💎مكتملة💎
❌حصرية على الواتباد❌
قصة رمضانية 🌙🕌 تحمل في طياتها عبر وكلام موزون .. كيخلي السامع يتنغم والراوي يفكر..😍
العنوان:#قرية_النساء💃
للكاتبة: #سلوى_العلوي ✍️
⚜️🏰⚜️
حجايتنا كتهدر على زمان غير زمانا وناس غير ناسنا نبداوها باسم الله ونصليو...
#سلوى_العلوي ✍️ 🕌#قرية_النساء 🕌 البارت 3 👑 فاقت على أشعة الشمس .. صباح ما ليه مثيل كانت ناشطة وفرحانة حيت أخيرا غتمشي للسوق تشري ما بغات .. لبسات وتزينات ودارت عليها الحايك والنقاب خرجات وهي تلاقا غريمتها لي مكتحملهاش وردة: (دارت راسها تخلعات) أنا فعار الله ذكرت إسمك يا عالي بعد من طريقي المصايب ونقيها من الشوك صباح زين هاذا لي صبحنا على ذميمة القبيلة .. سيليا : (حيدات على راسها الحايك وقالت باستفزاز) لهلا يحييك ويطول الزمان عليك تا توصلي لالاااك أنا نوارة القبيلة .. ولي ذكرني يشلل لسانو ميات تشليلة وينتر الورد في طريق لي وطيت فيها .. أما نتي يا نص عويدة ما كنعرفوك مرا ولا عزري في هاد القرية الزينة .. لا زين لا قبول دايرة بحال السحارة الممسوخة لي قاطعا يدها من يد الرحمان وردة: سيري يا الشوكة الغشيمة لي قرب ليك تقتليه بسمك سيليا: أنا وردة شوكها مزيينها لي بغا يقطفها كايصبر على حرها حيت كيما كان الحال كانبقى وردة باهية كتسر الناظر فيها ماشي بحالك يا اللفعة المسمومة كتآذي لي جا قبالتك بلاما تراعي للجورةوا بعدي من ساحتي وخليني عليك حيت مقامي ماشي من مقامك ردات عليها الحايك ومشات خلات وردة غتموت بالفقصة كاتغير منها حيت زوينة عليها ومن سلالة الملوك وحيت لقرية كاملة دايرا بحسابها وكيعاملوها بحال الماء المهيل هبطو لعيالات لسوق القبيلة لي ما بعيداش بزاف كانت يزا وتيثريت ولويزة(وحدة من عيالات القرية) او معاهوم سيليا دايرين لحافهوم كايبانو فيهوم غي العينين ما كايخرجو من القرية غير الى جاو للسوق وما كايتخالطو مع رجال غير الى بغاو يتساومو على الثمن .. تقداو داكشي لي بغاو ورجعو بحالهوم محملين ومجملين وبداو يفرقوا على كل وحدة داكشي علاش وصات .. هاذي حالتهوم خدامين على راسهوم كيبيعو قصب السكر والحليب لي كيوردوه من البقار والماعز والبيض والخضرة لي كيقطفوها من مزراعتهوم لي شقاو عليها وحرثوها بدم جوفهوم غير باش مايجيش ولد لمرا لي يحل عليهوم فمو . ............. في بلاد الجيران لي سميتها في الأصل بلاد الفقهة شد الأمير بهاء الدين الرحال للشمال بعدما ودع عائلتو الحاكم رحال : الله يعرضك السلامة أولدي وينقي طريقك من الشوك ويخلي خطواتك مباركة .. الله يسقم أيامك وترجع ليها سالم غانم يا ربي بهاء الدين : الله يخليك الواليد تاج فوق راسنا ويطولي فعمرك رمانة:(والدة بهاء الدين) سير اولدي الله يرضي عليك ماطولش لغيبة تا نصدقو لابسين وجايين ندقو بيبان البلدان لبعيدة ونشدو الطرقان نقلبو على نورنا لي خطانا بهاء الدين:(باس على يدها وراسها ) ماتخافيش الحنينة ماني مفارقك تا يشيب راسي وتشوفي حفادي ونمشيو أنا وياك رجل برجل لدار الاخرة رمانة: بعيد لبلا والباس عليك أولدي الله يطولي فعمرك ويخليك ليا بهاء الدين:آمين الحنينة آمين شد بهاء الدين الطريق لي ما عرفها آشش مخبيالو واش زعما يقدر يحقق مرادو ويرجع لأهلو وبلادو ؟ ولا الدنيا مخبيالو شي عقبة لي تخليه يرجع للور ويخوي راسو من أفكارو ؟ خليكوم معايا نعرفو حنا وياه هادشي فقصة #قرية_النساء💃 بلاد الفقهة 👇
Oops! This image does not follow our content guidelines. To continue publishing, please remove it or upload a different image.
