💎مكتملة💎
❌حصرية على الواتباد❌
قصة رمضانية 🌙🕌 تحمل في طياتها عبر وكلام موزون .. كيخلي السامع يتنغم والراوي يفكر..😍
العنوان:#قرية_النساء💃
للكاتبة: #سلوى_العلوي ✍️
⚜️🏰⚜️
حجايتنا كتهدر على زمان غير زمانا وناس غير ناسنا نبداوها باسم الله ونصليو...
#سلوى_العلوي ✍️ 🕌#قرية_النساء 🕌 البارت 13 👑 خرجات كتسلت من البيت بعدما خدمات الحيلة وتمكنات بلي نعسو أهل الخيمة .. كانت لابسا حايكها ولثامها وحازما حوايج على خصرها باش تبان هازة (يعني غليضة) غير فاتت الحدود تنفسات براحة وبدات تفكر كيفاش توصل لرحبة الشيخ لي عليها حراسة .. تمشات بخطوات سريعة حيت خاصها توصل لقبيلتها قبل ما الشمس تتوسط السما .. هي متأكدة ماغايصبروش على سيليا وغاينتاقمو منها غيير تبانلهم الفرصة والطريق مسرحة.. في دار الشيخ كانت سيليا على حالها حاسة بالسخفة من كثرة الجوع والعطش وما قاددا دير تا حاجة يديها ورجليها تنملو حيت ليلتين وهي مكتفة من يديها ماتحركاتش تحلات الباب ودخل منها واحد من الخدم أكيد غياخدها معاه فكرات وفكرات ولقات بلي الحل الوحيد دير راسها سخفات .. ومع قلبها حاسة بيه ثقيل بسبب السخفة هادشي عاونها تتقن الدور .. جا الخدم حاول ينوضها والوو بقى كيحركها واللو حاول يقيس نبضها لقاه ضعيف خرج بالخف من البيت يعلمهوم بليي هي كاتموت ونسا لباب مفتوح ناضت بمشقة الانفاس وكتمشا بخطوات سراع باغا توصل للباب عتباتها عاد بدات تاني تخاف كثر من اللول حيت ماشي هادي النهاية خاصها تحل لقيود باش شادين يديها وتخرج من هاد القبيلة على الاقل لقبيلة أخرى علاما يحن الله وترجع بحالها لبلادها بقات كتقاوم راسها والسخفة لي فيها حتى بدات تسمع لغوات وخطوات كيقربوا منها .. صافي ححسات بللي هاذي اللخرة ليها وما بقى هروب من هاد الوحلة حتى حسات بيد جراتها لواحد الركنة وسداتلها فمها باش تبقى ساكتة هادي آخر حاجة عقلات عليها قبل ما تخوي بيها رجليها وتتوسد الأرض بلا حيلة ... في بلاد الشرفة كان دربال كيضرب فالباب ويغوت بأعلى صوت كيطلب منهوم يعتقوه جا واحد من الحرس حل عليه وماعلا بالوش بللي موجد ليه خلا عشتو مع وقف حداه نتر عليه التراب حتى عماه وضربو فراسو بمرفقو حتى ضارت بيه الدنيا وبدا يسرح عجول الاخرة خدا منو الساروت ونصلو لبستو لبسها هو وولا سد عليه .. خرج حل على بهاء الدين بتاسمو لبعض حيت نصف الحيلة خرجات طريفة بقى غير النص لاخور لي ما عرفو كيفاش يتقنوه .. خرج دربال لحدى لباب لقا حارس اخر حدر راسو باش مايعقلوش لكن عيطلو الحارس: هييه شكون نتا وفين رابح دار عندو دربال بقى كايشوف فيه حتى تبعلو العين وهو طايح على طولتو كان هذا غير بهاء الدين لي دربو بحجرة للراس حيدلو حوايجو لبسهم هو وزادو خلفة مع الطريق .. وصلو لحدود قرية النساء لقاو تما جوج حراس خبروهوم بللي الملك صيفطهوم يهدرو مع القايدة يزة وحيت لابسين لبسة الحرس خلاوهوم يدخلو .. بعدما وصلو للقرية لقاو يزة كاتهدر مع لويزة شافتهوم قرنات حواجبها وتقدمات يزة: آش حب الخاطر لاش مدرمين علينا بهاء الدين : واش نقدر نهدر معاك (شاف فلويزة) بوحدنا يزة دارت اشارة للويزة تمشي ودربال بعد خلاهوم يدويو بهاء الدين: بصراحة أنا كنت عابر سبيل تلقاولي قطاطعية(مابغاش يكشف هويتو) وتضربت لكن ربي سيفطلي ملاك نقداتني وداواتني يزة: صبر صبر زربتي علي أولد الناس علاش نتا ماشي من الحراس بهاء الدين : لا أنا لغريب لي كانت سيليا كاداوي جروحو فالغار يزة:(بصوت عالي وغضب) كييفاااشش تجرأتيي توطا برجلك قريتناا وتلبس لباس حراس الحاكم بهاء الدين: سمعيني الاللة أنا ما باغي ناذي حد بغييت غير نعرف واش سيليا بيخير ولا صاريالها شي حاجة يزة: سيليا بيخييير واكلة شاربة ناعسةة ومابغاتتكش دك الطريق ورجع لبلادك سالم ولاا غانخبر الحارس يديك لدار القضاء بهاء الدين: لكن .... بلاما تسمع كلامو تلفتات ودخلات لدارها وهي كتبكي على شمسها لي خسفات ومشات غابت على عينيها فرمشة عيين هي لحد دابا ماقالتش لأحمد بلي لي خطفو سيليا من الشمال حيت الى ساق لخبار أكييد غاتنوض الحرب وهي مابغاتش ناس لبلاد يقولو بللي قرية النساء جابت لعار وخلقات لعداوة بين الجيران فضلات تسسكن ت وتخلي كولشي للقدر لعل الله يسهل وترجعلهوم بنتهوم بخير وعلى خير .. مشات لبيت ايمان طل عليها كيف بقات لكن الصدمة طيحاتلها لما فالركابي وخلاتها تشد فقلبها وتنزل للارض مصدومة كييفااشش جوج من بنات هاد القرية غابو على عينيها فلحظة ... فنظركم البنات شنو وقع لسيليا ؟ وشنو غايدير بهاء الدين بعد هاد المحادثة؟ وآشنو غاديير يزة باش ترجع لبنات؟ هادشي لي غانعرفوه فالأجزاء الجاية من #قرية_النساء 💃 بهاء 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
