💎مكتملة💎
❌حصرية على الواتباد❌
قصة رمضانية 🌙🕌 تحمل في طياتها عبر وكلام موزون .. كيخلي السامع يتنغم والراوي يفكر..😍
العنوان:#قرية_النساء💃
للكاتبة: #سلوى_العلوي ✍️
⚜️🏰⚜️
حجايتنا كتهدر على زمان غير زمانا وناس غير ناسنا نبداوها باسم الله ونصليو...
#سلوى_العلوي ✍️ 🕌#قرية_النساء 🕌 البارت 34 👑 قالتلي جدة واحد النهار : بنتي كاين النية وكاين الذيب كاين الخاين وكاين لحبيب كاين الساهل وكاين الصعيب وكيفما كان الحال ربي هو لي قريب .. ياما قلنا هادو ناس عليهوم ما كاين فراق لكن الدنيا والزمان ماعرفنا شكون العدو وشكون الصديق .. شكون لي غراب ومخبي بكسوة حمامة .. وشكون لي حمامة ماكاتبانش من كثرة الغمامة ... فاتو ليلتين وكل واحد يراري بهمو لكن كيما كايقولو ديرها فالرجال وترجاها وديرها فالنسا ولا تنساها لالة سيليا مابغات تنسى ترجع دقتها بقات حازنة على راجلها ليلتين إيوا الله يجعل شي باركة تصفي حسابها دابا 😂 إيمان: واش مأكدة ماغايوقعلها والو سيليا: شتك نتي غي عرفتيها خت فخر الدين ولات عندك عزيزة عنداك تسحابيني ناعسا على ودني ولا كانرضع صبعي إيمان: شنو بغيتي تقصدي 😳 سيليا: المقصود الله أنا فاهمة ونتي فاهمة 😉 إيمان: ماكاين والو من داكشي لي عندك فراس غا نتي وليتي تخرفي مور ما حبيتي سيليا : هيهيهي المذبوحة كاضحك على المسلوخة جات مقطوعة الراس قالت الله يهنينا من هاد الناس هادي هي ديالك زعما نتي ماحبيتيش إيمان: دابا لاش باغا توصلي واش باغاني النوض نتفك سيليا: سكتيينا وصافيي عقتلك بالقالب ماكان لاش نديرو الشوهة خليني نكمل شغالي إيمان: الله يخرج هاد الفضيحة على خير 😖 .......... شدو طريقهم لقبيلة ولاد عياد لي موجودة فبلاد الفقهة وليلتين كانو كافيين باش يوصلولها سالمين غانمين والحمد لله دربال: مولاي غانمشيو للقصبة ولا ندوزو عند القاضي عياد بهاء الدين : خلينا نمشيو للقصبة نرتاحو ومن بعد نمشيو عند القاضي فخر الدين: ماجاتش نمشيو عند الناس وحنا مبهدلين من السفر خاسنا نرتاحو بعدا (الزين حبو مولانة واخا يكون فدربالة ازييين 😉) مشاو الدراري رتاحو وحيدو العيا دالسفر من بعد مشاو لدار القاضي عياد هو لي مستقبل الناس لي جايين من الشام ومضايفهم فدارو القاضي عياد :(تحنى على بهاء الدين يبوسلو يدو لكن ههاد الاخير خطفها وربت على كتفو ) مولااي مرحبا والف مرحبا بيكوم بهاء: ترحب بيك الجنة القاضي: أنا فرحان اليوم ليي جيتو عنديي الدار نورات بيكوم(حتراف لاخور ) بهاء الدين :شكرا شكرا الله يكبر بيك دخلو لداخل كانو الناس كالسين تسالمو وتبادلو الحديث وعقدو صفقات تجارية مربحة للطرفين حتى حل الليل وبدات القصارة ( آجيي أسيلياا تشوفي راجللك 😂) كانو جايبين غنايات وبنات يزهيولهوم الطرح مع الناس دالشام كايعجبهوم الزهو والنشاط وحتى الناس ديالنا 🙂 واحد بهاء الدين غي كايدور فعويناتو وكايحمد الله لي سيليا ماكايناش أما فخر الدين ماكايحملش هاد الأجواء غا كالس بحالا جالس على الجمرة .. جات وحدة من الناس دالشام لي جابوها معاهوم وجلسات حدى بهاء كاتبحلس عليه وهو ماعارف راسو واش ينوض يعطبها من شي قنت قدامهوم ولا يصبر حسن مايولي فماهي وما لونها .. ولد عموو كالس كايضحك عليه وكايدوي تحت سنانو فخر الدين: سبعيام دالباكور 😉😂 بهاء الدين: سكت الله يقطعلك الحس راني صابر بسيف فخر الدين : إييه كون كانت عروستك هنايا مع هي من العيالات لي مايرضاوش يتشاركوو حاجتهم بهاء الدين :(يالله بغا يهدر حتى جات وحدا شدات فخر الدين من دراعو صدماتو وبهاء طرطق بضحك ) واااا هههههههه ياربي نكون غير كانحلم فخر الدين لي عمر تجرآت عليه شي وحدة شادا فدراعو بنت من الشام فخر الدين:(خنزر فيها وهي تجمع يديها ) ختي سيليا مسكينة فاش تسيق لخبار لهاد لقصارا بهاء الدين:(جمع الضحكة) ولد عمي فخر الدين: مالك غي ضاحك آش داني ندوي ولا نتكلم 😌🤐 بقاو ديك اللليلة على نار باغينها غير إمتا تسالي وماحاملينش راسهوم حتى جاء الفرج وناضو تحركو يرجعو بحالهم للقصبة ......... صباح جديد ما بحالو صباح فاقو ناس القصر وتجهزو حيت اليوم يوم الحمام كايتجمعو فيه لبنات العويتقات والمحنيات والمزوجات وكايطركو الحمام لي كايكون محجوز ليهوم صحيح كاين حمام فالقصر لاكن الجماعة هي كولشي كانو حاطين سطولاتهوم وكل وحدا حدى سطلها شاكوشها وكميمسات ديال الحنا والمسك والزهر والورد والغاسول وزيد عليها قريعات ديال الزيوت العطرية ... مشات مسلتة باش ملتلفتش الانظار بدلات كموسة خضرة محطوطة فسليلة بوحدة أخرى ورجعات لبلاصتها بحاللا حتى حاجة ماطرات الله يخرج العاقبة على خير🙂 شنو وقع البنات ؟ وشنو كاين فالكموسة لي تبدلات ؟ واش غايدوز هاد الحمام بيخير ولا غاتوقع شي كارثة ماكانتش على البال؟ تبعو معايا باش تعرفو هادشي فقصتنا #قرية_النساء💃 الحمام👇
Oops! This image does not follow our content guidelines. To continue publishing, please remove it or upload a different image.
Oops! This image does not follow our content guidelines. To continue publishing, please remove it or upload a different image.
