قرية النساء🕌مكتملة🕌

🕌الجزء 56🕌

#سلوى_العلوي ✍️
🕌#قرية_النساء 🕌
البارت 56 👑
مشارف النهاية 🥀
اليوم غير كل الأيام الماضية .. أبطالنا بربعة مجموعين فحفل أقل ما يمكن أن يقال عنه أسطوري .. القصر على غير عادته مفتوح للجميع .. الحلويات والأكل في كل مكان والزينة لي مزينين بيها جدران القصر زادتو جمال على جمال .. في ساحة الحكم لي بدورها كانت عامرة على آخرها كانو جميع رجالات البلاد من وزراء ورؤساء وشيوخ وعلماء وتجار كبار كالسين جنب بعض في انتظار بداية مراسم التتويج .. تتويج الأميرة سيليا باش تولي أخيرا حاكمة بلاد الشرفة .. كانت فغرفة الحكم متوترة مخلوعة لا توقع شي حاجة لي دمر آخر خلايا صبرها .. وجنبها كان بهاء الدين كايضحك من أعماقو عليها وفتفس الوقت كاتلمس فعينيه بعض الحزن .. حيت كايفكر بلي مادامها شدات الحكم عمرهوم غايعيشو كزوجين طبيعيين غايكون فأغلب الوقت بعاد على بعضهم البعض .. تسمعو طرقات خفاف على الباب ودخلو موراها عائلة أبطالنا الصغيرة .. والدي بهاء.. إيمان وفخر الدين.. يزة وتيثريت .. تاقسهم عضو لي لطالما حضر مثل هاد الجموع "دربال" بهاء الدين شاف فباه بنظرة غضب .. باقي هاز فقلبو من جيهة باه بعد حديثهم الأخير مع بعض .. لكن فنهاية المطاف كايبقى باه ومايقدرش يبقى طول العمر مقلق منو ...
فلاش 🔙
صبح صباح جديد .. صباح عنوانو الحساب .. كاين دائما حساب وعقاب بعد كل جريمة .. واخا تكون جريمة ذات سبب إلا أنه تا حاجة ماكاتبرر الشر .. كان اجتماع طارئ تقام فالقصر باش يحددو حاكم مؤقت للبلاد حتى يحين وقت التتويج .. وكانت سيليا مشغولة ومهمومة بأمور أهم من هادشي .. لذا خلات حكم البلاد بين يدين عوين أحمد ميمون ويده اليمنى كيما كان الحال هو شهد على حكم هاد البلاد أكثر من أربع عقود منين عقل على راسو وهو كايشوف كيفاش تطورات من بلاد قاحلة لجنة فوق الأرض ..
كانت سيليا وبهاه في غرفة القضاء وقدامهوم وردة ..
سيليا:(بابتسامة جانبية) وردة يا وردة خلاها دربال فاش كنتي كاتفكري وانت أكثر وحدة عارفاني مشة بسبع رواح 😂 مامتش حتى نهار غرقت فالواد بقا غير نموت على يدك نتي والأعمار بيد الله
بهاء الدين:(يتساؤل) كاعما قلتيلي فايتلك غرقتي فالواد
سيليا: بصح نسيت وصاف دابا نعاودلك من بعد أحبيبي (كاتفقصها بلعاني 🤣 ولات شافت فوردة بحاللا كاتسناها تجاوبها من بعد دارت راسها تفاجات ) آه ويلي سمحيلي (نترات الزيف لي كانو سادين بيه فمها) ماصحابليش فمك مسدود (خنزرات فيها وقالت بحدة) داابااا إمااا غاتهدريي بحالك بحال أيها الناس أولا غاتشوفي صباااحك لي نتفتيني بيهوم كايتقطعو حداك .. (ربعات يديها باستفزاز) اختاري
وردة: (مخلوعة وعيانا وكولشي مخلط عليها) انا ... صافي ... سمحيلي .. أختي سيليا .. والله مابقيت نعاود
سيليا:(طلقات ضحكة عالية) ختتك ؟ مابقيتيش تعاودي؟ ههههههه تا نخليك عايشة باش  تعاودي
وردة: (وقفاتلها الهدرة فحلقها ) ش ش شوفي إلى هدرت ... غ غ غيير عفي علياا
سيليا:(دارت راسها كاتفكر) مممم على حساب جوابك واش غاينفعني أو لا
وردة: واخا واخا هانتي أنا والله ماكان فبالي ندير هادشي ولكن هو هو لي قنعني ودخلي الفكرة لراسي قالي بهاء الدين(ضربات سيليا الطابلة لي حداها وقالت بحدة )
سيليا: سيييدككك بهاء الدين
وردة: اه اه سيدي بهاء الدين .. أنا كنت تلاقيتو قبل فعرسك وكان كايواسيني والمرة التانية فاش مات مولاي احمد شافني فالجنازة وقالي الخطة أنني نحاول نستدرجك ونخطفوك .. فاش كنا كانتافقو نتي خرجاي وصافي أنا ديتو لبيت الخزين القديم ديال القرية وهو قالي بلي باقي محتاجك ماغايقتلكش حيت كاين شي واحد طلب منو يعاونو ويعطيه حراس باش ينفد خطتو بالمقابل يعطيك ليه
بهاء الدين: (طول الحوار كان ساكت ومخلي سيليا تتفاهم معاها لكن هدرتها الأخيرة استفزاتو) شكون هادا
وردة: والله والله أسيدي ماعرفت لكن شي حد يدو واصلة وعندو معارف كثار
بهاء الدين: عدنان ؟؟
وردة : اااا اه اه واللهيلا هو شكون هاد عدنان؟
بقاو كايشوفو فبعضهم البعض وتجاهلوها من بعد آمراتهم سيليا يردوها للمطمورة تزيد تما شي يامات الى ماماتتش تطلق سراحها (قاسية لكن حنونة 😂) وكملو هاد الثنائي تحقيقهم مع كل من كان له يد في هاد المهزلة وخلاو المرا ودربال آخر وحدين ....
#قرية_النساء 💃