إكسيرٌ للحياةِ مدفونٌ على أعماقٍ من أرض هذه الصحراء القاحلة، ولكن عند استخراجه سلب حياتهم جميعًا كان كالورم الذي فشل استئصاله كالفيروس بلا عقار كفصيلة الدم المخالفة تمامًا للمريض ما إن يتم مزجها بدماؤه حتى تُكتب عليه تلكَ النهاية.. لم يكن مجرد سفر ب...
السلام عليكم، ازيكوا جميعًا؟ اتمنى تكونوا بخير يارب، للي لسة ميعرفش أنا هبقى موجودة إن شاء الله يوم الخميس ٢٦ يناير في معرض الكتاب، كل اللي هتعملوا عزيزي القارئ هكتبهولك خطوة خطوة عشان متتوهش مني:
١- أولًا عزيزي القارئ أنت هتشتري تذكرة للمعرض سواء أونلاين أو حتى من هناك، بس يُفضل إنها تكون أونلاين من موقع المعرض الرسمي عشان الزحمة و الحر و هكذا...
٢- بعدين هتتأهب بقى و تستعد هتقولي استعد ازاي هقولك ركز معايا كويس، أول حاجة هتطلع النوت بتاعتك الصغنونة دي و تبدأ تاخد لفة على الكتب اللي نازلة المعرض السنادي و اللي هتشوفها كتير اوي على الفيسبوك، في كُتاب كتير نازلين المعرض بكُتب لأول مرة بس حقيقي المحتوى لطيف خالص بصراحة، و أنا نفسي هشتري كتب من دي عادي جدًا.
٣- بعد كدا عزيزي القارئ لو تشرفت و روايتي كانت في الليست بتاعك، فدا شئ يسعدني جدًا بصراحة، هتيجي مثلا تشتري الكتاب لو أنا موجودة هوقعلك و اكتبلك إهداء صغير كدا و نقضي وقت لطيف خالص سوا.
٤- لو بتفكر الكتاب هيبقى فين عزيزي القارئ هقولك إنه هيبقى موجود إن شاء الله صالة 2 جناح c9 و هوريك مكانه بالظبط على الرفوف في صورة هحطها تحت..
٥- لو رحت و أنا مش موجودة فيؤسفني إني متشرفتش بشوفتك هناك و هستنى رأيك في الرواية من خلال صفحتي على فيس أو انستجرام أو حتى واتباد، و إن شاء الله رأيك هيسعدني جامد.
٦- خليك فاكر إن المعرض هيبقى في التجمع الخامس و هيبقى في خطوط كتير هتوصلك لهناك فمتقلقش، و لو خايف تتوه جوا المعرض، فأحب أبشرك إن دي المتعة الحقيقة اصلا للمعرض.
٧- حابة أزود تنويه صغير كدا للهجوم اللي بشوفه على الرواية لمجرد إن غرضي منها على واتباد كان مجرد المتعة، أحب أصدمك و أقولك إن الرواية ورقي الفصحى فيها طاغية على العامية بطريقة ملحوظة جدًا، السرد أفضل بكتير، الأحداث أطول، في شخصيات جديدة هتعجبكوا جدًا يعني، في كمان أحداث جديدة و أعتقد إنك هتتأكد من كلامي دا، كمان شخصية مريم المندفعة دي لغياها خالص و بقت شخصية أعقل و أهدى من دي..
٩- حابة أقول إنك لو كنت في المعرض تقدر تيجي تتصور معايا و نقضي وقت لطيف زيك عزيزي القارئ حتى لو مش هتشتري الرواية.
١٠- و أخيرًا أتمنى إن فترة المعرض تبقى من أفضل الفترات اللي هتعدي عليكوا لو كنتوا أول مرة تروحوا أو رحتوا قبل كدا.❤
صورة بقى لكتابي من داخل المعرض.
Oops! This image does not follow our content guidelines. To continue publishing, please remove it or upload a different image.
نسيت بقى الجزء الأهم و هو فكرة الكتاب عمومًا، هقولهالك بالفصحى بقى و كفاية عامية.
تتمحور أحداث الرواية حول مادة الزئبق الأحمر شحيحة الوجود، حيث تعد تلك المادة سلاحًا ذو حدين، استخدمها الكهنة في التحنيط، أما السحرة فاستخدموها فالسحر، فكانت طريقة الاستخدام تتمثل في إراقة دماء النساء الحِسان.
و بس مش هحرق أكتر من كدا، أشوفكوا يوم الخميس إن شاء الله❤.
