💎مكتملة💎
❌حصرية على الواتباد❌
قصة رمضانية 🌙🕌 تحمل في طياتها عبر وكلام موزون .. كيخلي السامع يتنغم والراوي يفكر..😍
العنوان:#قرية_النساء💃
للكاتبة: #سلوى_العلوي ✍️
⚜️🏰⚜️
حجايتنا كتهدر على زمان غير زمانا وناس غير ناسنا نبداوها باسم الله ونصليو...
#سلوى_العلوي ✍️ 🕌#قرية_النساء 🕌 البارت 16 👑 كانت يزة واقفة على الشيخ مكتفاه من يدو ورجلو فشجرة كيفاش لقاتو وكيفاش غلباتو او وقتاش قيداتو وجرات على خُدّامو هادي القايدة يزة وأجركم على الله كاتجبدها من فم السبع الى قالت أنا دايرة هادشي الليلة عرفو بلي ما يصبح صباح حتى تكون قدات الغرض يزة: شلا ما نوعرتو في الخفا و ظنيتو الكسيبة نسات ما دوز عليها الذيب النعجة الى ناضت تترطى يخاف منها حتى الشديد هانتا طحتي بين يدي يا الظالم دابا آش ندير فيك ؟ الشيخ: (مخلوع حيت شايف فيدها سيف) شووفي شش شوفي خلينا نتفاهمو بالعقل زعما راحنا كبار دايين وجايبين فالزمان يزة: لعقل طار أعيفة الرجال آششش درتي للبنات الشيخ: ش ش شممن بناات أنا ماشفت ماتشوفت طلقيني عند ولادي نرجع يزة: بلا ما دير راسك بوهالي ما يعلم راك ذيب والذيب شحالما تمكن كايجي نهار على يد صياد يتعطب (قربات السيف لعنقو بحالا كاتقولو يا تهدر يا تموت هو خاف وقلبو فمعدتو طاح قرر يعتارف اللهم سلامة ولا ندامة) الشيخ: ها هانتي أأأنا دابا كي شفتي خديت سيليا و و و وهي غفلاتني وهربات ما بقيت عرفت عليها خبار وفاش نتي غفلتيني راه كنت خارج نقلب عليها يزة :(صغرات فيه عينيها وقالت بحيرة) وفين غاتكون مشات هاد لخطية وتا لملعوقة لوخرا غبرات الشيخ: ش شكون هادي لي غبرات خنزرات فييه يزة ضرباتلو راسو مع الشجرة حتى حس بالدنيا كادور ركبات فعودها وزادت خلفة مخلياه بحال لعيالات كاينوح (الله يعز لعيالات 😂😌) بهاء كان مراقبهوم من بعيد كايخمم فين تكون زادت وصدات براس ودربال قالو بللي قلب لقبيلة دار بدار زاد همو وما بقى عارف راسو من رجلو منين يبدى واش زعما يطلق براح فهاد لقبيلة .. ولكن غاتكون هادي فضيحة ويقدرو اتباع الشيخ يلقاوها ويصفيوها ليها واخا مور هاد التمرميدة لي مرمداتو يزة موحالش تا واش يولي يفكر يعتب برى لقبيلة 😂 نخليو هادو يقلبو على خاطرهوم ونمشيو عند دوك الجوجات لي خليناهوم فالواد .. كانومجموعين شلا عيالات مشاو تخشاو وسطهوم باش يتودرو على لي كان كيقلبو عليهوم ما عرفوهوم شمن طريق شادين غي زايدين وضاربين الطم وصلو للطريق وخرجولهوم رجال الشيخ وقفوهوم مرأة كبيرة فالسن قالت بصراخ: آش واققع هنا مالكوم حابسين علينا طريق الله الخادم: كانقلبو على واحد الجوجات بغاهوم شيخ لقبيلة المرأة : بعد من الطريق لي كاتقلب عليهوم ماكاينينش هنا الخادم : لا خاصني نتأكد قولهوم يهبطو لثامهوم نشوف المرأة: كييففاااش كاتققلل العفة على جوري مولاي عدنان الخادم ضرباتو اللقوة فاش سمع سمية الحاكم بقى غير كايتفتف الخادم: سم سس سمحييليي دوزوو زاح من الطريق وتقدمو لبنات وهوما حادرين الراس بغاو غيير يتفكو من هاد المصيبة تا يحن الله .. غير زادو شوية وحسو براسهوم بعدو بغاو يتسلتو يهربو لكن وقفهوم صوت لمراة المرأة : فين غاديين أشنيولات عاود باغيين تمشيو للسوق بلا خباريي دوزو قداميي دخلو للقصر (هدرات على أساس هوما جواري) لبنات مالقاو مايديرو زادو بلا كلمة بلا جوج كانو باغين يتفكو من الشيخ صدقو واحلين فرحبة الحريم ... دخلو للقصر بلا كلمة ولا جوج وحيدو لتامهم وحايكهم جات ليهوم نفس المرأة مستغربة شكون هادو حيت عمرها شافتهوم فالقصر هنية(المرأة لي مسؤولة على رحبة الحريم): شكون نتوما ؟ سيليا: هو بصراحة حنا (كاتنغز إيمان تهدر) إيمان: كي شتي حنا الاللة حنا هنية: مالكوم كاتقفقفو علي (سكتات بحالا كاتفكر شوية) آه واش جيتو من طرف زعبولة شكون فيكوم الغناية ؟ سيليا:لاا حنا(قرساتها ايمان باش تسكت) إيمان:آه آه حناا هاهي الغنايا هنية : مزياان لي جيتو قبل الوقت بحرى تدربو شوية راكوم عارفيين غدا ليلة مهمة لملاي عدنان حمرولو وجهو شنو سماكم الله بعدا إيمان: أنا أنا أسمي عبلة وهادي الياقوت أنا سيفطوني معاها نعاونها فلبسها ماكاتيق فتا واحد من غيري هنية : مزيان يالله نوريكوم جناحكم مارحبا بيكوم فرحبة الحريم سيليا: ترحب بيك الجنة بقاو لبنات كايتناغزو ويخممو كيفاش غايفكو هاد لحريرة غير عتبات هنية العتبة ليعات سيليا مع إيمان بقرصة سيليا واش نتي حمقة آش. غانديرو فهاد الوحلة إيمان : سكتيي دابا اللهم نتحسبو مسيفطينا والا يحسبونا شفارات والله حتى يقطعو ريوسنا بلا رحمة سيليا: إيوا فاش يجيو الغنايات دبصح آشش نديرو غير سيدي زين وزادتو العين إيمان :دابا غير خليني ننصب كانوني على المجمر ونتي سدي فمك ومتني ليه لجامو علاما نفكو هاد الجرة ... بقاو لبنات مني منك تا لقاو الحل وبتاسمو بشر ..فنظركم أشمن مصيبة غايديرو تاني؟ أو واش هاد المغامرة لملاوطة غاتستامر ولا حد هنا وصافي ؟؟ هادشي لي غانكتاشفوه فقصتنا #قرية_النساء 💃 هاهو دربال البنات غي بقاولي علا خاطركم 😂👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
