قرية النساء🕌مكتملة🕌

🕌الجزء 37🕌

#سلوى_العلوي ✍️
🕌#قرية_النساء 🕌
البارت 37 👑
كايقولك المثل لا تيق لا تيق.. لا فالعدو لا فالصديق.. خوك يديك حتى لوسط الطريق.. و يشبعك تصرفيق هذي تليق و هذي ما تليق.. مابقينا عارفين راسنا من رجلينا حتى كانقولو الدنيا عطاتنا وجهها كانعرفو بلي صرفقاتنا فوجهنا ...
وصلو وليداتنا لقصرهم ولقاو العائلة فاستقبالهوم تسالمو وتسامحو وحيدو الشوق من جفونهوم ...
كانت واقفة بعيد مع صاحبتها كاتراقبهوم كيفاش فرحانين برجوعو أما هي فمابانتلها غير يديه لي ماكايحركها ويلا قاسوه فيها كيتوجع
سيليا:إيمان شوفي بهاء الدين يدو ضاراه
إمان:(كاتفحص فخر الدين) شوفي فخر الدين كايتعكز على رجلو
شافو فبعضياتهوم بزوج وقالو فخطرة
البنات: واقعة شي حاجة
بهاء الدين كان كيقلب عليها بعينيه مابانتلوش وأمو لاسقا فيه مابغات طلقو يمشي يشوفها فين كاينة ويحيد شوقو منها حتى لمحها واقفة بعيد كاتشوف فيه شوفات غراب قدر يفهم منهوم أنها مامرتاحاش ويمكن كاع تكون عاقت بيه .. طلق من مو وقالها غايمشي يسلم على مراتو كي وصل عندها كحزات إيمان شوية وحلفات لا خلاتهوم بوحدهوم خاصها تعرف آش وقع معاهوم
بهاء الدين:(معنق سيليا ) توحشتك أحبيبتي
سيليا: حتى أنا ..كيف كان سفرك ؟
بهاء الدين: مزياان الحمد لله
سيليا:مالك فيديك
بهاء الدين:(صدماتو) والو غي تقصحت فيها
سيليا: ومال ولد عمك فرجلو حتى هو تقصح فيها
بهاء الدين: (قرن حجبانو بغيرة) وليتي كاتحضي الرجال
إيمان:(كاتلطف الجو) أنا لي قشعتو وقلتهالها مالكوم آش وقع ؟
جاها صوتو من بعيد زعزعها
فخر الدين: آش مشالك نتي؟ ولاش واقفة عليهوم بحال العساس خلي الراجل مع مرتو
ايمان:(مارضاتش يقمعها كانت غاطير عليه) آش دخل حمارك نتا بين العودان هدرت معاهم ماشي معاك
فخر الدين: الله يعفو عليك من فضولك شي نهار يقتلك
سيليا:(قاطعاتهم) باراكا من النكير (تلفتات لبهاء الدين بغضب) غاتقولي آش وقعلك ولا لا ؟
بهاء الدين: (تنهد ) ماوقع والو
سيليا:(ببرود) واخا
جرات إيمان وخلاتو بلاكا هي مقلقة منو حيت خافت عليه ماباغاش تدخل فأمور حكمو لكن كايبقى راجلها وبسيف عليها تخاف عليه وتعرف مال يدو واش تضرب فيها ولا تلواتلو على الاقل يعطيها معلومات سطحية ترضي بيهم فضولها وتحيد خوفها
فخر الدين:(ربت على كتافو) ضعتي 😂
بهاء الدين: الله يصبرنيي 😡
فخر الدين:شنو نديرو معاهادوك فاش يوصلو
بهاء الدين: هبطوهم للمطمورة غانرتاح شوية ونراضي مراتي من بعد نتلاقاو فقاعة الحكم
فخر الدين : أمرك
مشا بهاء الدين لبيتو على أساس غايلقاها غضبانة فيه عيا مايقلب عليها والو قال يمكن تكون مع إيمان فبيتها حتى كايسمع صوتها تغلغل فودنو مشى يطل من الباب لي كاتخرج للجردة حتى لقاها كالسة كاتغني للبنات ولا على بالها كيفاش زعما ماتقلقاتش وداك الشوفة لي دارت فيه ؟ مابقى فاهم والو (هيهيهيهي هادي راه سيليا ماشي من النوع لي يسد عليه الباب ويبكي هادي راها تحنتك وتندمك على نهار فكرتي تقول ماواقع والو 😈😂)
فاتو ساعات وبهاء كايتسناها إمتا تجي غير دخلات وقف هو جات قدامو وقالت
سيليا:خاساك شي حاجة أمولاي
بهاء الدين : (صدماتو لا لا فعفعاتو هادي مالها) حبيبة سمحيلي
سيليا:لا لا ويليي حشومة امولاي تطلب السماحة أنا نطلبها منك غيير. سمحلي تطاولت عليك وتعديت حدودي
بهاء الدين: (فهم بلي كاديرها بلعاني وماعجبهاش الحال يخبي عليها ) صافي أسيليا ما تزيديش على ما بيا
سيليا: آهه دابا وليت كانزيد على ما بيك مالي أنا آش درت نتا ماحاسبنيش مراتك كون أنا خبيت عليك كان غايعجبك الحال
بهاء الدين : لا ولكن مابغيتش نهولك
سيليا: أسيدي غيي هولنيي بغيييت أنا بغيييت
بهاء الدين : تعرضولنا تاني القطاطعية (شافت فيه بخوف) وفاش كنا كاندافعو على راسنا تصابيت ...
فلاش 🔙
بهاء الدين :واش نتا بعقلك ماشي من شيمي نهرب
فخر الدين : عندااااك
تلفت بهاء الدين ويالله بغا لاخور يقطعلو راسو بالسيف كان دار بزربو تلقى للضربة بسيفو وبقى مقاتل معاه حتى تصاب فيدو صحيح كانو لقطاطعية كثار لكن ........
نهاية الفلاش 🔙
سيليا:(عنقاتو بارتياح) على سلامتك .. دابا شنو غادير كولما سافرتي غايوقعلك بحال هاككا ؟
بهاء الدين: غادي نلقى هادا لي ساخيا عليه روحو 😡
سيليا: مايكونش عدنان ؟؟
بهاء الدين :(شاف فيها مطولا وقال) ممكن ....
شنو بانلكم البنات ؟ شنو حل هاد الحريرة لي تعقدات ؟
تبعو معايا باش نعرفو آش غاطرا فقصتنا #قرية_النساء💃