قرية النساء🕌مكتملة🕌

🕌الجزء 45🕌

#سلوى_العلوي ✍️
🕌#قرية_النساء 🕌
البارت 45 👑
قالوا ناس زمان:😍

النية زوج ويدان:
الواد الاول: صافي فيه النقى.....عوم و اشقى .....تلحق تلقى..... وقدرك يبقى.....
الواد الثاني :واد لخدع.....شرو يلمع.....يقولك تبع تغرق..... ومن غدرو تشبع.....
فحياتنا كل واحد كايتبع واد .. وكل واحد كايشرب من نفس الواد لي تبعو .. طريقنا طويلة سوى تبعنا الأول أو الثاني غانلقاو الحجر والعقرب واللفاعي .. غانتمشاو تحت الشمس وفليالي .. لكن فالتالي غانوصلو فين كايصبو الويدان بجوج .. تاليتنا وحدا غاتدينا الموت ..
واقفا قبالتو متوترة وكاتفرك يديها لي عرقانين .. ماعارفا منين تبدى ولا باش تبدا واش تمهد الطريق وتضرب لمعاني ولا تجيه نيشان وتقول آش كان صاري .. أيام وهي كاتوجد لهاد اللحظة لكن دابا مشاولها الحروف وغابو الكلمات توكلات على الله وبدات
إيمان : (كاتفتف) ك كنت صغيرة والله ووكنا غانتزوجو و ولكن فالعررس دبنت خالتي أ أ نا حصلتو مع مرأة خوه و و
فخر الدين: شششش بشوية عليك شكون هذا بعدا ؟
إيمان:(حادرة راسها ودموعها شلال ) و و ولد عمي و و فاش حصلتهوم حدى البير هو بغى يسكني و وصافي
فخر الدين: كيفاش بغا يسكتك آش دار ؟
إيمان : هو رااه دار .. أنا رااه (ماعرفات كيفاش تقولهالو) أنا دابا ماشي بنت أنا ولييت مراة (غمضات عينيها بجهد كاتسنا التصرفيقة منين غاتجيها حيت شافتو علا يدو حتى كاتحس بيد فوق راسها)
فخر الدين: هادشي لي أيام ونتي باغا تقوليهلي
إيمان:(طلغات عينها فيه تشوف ملامحو وردة فعلو لقات وجهو ممحي ماكاين حتى تعبير بحاللا كان عارف وماتصدمش) و واش ماتقلقتيش
فخر الدين: آه تقلقت فالأول يمكن منين عرفت لاكن من بعد فكرت نتي ماليك دنب وهاداك ولد عمك إلى لقيتو غاندبحو ونشرب من دمو (عنقها) أنا باغييك كيما نتي حيت قلبك بيض ولي فقلبك على لسانك ماكاتخافي من تا واحد (علا ليها راسها ومسح الدموع ) راسك دييما يبقى مرفووع كيما شفتك معلياه النهار اللول واخا وا دابا سيري تحني قبل مايجيو ويلقاونا هنايا بجوج 😉
إيمان:(كانت غارقة بالحشمة والفرحة وكولشي تخلط عليها باستو فخدو ومشات هربات ) ب بسلامة
فخر الدين بقى مبتاسم وكايتفكر فاش سمع كلامها مع سيليا
فلاش 🔙
كان جاي عند إيمان يطمن عليها يالله غايدق الباب سمع غواتها هي وسيليا ماكانش قاصد يتصنط لاكن داكشي لي سمعو فالأول جرو باش يكمل كلامهم كامل ولي طاح عليه بحال الصاعقة من جهة معصب ومن جهة أخرى كايفكر فحالتها كيفاش تحملات وهربات وخلات عائلتها غير باش تخلي راسهم مرفوع واخا ماليها ذنب خمم بزااف داك الليلة وقرر غايصارحها بموضوع حبو ليها لكن القدر شاء أنه يعرض عليها الزواج مور الخطة لي دارو (غا زربتي أسيليا كون غي خليتينا نشوفو الاعتراف بالحب لي غايدير هاد الحجرة 🙄)
نهاية الفلاش 🔙
وصلات إيمان للقاعة والزغاريت والصلاة على النبي وأصوات الضحك والنشاط حتى شاط مشات كلسات فبرزتها حتى جات عندها سيليا كاتهدر من تحت سنانها
سيليا: آش درتي مازال ؟
إيمان: (كاضحك) قلتهالو
سيليا:(مستغربة) ياكما ضربك وتزنزنتي وليتي غير ضحكي
إيمان: وا لا راه بلعكس كان عارف من قبل
سيليا:(بصدمة) أويلي أنا والله ماقلتها لتتا واحد
إيمان: لا راه سمعنا يمكن كانهدرو
سيليا: إيواا ؟؟
إيمان : إييوا صاافيي قالي انا باغييك كيما نتي مهم دوبنيي
سيليا:(كاضحك) ههههه أربيي وا مبروك علييكوم الله يكمل بالخير بالرفاه والبنين
دازت ليلة الحنا ودازو موراها ليالي والعرس فرحان بزواج الأمير فخر الدين .. كولشي فرحان وناشط وكايتمناو ربي يدومها عليهوم .. لكن واش هاد الفرحة غاتكمل أو أبطالنا غايعيشو أحداث تقلب حياتهوم ؟ تبعو معايا باش نعرفو هادشي فالأجزاء المقبلة من #قرية_النساء💃