قرية النساء🕌مكتملة🕌

🕌الجزء 18🕌

#سلوى_العلوي ✍️
🕌#قرية_النساء 🕌
البارت 18 👑
لابسين ملحفة ماكايبانو فيهم غي العينين تسلتو من رحبة الحريم بالكشايف وهوما دايرين راسهوم من المدعويين حيت كاين نساء من الصحراء جاو عندهوم (الملحف سرقوه لوحدة من دوك لعيالات لي جاو ضياف😂) وصلو للباب لقاو الحرس
سيليا: يا وني بيك يا بني أشكيفك وأشكيف صباحك
الحارس: الحمد لله أش حب الخاط الالة
إيمان : نبغيو نمشيو نستقبلو أهلنا وحبابنا افتح الباب (غا سمحولنا أناس الصحرة راه غي شي كليمات كانعدي بيهوم 😂)
الحارس :واخا الاللة تفضلي
سيليا :وخيرت بيك با  بني (اكرم بك زعما)
خرجو لبنات وهوما كايموتو بالضحك كايتفكرو فالصباح آش دارو
فلاش 🔙
إيمان: زيدي زيدي عندي فكرة جهنمية
سيليا: يالله زيدي وريني آخرتها معاك
إيمان: وا غيي تيقي بيا نتيي فبلاد الشرفة حافضة لقوالب وانا دابا فبلادي وحافضة قوالبها 😂
مشاو لبنات دخلو لقاعة الضيوف كانو تما عيالات مجموعين ومعاهوم هنية
هنية: أهلا أهلا بالغنايات ديالنا مارحبا زيدو تفطرو
سيليا :ربي يخليك لي
واحد المرأة :(لابسا لباس صحراوي) يا وني بييكم أشخباركم ؟
إيمان:بيخير بيخير (كتهدر فودن سيليا ) شناهي هاد يا وني بيكم
سيليا:(بهمس ) هي مرحبا بيك
المرأة:إييوا نتوما غنايات وا طربونا بشي موال نفتحو بيه الشهية
سيليا:(كضور فعينيها ) أهااه واخا واخا
بدات كاتغني موشح أندلسي "جادك الغيث"
"""في ليال كتمت سر الهوى بالدجى لولا شموس الغرر
مال نجم الكأس فيها و هوى مستقيم السير سعد الآثر
أحور المقلة موصولا لما جال في النفس مجال النفس
سدد السهم فأصمى إذ رمى بفؤادي نبلة المفترس
بالذي أسكر من عزم الما كل عهد تحتسيه و حبا
و الذي كحل جفنيك بلا سجد السحر لديه و أفترى
و الذي أجرى دموعي عندما أردت من غير سبب
فعلى صدري يبنى كفما أجدر الماء بإتقان ألما"""
سالات وصفقو عليها بحرارة حيت بصح صوتها كان رائع
هنية: ما شاء الله عليك منين تعلمتي الموشحات الأندلسية
سيليا: أ أ أ حيت حيت آه حيت الأم ديالي كانت عايشة فالأندلس وجات للمغرب 😖(هادشي لي قدرها الله تقولو)
هنية: تبارك الله يالله كولو البنات
لبنات كلاو وشبعو وهوما كايراقبو النساء وحدة بوحدة خاصهوم يتقمصو شخصية شي وحدا فيهوم حتى رصاو عينيهوم على نفس المراة لي هدرات معاهوم فاللول أكين مغايشكوش فيهوم الى خرجو من القصر او ولاو رجعو
إيمان: شوفيي سيري ضبريلنا فشي بيت زايد أنا مانقدرش ندويي راك عارفة
سيليا : واخا
مشات سيليا عند هنية كاتخمم وكاتفصل وتخيط
سيليا : لاللة هنية
هنية: نعام أبنتي ياقوت
سيليا: صراحة عارفا راسي غانبسل عليك ولكن مالقيت ماندير
هنية: غيي هدري أبنتي راك ضيفة ومولاي وصانا عليك
سيليا:(توما هادا مالو وماليي باش يوصي عليا 😡) آه هه(ضحكة صفرة) الله يكتر خيرو .. أنا صراحة خاصني بيت حيت حيت ختيي جاية من بلاد الشرفة أوو أنا صراحة مابغيتهاش تبقى فدار الضيافة قلتلها تبقى معايا الليلة وغدا غاتكمل سفرها
هنية: ما كاين باس كاين بيت لاكن خارج القصر واش مافيها باس ؟
سيليا:(مزييااان نييت وفرتي علي 😈) آه ماكايين باس حنا ماشي بنات لقصور ماكانتشرطوش
هنية: الله يكبر بيك ..(عيطات على خادم) لووباانة وججدي بيت السفر لياقوت جايين عندها شي ضياف
لوبانة : واخا الاللة
فهاد الأثناء ايمان كانت وصلات لبيوت الضياف كاتقلب على البيت لي جالسة فيه داك المرأة حتى لقات ملحف معلق عرفاتو بيتها .. دخلات كتتسلت قلبات فالرزامي لقات شلى ملاحف ختارت جوج وخرجات بالخف قبل ماتحصلها شي خادم ويصدقو فشي طاب وشي ما طاب ..
تلاقاو لبنات مور لقصر حيت لقصر علمر مايقدروش يديرو شي حاجة كولشي غايتضربلهوم فزيرو
سيليا: جبتي الأمانة ؟
ايمان: ونتي حليتي قضية البيت؟
سيليا: أنا سولت اللولة جاوبيني
إيمان : لااا قضية البيت أهم جاوبيني نجاوبك
سيليا: واش نتي حمققة وتا أنا والله ما قايلة الى ما قلتي
إيمان: راني غانوض نتفك هنايا واش حنا فهادشي دابا
سيليا: هاي هاي هايي إييواا الى سمييتك عاتق وحليب مك بين ضراسك قربيلي لاما قبرتك
(واش هاد الجوجات بعقلهوم 😳)
إيمان:(رمات عليها الملحف باش تلبسو) شديي الله يخويلك الما فالركابي
سيلا:إيوا دابا مززيان ديريها من اللول حتى أنا ضبرت البيت 😌
زادو لبنات وهوما كايتناكرو حتى وصلو عند الحارس
نهاية الفلاش 🔙
سيليا بالملحف 👇(عيون المها)