قرية النساء🕌مكتملة🕌

🕌الجزء 31🕌

#سلوى_العلوي ✍️
🕌#قرية_النساء 🕌
البارت 31 👑
صبح صباح جديد صباح فاح فيه عطر الريحان وشرقات شمس البلدان صباح الخير على الريق قبل شيطانك ما يفيق قبل نجمة ومشبوح قبل الزهر ما يفوح قبل الهلال والكلاَّل وقبل الطير ما يعاندني فالتغراد ...
فاق السلطان ولقى ملكتو واميرة قلبو ناعسا فجنبو تغير منها القمرة وتسكر بشفايفها الخمرة .. قبل جبينها بحب كأنه كيزيد يأكد وجودها فجنبو .. سمع دقان خفيف فالبيت ناض من حداها وحل الباب قبل ماتفيق .. كانت مو جات عندو تطمن كيدازت ليلتهم (وا كوني تحشميي أخالتيي 🙂)
رمانة: صباحك مبروك أسي لعريس (مداتلو زلافة دلحليب وتميرة كلاها) كي صبحتي ؟وكيف صبحات لالة لعروسة؟
بهاء الدين: بشوية عليك ألالات لعيالات ماعرفت واش نجاوبك على تصبيحتك ولا على شي لاخر
رمانة: صاف صاف كيف صبحات لعروسة
بهاء الدين : مازالا ناعسة 😬
رمانة: إيواا ؟
بهاء الدين: (باستغراب) شنو ؟
رمانة : إيوااا كيداز داكشي ؟
بهاء الدين:(حشم فعاوط مو) الواليدة الله يهديك 😳
رمانة: كاتحشم زعما 😂 شنو عطيتيها فالبياض؟
بهاء الدين: مازال مافاقت ماعرفت شنو نعطيها راه أول مرة نتزوج واقيلة 😅
رمانة:(مداتلو صندوقة متوسطة حلاتها كان فيها تلاتة  دبيلجات رقاق وعقد وخاتم وخيط الريح ) لبسها هادو 😉
بهاء الدين:(باس على راسها) الله يخليك ليا ♥️
مشات رمانة ودخل بهاء لعند عروستو لي كانت يالله حاللا عينيها كاتستوعب شنو وقع (فقدان الذاكرة 😂) غير شافتو جا تخشات تحت الغطا وتخبات غاطرطق بالحشمة
بهاء الدين:هههههه صباحية مباركة يا عروس (مجاوباتوش مشا ليها حيدلها لغطا هي تجر وهو يجر حتى حيدولها ) الله يهديك راني زعما راجلك
سيليا:(كاتهرنن) هننن علاش باغي تحشمني بسيييف
بهاء الدين:(حيدلها يديها على وجهها ونوضها كلسها مقابلة ليه باس راسها بحب وقال) خاسك تعرفي بليي دابا ولينا واحد ماخاسكش تحشمي مني أنا حلالك ونتي حلالي ( باس عينيها وجاب دبيلجات كايلبسهوم ليها وحدة بوحدةوكايدوي ) ريحَ الحِجازِ بِحَقِّ مَن أَنشاكِ رُدّي السَلامَ وَحَيِّ مَن حَيّاكِ هُبّي عَسى وَجدي يَخِفُّ وَتَنطَفي نيرانُ أَشواقي بِبَردِ هَواكِ
سيليا:(كاتشوف فيديها وفالخاتم لي لبسها بإعجاب ) شكرا بزاف زوينين
بهاء الدين: ماشي حسن منك 😍
سمعو تاني الدقان فباب الجناح وناض بهاء الدين يحل لقاها إيمان جايا بعجاجتها ( دابا هادو آش بغاااو آش ماكاتمركوش هاجمين على الراجل ومرتو صباح عرسهوم )
إيمان:(كطل لداخل ) صباحك مبروك أخويا بهاء الدين ( مابقاش مولاي بهاء الدين ولا خوها 😂) فينهيا ختي ياكما قتلتيها 😳(سكتوها)
بهاء الدين:(كايضحك عليها) وا معضور فخر الدين فيك ماكاتسكتيش
إيمان:(دفعاتو بيدها ودخلات) أوديي حيد حيد الله يطليكوم نتا وداك ولد عمك لي فرحان بيه سييلييااا
سيليا:(كاتدوي من لداخل) دخلي هانا
بهاء الدين حرك راسو بلا حول ولا قوة إلا بالله ومشا باش يدوش ويتوضا حيت لابقى مع هاد الجوجات غايدوروه 😂
إيوا نخليو هادو يقضيو شغالهم هنايا ونمشيو لمكان تاني  مكان لي ماعرفناه وكر شياطين ولا زريبة حيوانات ولا غار الغول .. مكان مظلام الميت لو ناض من قبرو يفزع منو كانو جوج أشخاص وجههوم مامفروزش في الظلام
الشخص1: باراكاا غيير المراة لولا ماصدقاتش😡
الشخص 2: وا شرحتلك واش ماكاتفهمش مالقيتش فرصة
الشخص 1 : غاتصفيهااللو فهاد الأيام مابقاش عندنا بزااف دالوقت
الشخص 2: راه عريس خلي غي يدوز الفرح
الشخص1: شتتك بحاللا مابقيتييش باغي تنتاقم 😡 ياكما بقا فيك وحنيتي
الشخص 2: لااااا مابقاااش فيي صاافي أنا نشوف شنو ندير
فنظركم البنات شكون هاد جوج أشخاص؟ وشنو بغاو يديرو ؟ هادشي لي غانعرفوه جميع قصتنا #قرية_النساء💃
الجناح 👇♥️