အပိုင်း - ၁၈
" မောင့်ရင်ခွင်ဝယ် ခိုနားမယ် "
နှစ်ယောက်ထဲရှိနေတဲ့အချိန်မျိုးမှာ မင်းကိုချစ်လွန်းလို့
စနောက်မိတာမျိုးရှိကောင်းရှိနိုင်ပေမယ့် ဘယ်သူစိမ်း
တစ်ယောက်ကမှ မင်းရဲ့ဖြစ်တည်မှုနဲ့ မင်းရဲ့
ဂုဏ်သိက္ခာကိုစော်ကားတဲ့စကားမျိုး မောင့်အရှေ့မှာ
စနောက်ပြီးတောင်မပြောစေရဘူး မောင့်အချစ်ရေ။
မောင်ကလက်ခံမှုမဟုတ်ဘူး ။ ဘယ်လိုအခြေအနေ
မှာမဆို မင်းအရှေ့မှာမောင်ရှိနေပေးမယ်။
*
*
*
*
*
*
*
*
" တကယ်အစောကြီး ပြန်လာတာလားမောင် "
" ပြန်လာလို့သာ ခင်ဗျားလေးက တွေ့နေရတာ
မဟုတ်ဘူးလား "
အောင်မယ်! လေသံကိုကလို့ ခပ်ရွဲ့ရွဲ့တွေးမိပေမယ့်
ကြွေရုပ်ကိုယ်တိုင်ကလည်း သူထမင်းစောစောစားခိုင်း
ထားတာကို အပျင်းကျပြီးမစားထားသည့်အပြစ်ရှိတာ
ကြောင့် အတက်နိုင်ဆုံးမျက်နှာချိုသွေးလိုက်ကာ
" အင်း အခြားဆရာဝန်တွေနဲ့အတူတူသွားကျတာ
ဆိုတော့ သူတို့ကခဏလောက်တော့ ထပ်ပြီး
ဆွဲထားမယ်ထင်နေတာ ပြန်လာမယ်ဆိုပေမယ့်
ချက်ချင်းကြီးထလာဖို့ အဆင်မပြေလောက်ဘူး
တွေးနေမိတာရယ် "
ကိုယ်ကသာ သူ့ကိုမော့ကြည့်ပြီးစကားတွေပြောနေတာ
ဦးရာရာက ကိုယ့်ကို လှည့်တောင်မကြည့်ပါ ။
" ဆွဲထားလည်း နေလို့မရတော့ဘူးလေ ၊ အိမ်မှာက
ပြောစကားနားမထောင်တဲ့ ကလေးတစ်ယောက်
ရှိနေတာကိုး အသက်ပြည့်ပြီးသားကလေးတွေက
ပြောစကားကိုပိုပြီးနားမထောင်ဘူး ကလေးဆိုးတွေ "
ဦးရာရာကတော့ ခြေလှမ်းကျဲကြီးတွေနှင့် ထမင်း
စားခန်းဆီသို့သွားနေပါပြီ ။ အဝတ်အစားတောင်
မလဲတော့တာမို့ သူ့အနေနဲ့.ကြွေရုပ်ကိုတော်တော်ကြီး
စိတ်အလိုမကျမှန်းသိသာနေ၏ ။ ထမင်းစားခန်းထဲ
ကိုရောက်တာနဲ့
" ဘာနဲ့စားမှာလဲ ပြော "
ဗိုက်ကတကယ်ကိုမဆာတာပါ ။ ဘယ်လိုမှစားချင်စိတ်
မရှိတာပါလို့ မပြောရဲတာကြောင့်
" ကြက်သားကြော်လေးနဲ့ပဲ စားလိုက်မယ်လေ ၊
မိုးချုပ်နေတော့ ကျန်တာတွေကိုလည်းမစားချင်
တော့ဘူး "
YOU ARE READING
မောင့်ရင်ခွင်ဝယ် ခိုနားမယ် ( Completed )
Romanceကြွေရုပ်က မိန်းကလေးလိုလှချင်နေတဲ့ ယောကျ်ားလေးတစ်ယောက်ပါပဲ ။ ရုပ်ပိုင်းဆိုင်ရာ အားနည်းမှုနဲ့စိတ်ပိုင်းဆိုင်ရာမှာသန်မာတဲ့ လူတစ်ယောက်လို့ပြောရမလားပဲ ေႂကြ႐ုပ္က မိန္းကေလးလိုလွခ်င္ေနတဲ့ ေယာက်္ားေလးတစ္ေယာက္ပါပဲ ။ ႐ုပ္ပိုင္းဆိုင္ရာ အားနည္းမႈနဲ႔စိတ္ပိုင္းဆို...
