#سلوى_العلوي ✍️
🕌#قرية_النساء 🕌
البارت 52 👑
مشارف النهاية 🥀
كايقول من ظــن أن الرزق يأتــي بقوة
مــا أكل الطير شيئا مع النسر
يعني ربي مكتب لكل واحد رزقو غاياخدو واخا تنطابق السما مع الأرض .. ربي عطا لهادا الكثير ولاخور القليل ماشي حيت واحد حسن من لاخور لكن لله في خلقه شؤون هو عالي وعالم بكل واحد .. وكايرزق كل واحد ..ولو ماكانش ربي مفرق هاد الرزق .. هاداك لي عندو القليل ..تا داك القليل ماغايبقاش.. داكشي علاش القناعة لابد منها فحياتنا باش نعيشو هانيين ...
وصل بهاء الدين لبلاد الشمال وبالضبط لقصر عدنان .. دخلوه طبعا حيت هو سلطان بلاد الفقهة .. خبرهم بلي بغى عدنان لكن قالولو ماكاينش .. بدات شكوكو تتزاد بلي هو مول الفعلة .. خرج من عندهوم وتفكر شخص كان ناسيه .. أو بالأحرى نساوه فيه .. "إسحاق" ..اتجه للقبيلة المجاورة حيت تما دارو .. غير وصل استقبلاتو مراتو وقالتلو بلي من يوم مشا للجنازة مارجع .. صافي بهاء الدين حاس براسو غاينفاجر .. شكون لي خطفها ؟
في مكان تاني عند لالة سيليا لي ساكتة على غير عادتها .. ماعرفناها عيات واستسلمات ولا كاتطبخ شي طبخة .. دخل عندها نفس الشخص لي ولات كاتشوفو كل نهار جابلها ماكلتها وكلهالها وتا هي مارفضاتش حيت خاصها الطاقة باش مايوقعلهاش بحال آخر مرة (عندها تجربة زعما 🤣)
الشخص:(بتهكم) مزيان لي درتي عقلك ..ياكما سخفتي
سيليا:(بتعب شديد) لقيتيني عييت أما نجاوبك
الشخص: مزيان خاصك تعياي باش ماتشقينيش معاك
سيليا:شحال من نهار وانا هنايا
الشخص: ثلاثة أيام
سيليا: علاش كادير هادشي ؟
الشخص: حساب قديم كانصفيه
سيليا: شكون كايعاونك ؟
الشخص : لاش كاتسولي 😡
سيليا: حيت مايمكنش تكون تايق فراسك حتال هاد الدرجة لو ماكانش عندك عوين
الشخص: كاينين بزاف دالناس منهوم وردة
سيليا: فاش عاوناتك وردة وفين عرفتيها؟
الشخص: وردة يا وردة هي لي مهدات الطريق 🤣 مسكينة نية نهار تلاقيتها فالعرس كانت كاتبكي على بهاء الدين .. ماكنتش عارف واش كاتبغيه ومشيت كانواسيها و هي ماكانتش من العاكزين .. تشكات منك وقالت غاتخبي هادشي فقلبها وتنسى لي فات وتبدا من جديد ..الناس صحابلهم كاتبكي على فراقك 😂 ولكن أنا كانت هادي فرصة زوينة لي 😈 استغليتها مزيان هي كاتعرف القصر قنت بقنت وإلى شافوها كادور فيه ماغايشكوش ماشي بحالي أنا غريب منين حطينا رجلنا هنا وأنا كانخمم فشي طريقة ومن محاسن الصدف كنا كاندويو أنا وياها على الخطة حتى خرجتي نتي ...(بعد الشعر على عينها) شتي كولشي معاوني حتى القدر ..
سيليا:(بعدات وجهها منو بالنتير) شكون آخر داخل معاك فهاد المعمعة 😑
الشخص: مممم خليني نفكر .. حتى واحد بوحدي
سيليا: علامن كاضحك 😏
الشخص: دخلي سوق جواك ياك وردة لي كايهمك تعرفي فاش عاوناتني هانا قلتلك بسبابها خرجنا من القصر بلاما يردلينا تا واحد البال ...
خرج وخلاها غارقة فأفكارها فكات يديها تاني لي تلتيام وهي غير حاطاه م مور ضهرها حيت فكات الخيط .. كانت كاتفكر الوقت المناسب لي تهاجمو فيه ومن حسن حظها كان نسا النهار اللول معلقة دالخشب عندها وبدات كاتنحتها حتى ولات حادة شوية قالت يا ربحة يا دبحة هو كايبقا قوى منها وخاصها تحاول حتال آخر نفس تخرج من هنا وتوصل لبهاء الدين لي منين عرف بلي عدنان خارج البلاد قرر يرجع بحالو لبلاد الشرفة وهو مكسور مابقى عارف راسو من رجليه غيي ماشي فينما داوه رجليه ..
فمكان تاني وبالضبط فقصر الفقهة لي نسيناه .. كان فخر الدين واقف مع باه وعمو كايحللو ويناقشو مضمون الرسالة .. ياكما نييت غاتنوض الحرب ؟
رحال: أنا مانقدش نشك فعدنان كيما كان الحال أول مرة هاجموه فيها القطاطعية كان بيناتهم سنين طوال .. وماتشاوفوش ولو كان بصح على ود سيليا فراه عرفها مور ماوقع داكشي
فخر الدين: وشكون فنظرك أعمي شكون غايكون .. عييت نخمم والو تا حاجة ماجاتني لبالي
رحال : مابقيتش عارف أولدي هادي ماتكون غير شي دعوة ديال مظلوم خرجات فينا ..
فخر الدين: أنا غانشد الرحال لبلاد الشرفة القصر أمانة عندك
رحال: الله يديك على خير أولدي ....
#قرية_النساء 💃
STAI LEGGENDO
قرية النساء🕌مكتملة🕌
Storie d'amore💎مكتملة💎 ❌حصرية على الواتباد❌ قصة رمضانية 🌙🕌 تحمل في طياتها عبر وكلام موزون .. كيخلي السامع يتنغم والراوي يفكر..😍 العنوان:#قرية_النساء💃 للكاتبة: #سلوى_العلوي ✍️ ⚜️🏰⚜️ حجايتنا كتهدر على زمان غير زمانا وناس غير ناسنا نبداوها باسم الله ونصليو...
