💎مكتملة💎
❌حصرية على الواتباد❌
قصة رمضانية 🌙🕌 تحمل في طياتها عبر وكلام موزون .. كيخلي السامع يتنغم والراوي يفكر..😍
العنوان:#قرية_النساء💃
للكاتبة: #سلوى_العلوي ✍️
⚜️🏰⚜️
حجايتنا كتهدر على زمان غير زمانا وناس غير ناسنا نبداوها باسم الله ونصليو...
#سلوى_العلوي ✍️ 🕌#قرية_النساء 🕌 البارت 12 👑 في بيت مظلم كيتسمع فيه غير صوت الحشرات .. كانت نوارتنا كالسة على الضس في ركنة البيت كتخمم فهاد المصيبة وكيفاش غتخرج منها حيت أكيد الى عمها ساق لخبار غايجيب على مسبتها الصداع مع بلاد الشمال وهي ما قاددا على مشاكل وماباغة تنوض حروب دازو ساعات وأخيرا تفتح الباب ودخل النور يضوي المكان ..كان لي فتح الباب رجل غليض وجهو الشر كون دوا يتشكى من خبثو الرجل:جابولنا سلعة جديدة ومليحة وانا ما جايب للدنيا خبار شمن سلعة تاني علاش داوي هادشي لي كان كيضور بدماغ سيليا قبل مايدخل الشيخ الشيخ: آش بانلك واخا لسانها سليط ولكن ووجها حليب وعيونها ليل وشعرها حرير 😉 الرجل: تبارك الله غايعطيو فيها الثمن ولكن واش متأكد بللي ماشي..... الشيخ: وايلي قلتلك رااها جديدة 😈 الرجل: واخا مزيان غددا نجي ليها كانت سيليا كتسمعهم وماقادداش تهدر ماشي حييت خافت ولكن حيت سادينلها فمها .. عرفاتهوم لاش كيخططو كيما كان الحال هي المعنى كتقلعو من الهدرة من الدقة الولى هادي حريرة محرحرة ويلا دخلات فيها غتخرج اما قاتلة أو مقتولة وكتفضل تكون مقتولة باش ماتدي ذنوب حتى روح ... بقات كتفكر فمها وعيالات لقبيلة وايمان لي غاتكون دابا كاتلوم راسها على هادشي لي وقع وبحال والو تكون هربات من القرية وجايا تسلم راسها للشيخ باش يطلقو سراح سيليا .. بقات كاتدعي فخاطرها مايوقعش داكشي لي فبالها حيت هي تقدر تسلك راسها غير بالحيلة اما ايمان غير هبيلة (هيهيهيهي دابا تشوفي هاد لهبيلة اش غيخرج منها😈) ..... ايوا نخليو هاد المسكينة تخمم تخمامها ونمشيو نشوفو جوج قصور لوخرين الروينة لي نايضة فيهوم بسباب جوج مفقوديين .. او ماشي اي مفقودين هادو أمراه لبلاد وحكامها المستقبليين .. في قصر الشرفة مور ما ساق أحمد لخبار تصدم وماعرف أشمن طريق يشد ولا بحال لحمق سد الحدود مايدخل للبلاد وما يخرج منها حد حتى يتأكدو من هويتو ويلا لقاو شي غريب قرب لقرية النسا بلا كلمة ولا جوج كيشدوه ويديوه لدار القضاء حتى يشوفو احمد كانت القرية مخيم عليها الضيم والحزن ..كيف لا وحبيبتهوم مدللتهوم تخطفات من قلب الدار ..كل واحد كايلوم راسو وكايقول انا السباب واكثر وحدة هي ايمان لي سدو عليها لعيالات حيت كانت باغا تشد الطريق لقبيلتها باش تنقد سيليا من هاد المصيبة لي حطاتها فيها . أما فدار القضاء الأمير بهاء كان كيدوي مع شخص لي كيعرفو مزيان على خطة هروبهوم من هنا واخا كايبانلهوم مستحيل يسلكو ولكن خاصهم يحاولو والاهم ماخاص حد يعرفو هويتو حيت أولا باه غايتعصب ويجبد الصداع مع الحاكم أحمد وثانيا بغى يعرف فين هي حبيبتو وعلاش سدو القرية وكيفاش حتى جابوه الحراس للحبس وهو غريب وهاد لبلاد معروفة باكرام الضيف بهاء الدين: آش كدييير هنااا 😳 دربال: موولاااي 😳 بهاء الدين: دربال كيفاش وصلتيي لهناا دربال: هادشي لي بغيت نسولك حتى انا امولاي هادشي ماشي معقوول كان خاصك تقولهوم شكون نتا باش يلزمو حدهوم بهاء الدين: لااا لا وايااك تنطق بكلمة خلينا نفكرو فطريقة لي تخرجنا من هاد لحيوط ونمشي نقلب على سيليا حيت بانليا الى بقينا هنا عمرناا نسلكو وغاتنوض الحرب مافيهاشش دربال: وشنو لمعمول امولاي كيفاش غانخرجو بهاء الدين : يحلها ألف حلاال خلينا نفكرو بالعقل فشي طريقة ولي مكتابة هي لي غاتكون دربال: ونعم بالله نخليو هاد جوج يخيطو ويفصلو ونضربو طليلة على قصر الفقهة لي بدورو ماخاليش من المشاكل رحال من نهار عرف ولدو غاب صيفط لعوين والحرس يقلبو عليه لكن بعد أيام معدودة رجعو الحرس وقالو بلي لعوين تمحى ليه الأثر عياو يقلبو وعياو يبرحو ولا مجيب وهادي كانت ضربة قاضية للحاكم ولا بين نارين ناس القصر لي كيسسولوه على ولدو وفين غاب دابا كثر من شهر ومن جهة أخرى ولدو لي غايب ومالقالو جهد آش غايدير ؟ وآش باقي مايدار؟ عقل كايقولو يعلم الناس بلي واقع وآخر كينبهو ويوقفو قبل مايدير شي حاجة يصدق عليها نادم ..استعاذ بالله وناض صلى صلاة استخارة لعل ربي يبينلو الطريق ويمشيه فين كاين الخير ... فنظركم البنات واش هاد الحكاية غاتبقى بلى نهاية؟ ولا هاد المكتاب مسخرو ربي باش يلاقي لحباب؟ هادشي لي غانعرفوه في قصتنا #قرية_النساء 💃 رحال 👇
¡Ay! Esta imagen no sigue nuestras pautas de contenido. Para continuar la publicación, intente quitarla o subir otra.
