💎مكتملة💎
❌حصرية على الواتباد❌
قصة رمضانية 🌙🕌 تحمل في طياتها عبر وكلام موزون .. كيخلي السامع يتنغم والراوي يفكر..😍
العنوان:#قرية_النساء💃
للكاتبة: #سلوى_العلوي ✍️
⚜️🏰⚜️
حجايتنا كتهدر على زمان غير زمانا وناس غير ناسنا نبداوها باسم الله ونصليو...
#سلوى_العلوي ✍️ 🕌#قرية_النساء 🕌 البارت 15 👑 فاقت كاتحل عينيها بالثقالة بعدما حسات بتصرفيقات خفاف على حنكها .. فالأول بانتليها غير الضبابة من بعد عاد وضاحت الرؤية غير شافت الشخص ليي قبالتها عنقاتو بلا كلمة ولا جوج سيليا: إيييماااننن حبيبتيي توحشتتتك إيمان:هئ هئ تانا الحبيبة سمحييلييي هادشي لي وقعلك كاملو بسباابي أنا سيليا : ششششش سكتي يالحمقة هادا مكتاب الله وما عندي منو هروب (دورات عينيها على المكان كانت غرفة عادية فيها فراش ) فين حنا وكيفاش وصلنا لهنا؟؟ إيمان: حنا فدارنا سيليا: داركوووم😳 إيمان: ماتخافيش كاينا غير يما وبابا(بترقيق البا) خوتي الشمايت مسافرين الله يديهوم بلا رجعة سيليا: وباك مامقلقش منك حيتت هربتي إيمان: لا أختيي باا تربا فبلاد الفقهة إنسان واعيي راه غيير خوتي لي مساخط الواليدين عيا يخيرهوم بين داكشي لي دارو ولا رضاتو لكن ختارو السخط الطماعة سيليا: الحمد لله ماديريش فبالك ربي ياخد الحق دابا خاسنا نلقاو طريقة باش نرجعو للبلاد ونخرجو من هاد لقبيلة حيت الى لقاونا ما بقى هروب إيمان: فاش يصبح صباح نمشيو مع طريق الواد كاتكون خاوية مافيها رجال حيت لعيالات كايغسلو تماك سيليا:إن شاء الله (سكتات شوية بحاللا كاتفكر) أجيي كي درتي جبتيني لهناأنا عقلت على راسي سخفت مور ماجرني شي واحد إيمان: آه أنا لي جبتك وا قسمتيلي ضهري كاتباني خفيفة 😂 سيليا: إييواااا لهلا يحيييك ويطول زمان عليييك ويبعد سهمي من سهمك تا نكون تقيلة أنا لاللاااك الفورمة حوتة والوزن ريشة والوجه قمرة إيمان: هاي هاي هايي وا تي تهدنيي را غا ضاحكيين راك على سبة لي شافك مايقولش هادي ماكلاتش ثلاثة أيام سيليا:(تفكرات بلي فيها الجوع) إيوا هي إلى عتقتي الروح 🙂 مشات إيمان جابت لهاد لمسطية ما تاكل وعرفاتها على واليديها لي عجباتهوم بعفويتها وكلامها لحلو .. من بعد دخلو نعسو فبيت إيمان يصبح ويفتح ... ......... في قصر الفقهة كان جالس بهيبتو حاط يدو فوق راسو وكايشوف الرسالة لي ماليها معنى بالنسبة لييه رحال:(بالغوات) ساااالللممم ساااالللم سالم:(عوين رحال) نعام أمولاي آمر رحال: دااابااا داببااا تعيطلي على فخر الدين صبريي تقاداا هادا جهدي سالم: واخا أمولاي لاكن مولاي فخر الدين خرج يدرب ونتا عارفو ماغايرجع من دابا تا يصبح الصباح رحال: صييففط موراه هو لي غايفكني من هاد المصيبة لي أنا فيها سالم : أمرك أمولاي فخر الدين هو ولد عم بهاء الدين راجل مجموعين فيه جميع الصفات قوي وسيم وعندو هبة طيح الما فالركابي عيبو الوحيد عصبي وماكايتفاهمش بالهدرة كيما كايقولو حتى زين ما خطاتو لولة وهادشي كامل حيت هو قائد الجيش يمكن خدمتو حتمات عليه يولي قاسح ... هو كبر من بهاء بسنوات قليلة عزيز علييه وحاسبو كثر من خووه كيتفاهمو مزياان .. فخر الدين كان كيدرب جنب الضاية حتى جا عندو مرسول من القصر كايخبرو بللي الحاكم بغاه ..ركب على عودو وتوجه للقصر كيتساءل آش غايكون عمو بغاه .. وصل للقصر وتاجه لغرفة رحال دخل بعدما دق لباب فخر الدين: مولاي بغيتيني رحال: أجي أولدي أجيي غانهدر معاك بصيفتي عمك دابا ماشي بصيفتي حاكم فخر الدين: آش واقع أعمي ياك لاباس رحال: هاد الولد عنديي غايسطينيي قلنالو شد لحكام قالك بغيت شرطي يتقام .. درنالو خاطرو وسيفطنااه تلقاولو وحاولو يقتلوه وغبرلو الأثر سيفطنا لي يقلب عليه فاش لقيناه قالك حكا والواد أنا غانقلب على لي ليها قلبي رتاح ومانجي حتى نجيبها آش ندير أنا آشش نقوولل للناس لي كايتسناو ولي العهد وعليه كتر القيل والقال فخر الدين :(هو بالنسبة ليه بهاء الدين على حق مادام لقى لي بغاها من الأحسن يقلب عليها حيت الحكام ماغايهربشاي بتاسم بقلة حيلة وقال) واخا شنو المطلوب مني أنا رحال: سير جيبو أولديي فخر الدين : شنوووو😳😳 .......... ....... صبح الصباح وفاقو لبنات تحزمو وترزمو ودارو لثامهم وشدو طريق الواد ما فطنو حتا جا واحد من رجال الشيخ لي عقل سيليا غير من عينيها شدها من يدها ما عرفو باش تبلاو يالله غايعيط على الرجال لوخرين غافل على إيمان لي شدات حجرة وعطاتو بيها للراس .. طاح مغيب فبلاصتو سحابلهوم غير مات سيليا: ويلي ويلي يا الزغبية تي قتلتيييه إيمان: (بالرجفة) سروو قليل العفة (شدات سيليا من يديها وجراتها هربانين) زييديي دغيياا خلييه يستااهلل مشاو لبنات كايجريو مخلوعات وقفو يستارحو شوية لكن سمعو صوت الشيخ كيغوت أكيييد عرفهوم كاينات هناا بقاو كيقفقفو ويقلبو على شي تخريجة حتى لقاو مجمع ديال لعيالات جنب الواد كانو كايغسلو شعرهوم يالله سالاو ودارو حايكهوم ولثامهوم .. سيليا: كاتفكري فاش كانفكر ايمان:اللهم لعمش ولا العما 😈 فنظركم البنات أش ناويات هاد الملعوقات يديرو؟ واش غايزططو راسهوم ويهربو من بطش الشيخ ولا خطتهوم غاتفشل ؟ هادشي لي غانعرفوه كاملين فقصة #قرية_النساء 💃 فخر الدين 👇
Oops! This image does not follow our content guidelines. To continue publishing, please remove it or upload a different image.
