حياتك وانا كل اللي عاوزة انها تكون محل ثقة مش أكتر وانا واثق فيكي يا حبيبتي طبعاً
أمانى بعد أن هدأت قليلاً : هيثم فريدة ضحية والموضوع بجد كبير و مش هينفع الكلام في التليفون خالص وبما إنك جاي فده شئ كويس لأني محتاجاك معايا علشان تقف معانا لأننا فعلاً محتاجين راجل معانا ده بعد إذنك طبعاً
هيثم : حبيبتي انا تحت امرك طبعا بس افهم الاول ايه الوضع وانا في أيدي ايه اعمله وربنا يقدم اللي فيه الخير بإذن الله
أمانى : يا رب يا حبيبي المهم انت دخلت بينا في حكايات كتير وماقولتليش جاي أمتي؟
هيثم بهزار : يا شيخة كبرى دماغك وهي دي اخبار مهمة برضو
أمانى بأستفزاز : تصدق صح انا بقول كده برضو يلا سلام؛ وكادت ان تغلق لولا أن اتاها صوته : خلاص بقى جاي بالليل
أمانى : نظرت للهاتف بأستنكار ورجعت مره اخرى انت قولت ايه
هيثم: جاي بالليل
أمانى : انت بتهزر ومقولتش من بدري اققفل علشان اللحق اقفل سلام
اغلقت الهاتف وأخذت تجري يمينا ويسار بعشوائية وهي لا تدري ما يجب عليها فعله ثم جرت إلى فريدة بالغرفة وأخذت تصرخ
أمانى : يا فريدة قووووومي
أستيقظت فريدة بخضة : ايه في ايه ايه اللي حصل
أمانى : هيثم جاي بالليل قومي بسرعة هنعمل ايه
نظرت لها فريدة بدهشة : مالك طيب مش فاهمة هو ايه اللي هيحصل لما يجي بالسلامة
أمانى جلست وقالت : يعني ايه هيحصل ايه يعني في 100 حاجه لازم تتعمل زي مثلا الاكل والشقه لازم تتروق بتاعته مقفوله بقى لها سنين ولازم تتوضب هتاخذ وقت كثير قوي مش هنلحق انا هكلمهم في المصنع وهعرفهم اني مش رايحه النهارده وهعمل لك اجازه انت كمان علشان نلحق نخلص ممكن بقى تساعديني.
فريده: يا خبر انت بتتكلمي ازاي اكيد لازم هاساعدك من غير نقاش يعني بس الاول لازم نرتب احنا هنعمل ايه الاول علشان نعرف اولوياتنا فين يلا بينا هاقوم اغسل وشي وهاصلي وهاحصلك على بره
قامت فريده ادت فرضها وخرجت لاماني في الخارج وجادتها تجلس وتفكر بتوتر فجلست بجانبها وحدثتها قائله انا مش عارفه انت مالك عامله كل ده ليه هو في الاول وفي الاخر اخوكى مش حد غريب يعني فالموضوع مش محتاج كل ده احنا بس المهم دلوقتي نروق الشقه ونخلصها ونبقى جاهزين لاستقبله في شقته بالنسبه للاكل ما تشيليش همه انت بس قرري هتعملي له ايه وما تشغليش بالك انا هاتصرف
أمانى : بصي انا مش عارفه انت جايبه الروقان ده منين ومش عارفه انت جايبه الثقه دي منين بس انا هامشي وراكي ويلا ربنا يسهل بقى.
فريده : متقلقيش
وقاما سويا لشقة هيثم وبعد اكثر من ساعتين  كانو انتهو من الشقة تماما واصبحت جاهزة لاستقباله
جلست أمانى وفريدة على الكنبة بتعب وتحدثت أماني : أه يا ني تعبت أوي بقالي كتير معملتش المجهود ده كله بس الحمد لله انك معايا بجد تسلم ايدك
فريدة :على ايه هو بردو اخويا المهم يلا علشان نخلص الاكل مبقاش معانا وقت كتير؛ بس انا عاوزة أسألك معقولة مش هتجبيه من المطار حتى هيجي لوحده
أمانى : للأسف هو نازل في مطار القاهرة وعلى ما يوصل هنا اسكندرية المسافة طويلة وصعب اني اجيبه واجي فحستنى هنا أكيد لانه كمان مش حيجي لواحده حيجي هو وامجد صاحبه
فريدة : طب تمام يلا بينا نخلص اللي فاضل بقى
وقاما سوياً وبعدما قضيا باقي النهار في المطبخ انتهو أخيرا وكانت النتيجة مرضية جداً لهما أستأذنت فريدة من أمانى ان تدخل تستحم وتغير ملابسها وفعلا قامت بكل شئ ولكنها استقلت بغرفتها ولم تخرج. هذا وما أثار إنتباه أمانى فتوجهت لها حتى تستعجلها فوجدتها جالسة وتبكي بمرارة فأتجهت لها أمانى مسرعة : في ايه مالك بتعيطي ليه بس
فريدة : انا ضعت خلاص كل حجة ضاعت انا خلاص موتى أهون من اللي انا فيه وظلت تصرخ يا رب ارحمني يا رب يا ريتني ما شفت كل ده
أمانى وهي تهدأها طب مالك بس قوليلي ايه اللي حصل لكل ده اتكلمي بقي
لم تتكلم فريدة ولكن ناولتها الهاتف لتنظر به ففتحته وجدت رسالة علي الواتس محتواها عبارة عن مقطع فيديو ورسالة صوتية فقامت بفتح الفيديو فوجدت مقطع قذر مصور لفريدة وهناك من يتحرش بها ولكن يبدو عليها عدم الاتزان ويبدو انها غير واعية فأغلت المقطع على الفور واستمعت للرسالة والتي محتواها كله : أنتي لو مرجعتليش الفلوس اللي اتصرفت في الجوازة الشوم دي انا هفضحك بالفيديوهات دي في كل حته ومش هخليكي ترفعي راسك تأني
اغلقت أمانى الهاتف وتحدثت بهدوء : مين اللي باعت الحاجات دي
فريدة بصوت يتقطع من كثرة البكاء : د ده ف فو فؤاد ج جو جوزي
أمانى بزعل : بس متقوليش جوزك أهدى كده وابعتي له رسالة سكتيه وقوليله اديني يومين وهبعتلك المبلغ اللي انت عاوزة
فريدة بهلع : لا طبعاً انا لايمكن أعمل كدة والله انا اصلا معرفش الفديو ده أتصور ازاي وانا والله ما عملتش حاجة من الارف ده مليش دعوة والله ما اعرف
أمانى وهي تهدأها : بس واضح إن جوزك عارف حاجة إحنا منع فهاش ولازم نعرفها
فريدة بأنتباه إنتي تقصدي إنه كان عارف من الاول؟
أمانى : للأسف ده اللي واضح بدليل انه ضربك وصمم تروحي للدكتور من غير حتى ما يقربلك يبقى ده اسمه ايه؛ بقولك ايه احنا اتفقنا قبل كده إن مشوارنا طويل والخطوات فيه كتيرة وانك لازم تهدي ويكون عندك صبر على اللي جاي احنا روحنا للدكتور ووصلنا لنقطة مهمة الخطوة اللي جاية احنا مش هنروح لمعمل التحاليل زي ما قولنا نا هشوف محامي تبعي  وهحكيله كل حجة لازم نضمن موقفك القانوني ولازم نشوف حل الكارثة اللي على التليفون دي اما جوزك ده انا هعرف اتصرف معاه بس انتي نيميه دلوقتي وقوليله حاضر وحسسيه انك خايفة منه متبينلهوش اي حاجة خالص فاهمة يا فريده
فريدة بهدوء بعض الشئ :حاضر حاضر بس معلش أعذريني انا بجد مجهدة جدا مش هقدر اخرج معاكي حنام شوية انا أسفة
أمانى بخضوع : زي ما تحبي استهدي بالله وارتاحي شوية وإن شاء الله خير متقلقيش بس كنت عاوزة أسألك على حاجة
فريدة :اتفضلي
أمانى : هو جاب رقمك منين مش المفروض إنة غيرتي رقمك
فريدة : ايوة جبت رقم جديد بس فتحت القديم أشوفه ده غير إني مغيرتش رقم الواتس أصلا
أمانى :طب خلاص نامي انتي دلوقتي والصبح نشوف هنعمل ايه
🕳️🕳️🕳️🕳️🕳️🕳️🕳️🕳️🕳️🕳️
عند كرم وهو يجلس مع سميرة
سميرة : جرا ايه يا زفت انت أيه اللي جابك دلوقتي انا مش قولتلك ما تفوتش المكان اللي فيه البت ابدا جايلي هنا ليه دلوقتي؟
كرم : ايوة لازم أجي أخوكي معهوش ولا جنيه وعاوز اشوف حالي ما انا مش هتقطع لك انتي وبت جوزك على طول من غير أيتها فايدة
سميرة : اتكتم هديلك اللي انت عايزة بس قولي جبت المعلومات اللي طلبتها منك عن الحرباية اللي تاوتها عندها؟
كرم : حصل يا غالية كل حاجة جبتهالك عنها بصي يا ستي دي واحدة ست عندها حاجة وأربعين سنة مش فاكر كام بالظبط بس حلوة وشايفة نفسها كده وكانت متجوزة بس الراجل قلبها علشان الخلفة و عندها مصنع ملابس صغير اللي بت جوزك شغاله فيه وعندها اخ في الكويت مش هنا و عندها شقتين  ودي المعلومات اللي عرفنا اكتر من كده لا 
سميرة : طب تمام خد دول وركز بقى عليهم اكتر من كدا مش مرتاحالها  ابدا شكلها قصتها قصة هي كمان
...................
انتهى بارت النهاردة بحمد الله تعالى
استنوني بكرة في أحداث جديدة خالص
ويارت نعمل فوت علي البارت يا جماعة من فضلكم
فتاة بالهاوية بقلمي : رنا سلامه