قرية النساء🕌مكتملة🕌

🕌الجزء 38🕌

#سلوى_العلوي ✍️
🕌#قرية_النساء 🕌
البارت 38 👑
قالو ناسنا اللوالة الجرح يبرا ويصير ملموم وكلام العار في القلب يبقى مرسوم وقالت بنت الدوار لي ذاقت لمرار : يا جرح فضهري لمن نوريك لحبيب يشفق عليك ولا لعدو يضحك علي ويشمت فيك ..
الجرح شحالما بقى غايجي نهار يتلم ويرجع اللحم على العضم لكن هدرة الناس كاطيح الروح وتسمم الدم وتخليك بدل ما ترفد الهم للجرح ترفدو للعار
كانت إيمان كاتفكر مع راسها فهادشي .. حياتها مرونة وماضيها مرون كثر .. يمكن هربات وتفكات لكن الدنيا ماكترحمش مازالا هدرة فخر الدين كادق فودنيها "الله يعفو عليك من فضولك شي نهار يقتلك"قالت مع بالها  (آييه فضولي قتلنيي وباقي كايقتلني نهار بعد نهار ومانقد نحل فمي ونقول آه) نزلات دمعة حارة على خدها مسحاتها بالخف فاش سمعات صاحبتها دخلات عندها باش يخرجو يتعشاو ....
كان بهاء الدين مع باه ودربال وسالم مجموعين قاعة الحكم هادو هوما الناس لي فيهم الثقة فالقصر وعمرهوم ينويو على غدر
رحال : عاودلينا أولدي آش طرا
بهاء الدين: بحال ديك المرة هاجمونا باغيين يقتلوني لكن حنا كنا موجدين قبل لهادشي
كولشي استغرب من غير فخر الدين وبهاء
رحال: كيفاش زعما؟
فخر الدين:حسينا بللي هاد السفر ماغايدوز بخير ودرنا خطة
فلاش 🔙
فخر الدين: خاطري ما هناني نخاف نخرجو من القصر ويداهموك تاني
بهاء الدين: حتى أنا خاصنيي نعرف شكون هادو واش بغاو مني
فخر الدين : غايمشيو معانا بعض الحرس لكن ضروري نديرو احتياطات
بهاء الدين: آتينا برأيك
فخر الدين : غانختار أكثر متدربين ثقة فالجيش ونقولهوم يراقبونا من بعيد بلاما يثيرو الانتباه يديرو راسهم رحالة ويلا هاجمونا نزربو عليهوم ونطيحوهوم ففخهم
بهاء الدين : واخا خلي هادشي بيناتنا حتا كائن مايسيق لخبار
فخر الدين: كون هاني
نهاية الفلاش 🔙
دربال : كون غير علمتونا امولاي نكونو على بال هانتا تصابيتي حيت تعطلو علينا
بهاء الدين: ماشي شي ضربة أدربال كولشي فات خاسنا نعرفو شكون لي ردنا فهاد الحال
رحال: (شاف ففخر الدين) ماشاك فحتى واحد ؟
فخر الدين: ماعرفتش أعمي ولاد عمي الحسن بعادين كل البعد على البلاد وماعينهومش فالحكم أصلا عارفين إلى بهاء ماحكمش غايحكم واحد من الموجودين هنا
رحال : زعما حنا ماعندناش أعداء شنو المعمول
بهاء الدين: أنا شاك فعدنان

........
سيليا: إيمان مالك ماعجبتينيش من الصباح وأنا كاندوي معاك وعقلك غايب
إيمان: ااا والو والو عير سهيت شوية
سيليا: عاوديلي واش أنا ماشي ختك
إيمان: صافي أسيلبا غير مهمومة
سيليا: (بمكر) اممممم خايفة على حبيب القلب
إيمان:(بعصبية وبالغوات طلقات من يد سيليا ووقفات) ممااا كايين لا حبيب القلب لا حبيب الروح أنننااا ماكانبغيييي حدددد وما من حققيييي نبغييي حددددد صاافييي أسييللييااا صصاااففف عيييتتت
سيليا: (تصدمات وبدات كاتحاول تهدنها لكن دخلات فحالة من الاعصاب بزاف) صافي غيير غيير تهدني صافي الحبيبة
إيماان: (بدات كاتنتف راسها وضرب لي جات قدامها) لاااا لاااا أنااا عييييتتت صاافييي عييييتتتت أناااا ..........
فنضركم البنات آش واقع لإيمان ؟ وأشمن مصيبة مخبية لأبطالنا ؟؟ هادشي لي غانعرفوه فقصتنا #قرية_النساء💃